Mattheo Capitulo 28

1 E post sabbato, al matino del prime die del septimana, Maria le magdalen e le altere
Maria vadeva pro vider le sepulcro.

2 E ecce un terremoto grande habeva devenite; quia un angelo del Senior bassate del celo
se approximava e rotava le petra e se sedeva super illo.

3 E su aspecto era como un fulgure e su vestimento blanc como nive.

4 E per le espavento le guardias tremeva e remaneva como mortos.

5 E le angelo initiava a parlar e diceva al feminas: Quita timer quia io sape que vos cerca
Jesus que esseva crucifigite;

6 ille non es hic, quia ille resuscitava conforme ille diceva; veni, vide le loco ubi ille era ponite.

7 E vade subito a dicer a su discipulos que ille ha resuscitate ab le mortos e ecce
ille precede vos a Galilea e vos illic le videra. Ecce, io vos lo diceva.

8 E illas partiva subito ab le sepulcro con timor e gaudio grande e illas curreva a annunciar a su discipulos.

9 E ecce Jesus incontrava illas e diceva: Ave. E illas se approchava e imbraciava su pedes e prostrava ante ille.

10 Tunc Jesus les diceva: Non timer, vade a annuntiar a mi fratres que illes vade a Galilea
e illes illic me videra.

11 E dum illas iva, ecce alcunos del guardias veniva al citate e annunciava le advenimento
al principes del sacerdotes.

12 E illes, reunite con le ancianos, prendeva consilio e dava copiose numismas de argento al milites,

13 dicente: Vos debe dicer: Su discipulos veniva de nocte e robava le corpore dum nos dormiva.

14 E si isto essera audite per le governator, nos le persuadera e nos vos liberara de preocupationes.

15 E illes prendeva le numismas de argento e faceva como les habeva essite inseniate.
E iste dicto esseva divulgate usque hodie.

16 Assi que le discipulos iva a Galilea al monte que Jesus les habeva ordinate.

17 E illes le videva e le adorava ma alcunos dubitava.

18 E Jesus se approximava e les parlava dicente: Tote autoritate esseva date a me
in celo e in terra.

19 Vade, alora, e doce tote le nationes e baptisa les in nomine del Patre e del Filio e del Spirito Sancte,

20 e insenia les guardar toto quanto io vos ordinava; e ecce io esse con vos, tote le dies,
usque le consummation del mundo.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev