| 4 | ЯКСТЕРЕ ТЕШТЕ. | № 10 |
Парсте ащи тевесь Ламбаскинь школасо. Эйкаштне ней ловныть и рузонь и эрзянь литература вейкетстэ. Минимум Губоно программанть ютызь, ней ушодыть максимум программа. Эйкакштне пек развитойть и весе сынь содаволть.
Мон араян, сынст тевесь моли секс ладнасто, што учителтне эрзят. Ученикне ды учительтнэ вейкест вейкест парсте чаркодить. Тень башка, тевесь моли ощо секс парсте, што ушудома тонавтнима шкасто сынст кеце ульнесь вейке эрзянь букварь „Тундонь чи“. Лия школава букваресь ощо арасель — азбукань савкшнось ютавтомо рузонь букварьсэ.
Горбунов.
| Ловнома кудосо крисат. |
Те теленть минек Ташто велисэ, Бузулук. уез., ульнесь пурнафт-сэрняфт кой-кодамо изба-читальня.
Знама, киниганок читальнясонть апек ламо, но кой-кодат ульнисть. Тевесь ульнись куть ков: читальнясь эрьва чокшне тыц пешкелесь ломандэ, косо заведующеесь ловнокшнось ламо книгат, а сюровидицятне кунсолость.
Пек ламо народ промкшнось Ленин ялганть куломадо мейле, кода весэ мастор лангонь робочейтне и сюровидицятне калмизь эсист валдо чив ветиця ломанист.
Акарман уш кортамо од цератнень и тейтертнень-аватнень кувалт, конат эсть лиснекшнэяк тосто, но кармасть пурнавкшномо 50—60 иесо сыре атятне, конат истяжо кунсолокшность заведующеенть эйсэ.
Но сась шка, заведующеентей лоткасть жалованянь пандомо и сон тусь. Кармасть читальнянтей арафнеме дежурнойть, а тень эрь вейкэ содасэ, кода дежурямонть лангс ваныть минек чопуда ломатне, Кияк эзь карма якамо дежурямо и читальнянть пекстызь овсе.
Ней анцяк кинишкатнень эйсэ ловныть крисатне..., а чительня вальматнень эзга вармась лайшозь лайше, терде чопуда эрзятнень читальнянтей.
Сельсовет. Сыргость удомсто.
Ташто велень ломань.
| Тердима. |
Вейке шкастонть те миньцинек кельце, сякто вадря газетэсь „Якстере Теште“ лоткакшнось лисимадо. Минь ялгам марто пек тандадокшнынек. А мезе ульнесь ловномс сондедэндэ башка. Рузонь газетс кода бути пек охота арасель.
Мон сермадынь валт сякто вадря газетась. Секс мон не валтнэнь евтынь эрзень газетаньть ланга. Сондэ весе чарькодсынек валдо валц и чарькодсызь аволь покшт, но и пакшат 6—7 годсо.
Мон ловныя ламонь кецэ не читьнень пиесканьть „Кавто Киява“ сон печатазь колмо газетка № 2,3, 6. Мон ванынь кода весе кулцуныцятне пакшань пес аварсть. Мекс сынь аварсть? Да ана мекс, сынь весе мезе сермадось чаркодизь. Вана кодамо веть вадрязо газетась. Монь эйсэ кавкснить — мекс те газетась лоткакшнось лисьнимадо. Мон тенцт меринь — Редакциянть ярмакондо машьнесть, конань нолдакшныньдэ государствась. Соньдяндэ акосто ульнесь саемс ярмак, а минь эрзетне мекс бути не выписываем ярмакто эсинек газет. Ней таго государствась кармась нолдамо аламошка.
Ней эрзя ялгат миненек аэряви, лоткавтомс эсинек паро чарькодима газетэнть. Ялгат! кучодо редакцияв ярмак, сон тенк карми кучомо газет. Если ськамот стака, то кавто, колмо ломансь чождыне ули.
Минь кучтано кавунек ярмак и сермадстынек ве газет годонь берть. Тертяном сермадстома ялгатьнень:
1) Сульдин И. И. (Морга в), 2) Арапов Ф. С. (тожо) 3) Шепелев В. Ф. (тожо) 4) Чинаев Ф. Н, (тожо) 5) Пивцайкин Н. С. (тожо) 6) Суняев Ф. Н. (тожо) 7) Клоков И.Д. (Чембергино) 8) Кулагин И. Е. (Чембергино) и 9) Кузьмичев П. В. (Чембергино).
(Морго веле, Симб. губ. Алат. губ.).
Буячев и Гагаркин.
| Сергидимат. |
Вете ялгатнеде башка, конатнень мон сергидинь сермадстомо „Якстере Тешше*“, сергидян еще лия ялгат: Радюков В. Ф., Радюкова В. И., Львицына М. Ф. (Чумаево, Петр. у., Сар. губ.), Соболева М. К., Аггеева Н. Л., Мещерякова Е. Г. (Пылково, Петр. у., Сарат. губ.), Рюмин Н. Е. (Колхозы при Чумаеве Петр. у), Арзютова (Тарасовка, Петровск. у., Сарат. губ.) и Радюкова Е. Ф. (Николаевка, Петр. у.).
Прокаев.
| „Якстере Теште“ мелезэст тусь. |
..... Пачкудинь Мацьказ велес. Содылинь икеле, что тесэ, ули библиотека-читальня. Чись ульнесь недлячи. Молян, думан эсь пачкан, библиотекав. Совинь. Читальнясь пешксе ломаньде; больше од церат. Аштить озадо столь экшнэ и ловныть газет; конань кецэ „Беднота“ канань — „Крестьянская газета“, а вейкень кецэ, ванан, „Якстере Теште“.
„Ялгат, — меринь мон ловныцятненень, улить эрзят, конат мерить, што сынест а эряви кодатак эрзянь газет. А тынь кода думатадо? Можот буть тыненькак а эряви кучномс „Якстере Теште“? — Нет, миненек эряви; минь „Якстере Тештестэ“ ламо превть сайдянок; минек библиотекасонть сисемь газет, а все таки „Якстере Тештесь“ сынст ютксто сехте пек вечкиви.
„Ансяк тень кувалт аламошкадо берянь“, ве ловныцясь мерсь, што тесэ улить валт, конатне миненек а чаркудевить“.
„Ялгай, если сермадомс мачказонь кельцэ, то сестэ тыньк лацо кормить Симбирской эрзятне пеняцямо, что сынест стака чаркудемс „Якстере Тештесь“. Эряви саемс кодамояк ве наречия и центрань роботниктне саизь Симбирской эрзянь наречия“.
Да, знама, эряви саемс кодамояк ве наречия“, отвечась ялгась и больше мезеяк эзь кармак кортамо.
Ютась седе мейле вете чить. Сынь Петровской с. Монстемень сась ветеце № „Якстере Теште“. Саия кедезэнь. Сельмень прасть статия лангс: „газета тест а эряви“.
Ульнинь Наскафтымсэ. Тосонь эрзятне Мацказдо хуже содасызь рузунь келенть, и если Мацказнэнь эряви „Якстере Теште“, то Наскафтымнень должно седеяк пек эрявомкс. Мекс эно сынь газетэнть мекев велявтызь? — эли, кода мери статиянь сермадыцясь, Наскафтымень Волисполкомонь превензэ эсть сато, максомс газетэнть эрзянень, эли Наскафтымень эрзятне удызь революциянть и тешкас ещо а содыть, что ней Советской властенть пингстэ можно эрзякс и ловномс и газет сермадомс. Сынь наверна те шкас виздить ловномо сынцест газет. Вискс тынькь кис Наскафтымской Волисполком!
Ив. Прокаев.
7/III—24 г. Петровск. Саратовской губ.
| Кода минек велестэ кувака чересь воргоць. |
Сок-Кармала веле, Бугурус. у. Сам. г
Минек попонок Митрофан Петров ульнесь вете годчка велесэнек и пек вадря ульнесь. Но кода кармась ячейкань Р. К. П. ломатьне ютксо парсте робутамо и мужикне кармасть чаркодеме, сесто попось кармась жалобамо сыре атятьненень, што сондэ эрямозо берянь. Церковной Советонь атятне и тей и тов, а мезияк атеить тендо. Мейле ваны, что сондэ морозо моравсь, сон и кармась кортамо, што сон туи те велестэнть. Атятне радувасть и даже „ох“ эсть тей кисондо.
