Mattheo Capitulo 19
1 E adeveniva que quando Jesus terminava iste parolas, ille se translatava ab Galilea e veniva al confinios de Judea, ultra le Jordan. 2 E grande multitudes le sequeva illic e ille les sanava illic. 3 E un phariseos se approchava a ille pro tentar le e illes diceva: An es licite repudiar su femina per qualcunque causa? 4 Ma ille diceva respondente: An non legeva vos que ille qui les creava ab initio les faceva masculo e femina? 5 E ille diceva: Per isto un homine quitara le patre e le matre e restara unite a su femina e le duo essera un sol carne; 6 ita jam non son duo solmente un sol carne. Quia lo que Deo ha jungite le homine non lo separa. 7 Illes dice le: Quare Moyse commandava dar documento de divorcio e repudiar la? 8 Jesus dice les: Moyse per vostre duressa de corde vos permitteva repudiar vostre feminas ma ab initio non esseva assi. 9 Ma io dice vos que quicunque repudia su femina, excepte si illo es adultere, e se marita con altera ille adultera. 10 Le discipulos le dice: Si ita es le causa del homine con le femina, illo non conveni sponsar se. 11 Ma ille les diceva: Non totos ha capacitate per practicar iste parola solmente a illes qui lo ha essite date. 12 Quia eunuchos son qui ita illes nasceva ab le ventre de lor matre, e eunuchos son qui le homines faceva eunuchos e eunuchos son qui faceva se eunuchos per le regno del celos. Qui lo pote acceptar que lo accepta. 13 Tunc del infantes les esseva portate pro les imponer le manos e pro orar pro illes, ma le discipulos les reprendeva. 14 Ma Jesus diceva: Lassa le infantes e non impedi les venir a me quia le regno del celos es de tales. 15 E postea ille imponeva les le manos e ille partiva ab illic. 16 E ecce uno approximante se le diceva: Magistro, que cosa bona debe io facer per obtener le vita eternal? 17 Quare demanda me tu circa le ben? Uno sol es bon; ma si tu vole entrar in le vita eternal, observa le commandamentos. 18 Ille dice le: Quales? E Jesus le diceva: Non occider, non adulterar, non furar, non dicer false testimonio, 19 honora le patre e le matre e ama le proximo como te mesme. 20 Le juvene le diceva: Tote iste cosas io observava. Que totevia me manca? 21 Jesus le diceva: Si tu vole esser perfecte, vade, vende tu possessiones e da los al povres e tu habera un thesauro in celos, e veni e seque me. 22 Ma quando le juvene audiva iste parola, ille vadeva attristate quia ille habeva multe benes. 23 E Jesus diceva a su discipulos: Amen, io dice vos que un ricco difficilemente entrara in le regno del celos. 24 E de nove io dice vos que un camelo intra per le oculo de un agulia es plus facile que un ricco entra in le regno del celos. 25 Le discipulos audiva lo e illes se consternava multo dicente: Tunc qui pote salvar se? 26 Ma Jesus reguardava e diceva les: Isto es impossibile al homines ma conjunctemente con Deo toto es possibile. 27 Tunc Petro respondeva e diceva le: Reguarda, nos ha quitate toto e te seque, que pois essera de nos? 28 Ma Jesus diceva les: Amen, io vos dice que qui me seque, in le regeneration, quando le Filio del Homine se sedera in le throno de su gloria, anque vos sedera in dece-duo thronos pro judicar le dece-duo tribos de Israel. 29 E quicunque quitava casas o fratres o sorores o patre o matre o filios o campos per mi nomine recipera cosas multiplicate e hereditara le vita eternal. 30 Ma multe primos essera ultime e ultimos essera prime.
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev