Mattheo Capitulo 8
1 E post ille ab monte bassate, le turbas multe sequeva le. 2 E ecce un leproso approchava se e prostrava se coram ille e diceva: Senior, si tu vole, tu pote mundar me. 3 E Jesus extendeva le mano e toccava le e diceva: Io vole, esse mundate. E presto su lepra esseva mundate. 4 E Jesus diceva le: Guarda, dice lo necuno, ma vade monstra te ipse al sacerdote e presenta le oblation que Moyse ordinava pro testimonio a illes. 5 E post entrate ille in Capharnaum, un centurion approchava se le e ille rogava 6 e diceva le: Senior, mi servo es prostrate paralitic in casa e ille es tormentate gravemente. 7 Jesus dice le: Io ira e curara le. 8 Ma le centurion respondeva e diceva: Senior, io non es digne de que tu intra sub mi tecto, ma dice solmente un parola e mi servo essera sanate. 9 Quia io es un homine sub autoritate e io tene sub me ipse un soldato e io dice iste: Vade e ille vade; e io dice altere: Veni e ille veni; e io dice mi sclavo: face isto e ille face lo. 10 E Jesus audiva isto e admirava se e diceva a illes que sequeva le: Amen, io vos dice que io non videva tante fide in alcun in Israel. 11 E io vos dice que multos venira del oriente e del occidente e reclinara se in le tabula de Abraham e Isaac e Jacob in le regno del celos; 12 ma le filios del rege essera expulsate al obscuritate foras; illic le plorar e le stridulation del dentes. 13 E Jesus diceva al centurion: Vade e illo sia facite como tu ha credite. E le servo esseva sanate in ille hora. 14 E Jesus habeva venite al casa de Petro e ille videva su matre affin que habeva essite cubate e illa habeva febre; 15 e ille toccava su mano e le febre lassava la e illa esseva levate e serviva le. 16 E le vespere arrivate, illes le apportava multos indiabolate e ille expulsava le spiritos con su parola e ille sanava tote que teneva un mal; 17 Assi pro que le dicite per le propheta Isaias compliva se, quando ille dice: Ille apprehendeva nostre debilitates e ille portava nostre infirmitates. 18 E Jesus videva un multitude circa ille, ille ordinava passar al litore opposite. 19 E un scriba approximava se e diceva le: Magistro, io sequera te ubicunque tu vade. 20 E Jesus le diceva: Le vulpes ha cunilieras e le aves del celo, nidos, ma le filio del Homine non tene ubi ille reclina le capite. 21 E un altero del discipulos diceva le: Senior, permitte me primo vader e interrar mi patre. 22 Ma Jesus diceva le: Seque me e lassa que le mortos interra le mortos de illes mesme. 23 E postea ille entrava in le barca e su discipulos sequeva le. 24 E ecce un tempesta grande levava se in mar tanto que le barca era coperite per le ollas e ille dormiva. 25 E illes se approchava se e le eveliava e diceva: Senior, salva nos, que nos peri. 26 E Jesus dice les: Quare esse vos timorose, homines de parve fide? E tunc ille levate reprehendeva le ventos e le mar e un calma grande deveniva. 27 E le homines admirava se e diceva: De que classe es iste que usque le ventos e le mar obedi le? 28 E ille arrivava in le litore opposite, in le region del gadarenos, e duo indiabolatos veniva al incontro de ille e illes sortiva ex tumbas, multo furiose, tanto que necuno poteva passar per le cammino ille. 29 E ecce, illes critava e diceva: Que cosa a nos e a te, Filio de Deo? Veniva tu, hic ante de tempore, per tormentar nos? 30 E era distante de illes un grege de porcos que nutriva se. 31 E le demonios rogava le e diceva: Si tu jecta nos foras, invia nos al grege del porcos. 32 E ille diceva les: Vade. E illes exite vadeva al porcos; e ecce tote le grege precipitava se per le ravina al mar e illos periva in le aquas. 33 Me illes que nutriva fugiva e arrivava al citate, e illes narrava tote le cosas e lo del indiabolatos. 34 E ecce, tote le citate exiva al incontro de Jesus e quando illes le videva illes rogava a fin que ille displacia se del lor frontieras.
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev