| № 10 | ЯКСТЕРЕ ТЕШТЕ. | 3 |
сермадомо крестьянонь эрямодо, сермадмо истямо кельсэ, штобу ловнумась улевель а скучна, штобу статейкатне улевельть нюркинеть евксонь кондят.
Теде башка, эряви шрифтэнть тейме седе разнообразной ды коть бу чуросто улевель кодат как илюстрацият — крестьятнэ ваныть тожо и те лангс — мазы газетась.
Паро невтемс берянь таркатнэнь лангс анця а пэк шождыне сынст полафтомс, витлемс. Вана истят пьескат, кодамо ульнесь печатазь „Кавто киява“ понгить пек чуросто. Ведь истят парт сермадовкст а курок муят рузонь литературасояк. Газетанть ловномсто эрьзятне кортыть, што те вана евксось паро и стувтыть натой што сермадозь аволь те таркань наречиясо.
Эряви сермадомс косо мезе ули однэ наукасо — ведь эрзясь уш аволь истямо чопуда, штобу а содаволь тень эйсэ.
Минек молодежесь те шкане арси ковгак кодаяк прянть соватомс тонавтнеме Минек секциясь наркомпроссо кода бути кулозь, чатмони. Сонензэ как раз эряволь бу сермадмо „Якстере Тештесь“ месть роботы ды кода молеть тевензэ, коли ков, кода ды кинень можна совамс тонавтнеме. Минек молодежесь теде азды и сонзэ савкшны сайме рузонь газета и тосто муймекс эрявикст сведеният, програмат, правилат, кода ков можна поступить.
Вана, монь мельсэнь, мезе эряви, штобу паролгавтомс газетанть.
Гал.
| Ответ Глуховонь статьянть лангс |
| (Вейке эрзянь кельце миненек эряви сермадомс. Якстере Теште № 6). |
Монгак думинь те вопросонть кувалт, Глухов ялгай. Умок уш лиси Якстере Тештесь и яла сонзэ эйсэ сермадыть разной кельце, а тедиде, Глухов ялгась кепедсь вопрос: вадря ли истя, а витемс ли сермадума келенть?
Те вопросось кенерць и сонзэ непременно эряви решамс. Глуховонь причинадо башка мон евтан еще ве причина, кона мери истя жо — миненек вейке эрзянь кельсэ эряви сермадомс.
Тедиде эрзянь школатнева кармасть тонавтомо ловномо и сермадомо эрзякс. Ловныть и Нижегородской губернясо, и Саратовской губернясо, Симбирской губернясо ве кельсэ, потому что школатнесэ ве букварь „Тундонь чи“. Хоть лиясто и кортнить учительтне, что тундонь чинь келесь аволь сынст кель и что сон стака ловномс, а всетаки ловныть букваренть: лия букварь кодамояк арась.
Знярдо жо сынь кармить сермадомо эрзянь валт, то сермадыть сынцест лацо, аволь истя, кода валтнэ сермадозь букварьцэ. Секс лиси истя: ве школасо сермадыть „изы“, омбоцесэ — „изэ“, колмоцесэ — „изе“, а нилице таго лиякс.
Кажной мери тень кувалт, что истя тевесь ковгак а маштови: эли эряви сермадомс весе школатнесэ вейкецтэ эли совсем а сермадомс эрзянь разной кельсэ.
Мон думан, эряви саемс васенце положениять: сермадомс весе школатнева ве кельсэ, кода ве кельсэ ней ловныть. Секе жо кельсэнть сермадомс весе эрзянь кинигатнень и газетнэнь. Сестэ теиви эрзянь литературной кель.
Центрань роботникненень, монь койсэ, эряви думамс, кинь наречия саемс литературной кельмень. Монень савкшнось кулцономс ламо эрзянь наречият и, монь койсэ, литературной кельнень эряви саемс Симбирской эрзян наречия, кода кортыть Ардатовской и Алатырской уездсэ. Те наречиясь лиянь коряс седе пек паро (кажнойнень понятной ули сонцинзэ вал) и ванькс гласной звк марто. Лия наречиятнесэ улить истят звукт, конат аштить „Е“ и „Я“ ютксо, „А“ и „Ы“ ютксо.
Те вевесь пек покш и сразу литературной кель а теиве.
Кода жо ней тевенть ветямс школатнева? Учомс ведь нельзя. Тень кувалт мон думан истя: эряви центрасо максомс распоряжения, чтобу весе школатнева сермадоволть истя, кода валтнэ печатазь букварсэ „Тундонь чи“ Сестэ и ловномо и сермадомо кель училищатнева ули вейке.
Ансяк омбоце изданиясо букваренть эряви витнемс, потому что сонзэ улить кой кува ошибкат и опечаткат.
Прокаев.
| Газетань редакциянте „Якстере Теште“. |
Васоло, Равонь тона, боксо, Бугурусланской уездсэ, Самарской губернясо ули овтонь ащема уголнэ (медвежий уголок). Те уголнэсэнть ули покш эрзянь веле Шентала. Велесэнть ули школа, ячейка Р. К. П. культурно-просветительной кружок, ловнума кудо и театра. Но те порас яла тесэ роботасть рузонь кельсэ. И ламо эрзя а чаркудиль. Знярдо кармась само газет „Якстере Теште“, а главной, кода газетантень появась налксимкась „Кавто киява“, то од цератне и од тейтертне согласясть тееме культурно-просветительной кружоконтень ЭРЗЯНЬ СЕКЦИЯ. Праздникстэнть „День Парижской Коммуны“ те налксиманть секциясь путызе васня валцке тонавниця эйкакшнэнень и чокшнэ ощо покшнэнень. Весе велесь сакшнось ваномо. Сакшность аволь только од цератне и тейтертне-аватне, но и сыре атятне-бабатне. Даже ульнисть ламо истят ломать, конат аздасызь эрзянь келенть. Налксимадонть мееле народось мерсь, чтобу часта улевелть истят налксимкат. Эрзянь Секциясь евты покш пасиба „Якстере Тештенте“.
Шенталань секциянти охота марямс, ощо косо путукшнызь те налксиманть.
Нольнаев Михаил.
| Кода И. К. Фомин рангсь, кода кундызь винань пидемстэ. |
Ох сельме валдом, ойминем! |
Ох ков молян, ков туян? Жиниан. |
| МЕСТЬ СЕРМАДЫТЬ ВЕЛЕСТЭ |
| Кода работы минек ячейкаст Р.К.П. |
Минек ячейкасо партийной робутась пек лавшосто моли. Если сайсынек ветинеск велетнень (минек вете велесто теефт ве ячейка), то анкетатнень коряс ячейкасонть можна ловомс кавксошка коммунист, но алкске сетькак арасть.
Истяяк можна улевиль думамс: куть аламо члентнэ, но парсте робутыть (лучше меньше, да лучше — мерць Ленин), но зыянось аште тень эйсо — сетькак авуль парсте роботыть.
Эрьва партийной ялгась старае, кода бу кепедэмс эсь хозяйстванзо. Те тевесь авуль пек берянь, хозяйстванть эряви кепедемс, но партийной робутанть кувалт тожо аэряви стуфтомс, а минек коммунист ялгатне самай те роботанть и стуфтызь.
Кода робуты минек ячейкась?
А вана кода: пурнавкшныть кой-коле собранияв (види-паро пек чуросто) секретаресь тее тест доклад и больше мезеяк арась. А марксисткой кружоконь, а Ленинской призывонь кувалт кияк мезеяк а думияк. Если сайсынек ветенеск велетнень, то несынек, что ячейкаяк Р.К.С.М. арась. Те ли а зыян? Знама, тевесь ковгак а маштови.
А кие чумось? — Ячейка Р.К.П. Авань робутанть кувалт а месть кортамскак: а женотдел, а мезе... Эрьвейке содасы, что чопуда эрзянь аватнень юткова уле пек ламо робута.
Меревелть бу, секретаренек берянь, мезеяк штоли а соды — дух авуль. Сон тонафнесь Московсо Коммунистической Университетсо. Видна аламодо нузялгаць. Тедо башка секретарь ялганть Бузулукской Укомось кармафтызе специальна робутамо эрзятнень юткова минек уездзо. Эряволь тензэ седеяк стараямс, а сон мекс бути робутанзо стуфнисэ.
Ялгат, сыргозедо, думазеведо кой месть партийной робутанть кувалт. Илянк стуфт, что тыньстемененк те робутантей кияк а кунды, а апак робута эрзятне колияк а лисить чопуда чисэнть.
Эрзя.