— Мень поп, коли эсь покшандо марто алади, паниньде церандо и тейтерендэ кудосто — кортнесть атетне. Проводизь Митрафонушкань Неклюдовов. Сась лия поп и совсем лиякс корты. А церазо хочет совамо Комсомолонь ячейкав членкс.
Од попось тожо куватьс аэряви тесэ, а Митрофанушка Нюклюдовсо думи уш кудо путомо, ды кадомо попонь работандо.
В. Платонов.
| Эряви эрзянень ловномс Якстере Теште. |
Эрьзя ялгат мон кармавлень мартонк кавто колмо вал басямо. Россиянть лангсо арась истямо эрзянь веле, косо а содасызь миньцинек кельце сермадозь газетэнть „Якстере Теште“ Мекс жо минь эрьзятне коня алга вантанок те паро тевенть лангс. Мон монць кода васня ловнынь миньцинек кельне газетанть, монень марявсь пек стака ловнумадо. Ней вана карминь сеетстэ ловно—манзо мезендяк стаказо марявмо эзь карма.
Знярдо миненек сась шка, кода миньцинек эрзянь шачмо валсо кармась лисме газета „Якстере Теште,“ минь те тевенть лангс ванданок берянстэ.
Вана аволь умок сынь мон миньцинек велес. Кандынь марон библеотекасто эрзянь кинигат ды эрзянь газет. Кода марясть монь самодо, шабратне кармасть пурнавмо кулянь кевкснеме. „Месть ней, Петра, марявить масторонть лангсо. Мон ловнынь тенст „Якстере Теште“. Шабрам Буркин Филя мери тень: „Косо, Петя, сермадыть те газетэнть эйсэ.“ Мон мерян Московсо. „Московсо! тосо тенст теймекс амезеды маньчить минек эрзятнень эйсэ“.
Мон тенцт мерян: „А маньчить, паро вадря тевс. тонавгуманок арсить. Чопуда чистэ эрзятнэнь лифтемс арсить. Минек дедонок бабанок рудаз поцо эрясть миньдяк те рудазов эрямостонть ощо эзинек листь. Умок сась шка минек сырьгоземс ды превс совамс. Весе вийсэ эряви тенек чопуда чистэ лишмекс. Эряви эрьва ловномо маштыця эрзянте выписать „Якстере Теште“. Анцяк эсинек кельсэ газетань ды кинигань ловнозь минь седи курок листянок паро эрямос.
Кириинь Петя.
| Истя роботамс аен. |
Минек Ташто велесо, Бузулукск. уез. кочкинек председатель Сельсовета. Ломаненсь куть ков: и проворной, и грамотаскак парсте соды. Если пурны велень собрания (промкс), карме кортамо — куть ков паро те ломанесь, меревлеть бу тон, те кепеце веленть пильге лангс.
Эрвейке содасы тень, что минек сторонасо голодь иетнедо мейле пек покш робута аште прянок лангсо. И те робутась анцяк сестэ прядове, кода велень председателесь кундэ эйзонзо седе парсте. Но зыянось аште тень эйсо куть и председателенок — Оверькань Дрига пек грамотной и бойка, но пек сеетсто сон веньберть—веньберть оде од аватнень кругом (од ломань мерят буто) ды пек сеетсто копури. „Грехс“ совсе те „пиже гуенть“ марто прах саивлисе.
Минь сермадынек тень кувалт уездной газетас Бузулукской „Землеробс“, но сон теке яла обуцянзо а кацы. Ней думинь мон сермадомо эсинек газетас — эсинек эрзянь „Якстере Тештентей“, можот куть эрзянь газетась сонзо аламошкадо виздилгавсэ. Ата авуль народонть тонавтомо, сонцькак ве лацо как аздан мезе ирицтэ яки...
Те тевесь авуль пек мазый.
Эсь велень ломань
Редак. пельде: если рузонь газетэсь эзизе лоткавт копорямодо, то Якстере тештесь сермадсь усполкомов, тосо аламодо кирьтясызь. А если арась, то ванцынек.
| Кода карминек работамо. |
Сок-Кармалы, Бугурус. у. Сам. губ.
Минек велесонок арасель комсомолонь ячейка и од ломатне мезияк эсть марьце ды эсть сода. Февраль месецто минь организовали комсомолонь ячейка и сувасть тозой вете од ломать, конат и кармасть работамо.
.Ней од ломатьне пурнавкшныть ловнома кудос и недлязонзо 2 раз пурнавкшныть занятияс.
Пособлить Культпросветоньтей. Получатано газет.
Од ломатьне, конат эсть сермадст членкс, ней тожо думсить сермадстомо минек комсомолоньтей. Путьнитяно спектаколть. Аламонь, аламонь тевенек кармась молеме.
В. Платонов.
| Ташто Дема велень тевть. |
Масинця ютконь субутасто, чопонь пелев, везде кортыть, что попонь Коля симсь самогондо и тапась церковасо 18 вальма сельмэ. Маресть те те тевдинть кулачкой тюрима таркасо и весе ломатне тосто састь церькова ваксц, и тосто Колянень и сынць вясе мереть: „арадо Колянь чавсынек“. Маресь Коля, что эйсынзэ вешнить чавомс, оргоць, а ломатне кармасть кекшень таркава вешниминдэ. Кундызь и кармасть чавоманзо, но курук кенирцть председателесь Щеголев, ялгазо Учинин и ощо кой кить, конат нельгизь ломатнень ютксто.
Масинцяда мееле, ванькс понедельникстэ сась милиционер и тейсь дознания. Дознаниясто Коля мерць, что аволь мон тапинь вальматнень, а лия кияк. Течимс моли следствия. Ки карми улиме чумо — асодави.
Коля ульнись заведующим библиотекой и ловнома кудосонть, косто ней сонзо кучизь, а тарказонзо ладизь Салмин ялганть.
Аволь эряв бу истя симемс самогондо, особенна полит-просветительной организациень члетнэнень, конанень пек алади истя тейнимкс, лия ломатненень пример невтемс.
Петр Наумов.
| Ташто Дема веле Саратовской губ. Петровского уез. |
Ташто Дема велисо тяих ловнома кудо 19 февраль месецта Ленин ялганть лемс. Се ловнома кудунте кажной чине чокшне и валцке якить вялинь ломать — атят и од церат, конат кулцунить и ловныть газет, кинигат. Се жо ловнома кудусунть тяить клуб, тожо Ленин ялганть лемс.
Те вясе паро тефне тяихть благодаря волостень ялгатнень Беловнень и Купыровнень, конат весе волостенть кепидизь пильги лангс.
Кочетов.
| Самогонка веле. |
Миник Дема велиса кой кова улить самогононь тейницят и микшницят, конат нажовить ламо сюро и ярмак се самогононть киса. Зняра ульнисть свадьбат миник велиса, вяси ульнисть ирицта. Якить ульцява киштить, морцить и кроить ава лямса, кона бу давно эрявуль кадмокс.
Самый злостный самогонщик миник велиса — Тихон Иванович Кежеткин, кона уж ламоксть понгонесь самогон марто и яло сондянзэ юты истяк. Мелят судяхуль Тиша кавта гоц и сонянзо се чок мизияк арась.
П. К.
| Од паксяс озыцят. |
1922 годонть эйста Дема велиста явсть кеминь кудут сокицят од паксяв и велининть леминза путызь поселок Ермолаевка, Кондольской вол., Петровского уез., Саратовской губ. Работамо согласякшнусть вети паксява (инхоз). Первой разынть а явуве модаст, а явуве тикшест, сокить яла теке колмо паксява моданть эйса явшить тея умаса, эськаст, срамить, севныть. Омбоце теле валинзе лов, малазысткак а моливат. Еще организовались сельскохозяйственной кооперативс анцяк конев лангса, а тев арась мезеняк.
Мекс бути сынь истя эрить? Монь койса агрономость арась а кинень нефтемс тев.
Ютксуст эриця.
Те пьесанть эйсы кармасть налксиме эрзя велива. Велисты сермадыть, что пек тусь эрзень мельц. Ней Московонь эрзень студентнэ пурныть тожо налксими те пьесанть Московсо, Марьень рощасо. Сы недлечистэ 13 апреля пьесась карми молими Профинтернэнь дворецсэ. Налксиманть икеле Васильев ялгась карми эрзякс басямо Ленинынь ды нациень тевинь кувалт. Пьесанть мейли студетнэ кармить морамо эрзень морот. Московсо эриця Эрзят! васудиде тынцик спектакль лангс; Эрзень спектакль моли Московсо омбоциде.
Тимо.
| Главлит № 20.007. Москва. | Типография «Красный Восток» Никольская, 10. | Тираж 1000. |