Ст. Тепловка, Бузулукск. уезда.
| Народонь тонавтума тев Лукояновск. уездсэ. |
Те иестэнть уездсэ роботыть 23 эрзянь школат, сынст эйстэ вейке учильща второй ступени. Весе школатнэва 39 учительть. Сынст эйстэ 18 ломать эрзят ды 6 ломать рузт, содыцят эрзянь кель. Остаткатнэ рузт. Букварть „тундонь чи“ получинек 800 шт. и явшинек училщава. Косо улить учителть эрзят ды эсть тонавтне рузонь букварьсэ тосо тевесь моли паро. Ней тевись стякшны анцяк теде, што арась омбоце киникга букварденть мейле. Лия школатнева, косо учительтнэ рузонь (напр. Иванцова велесэ) васня максть эрзянь букварть ды нейсыз тевест а люли сынь сынсь мезияк а чаркодить. Максть рузонь букварть конатне эйстэ ушудсь. Эйкакшонь каладма и пэзэс ваныть, што тевесь уж каладозь ды витьмензэ сонзэ могут анцяк эрзянь учителть.
| Якстере Теште лангсу суд. |
Ки кшны, ки сялды „Якстере Тештенть“ эйсы.
Косо газетанть чумозо?
Аф шаркдиви — отвечи мокшо ялгась.
Кармасть тензы кортамо, что Якстере Теште лиси эрзень кельсэ, секс мокшотнинень трудна ловномс.
— Береньсты сермадызь — мерць ве эрзя, кона эрзякс кортамо машты истяжо, кода миник велинь попось китаицыкс.
Улить истят эрзят, конат стувтызь эрзень келенть и пенецить, что тенст а чаркодеви „Якстере Тештесь“.
Эрзень секциясь Московсо теись суд „Якстере теште“ лангсу. Тердизи Московсо эриця эрзетнинь ды мокшоттнинь. Окин ялгась (редактор „Якстере Теште“) судунтинь кармась евтними, кода появась Московсо газетась. „Якстере Теште“ лиссь сексня 1921 иестэ. Васня газетась лисьниль пелезэ эрзякс, пелезэ мокшокс.
— Васня ульнись стака ловномась, а ней тонадыник и парсте ловнови теинк газетась — мери ве ялгась.
Окинынь валунзо мейле суд кармась кевксниме cвидетеллть. Кеминьчка эрзят и мокшот кортасть, что сынст велива пек радувакшнусть, кода первой налдызь „Якстере Теште“. Жаднойсты ловность.
— Кода ловнан, кунцолыть эсынь од церат, тейтирть, атят, сыри бабат. Веси кунцолыть, весименень чаркодеви — мере омбоце свидетель.
— Бедной ломать седе вечксэзь „Якстере Тештенть“, — попни а вечкеэзь — мери лия,
Ульнисть кавтушка сялдыцят.
— Мон а ловнан „Якстере Тештенть“, а вечкса..
— Мекс? — кевкени судья свидетеленть.
— Рузукс парсти маштан кортамо, рузунь газет ловнан.
— Косо эрзя ютксо эрить?
— Станциясо.
— Се станциясонть эрзетни эрзякс а маштыть кортамо — рангстась ве ялгась.
Веси раказивсть.
Свидетельде мейле кармась газетанть чумондомо Дорофеев ялгась. Келезэ пшти.
— Васня эряви эрзякс сермадомо ды ловномо тонадумс, а сестэ газета нолдамс — мери сон.
Газетанть кис (защитникикс) кортасть Васильев ды Желтов ялгатни.
— Кабу Дорофеев лацу — мереть сынь — теимс, сестэ инязурунь гак ертомс аэрявуль, ведь се порастунть минь эзиник машт, кода эряви правительстванть кирдимс. Ленин ялгась мерсь: „Сайсыник властинть апак машт, карматам кирдиманзэ и тонафтними, кода эряви властись кирдимс“.
Истя эрзетнияк: нолдыник газетанть беренсты, карматам сермадомо ды тонафтними ве порава. Мелят-маныть газетась ульнись берень, а ней теивсь седе паро. Ламо эрзят тонацьть сермадомо ды ловномо эсь келест лацо. Школава кармасть эрзякс тонафтними. Кой кува, косо арасть эрзень букварть, „Якстере Тештенть“ букваринь таркас аравтызь.
Суд мерць, что „Якстере Теште“ тусь эрзень сокицень мельце, эряви сермадумс истямо кельце, кона седе чаркодеви веси эрзетнинень. Эряви, чтобо седевиль эрзетни рамаволть эйсэнзэ. Эряви, чтобу газетантинь сермадоволь сед ламо эрзень эряму-чинь кувалт.
