| 2 | ЯКСТЕРЕ ТЕШТЕ. | № 10 |
| Лия масторга. |
| Румыния. |
Ней молить Румыния марто кортамот (переговорт) Бессарабиянть кувалт.
Минек делегациясь мерсь конференциясо (промкссо), што эряви кевстемс сонциндэ Бессарабиянь народонть, кинь кец сон максы соглас кадовомс — Россияв эли Румынияв.
Румынской правительствась пели кевкстямс народонть. Сынь мерить, если Россия акацы Бэссарабиянт сыньдяст, то сынь переговортнэнь лоткавцызь.
Бессарабиянь народонть охотазо кадовомс Советской Россия марто.
| Америка марто торговлясь уставась. |
Февраль месецс Россиясто Америкав ускозь товар 3,290,000 целковоень питьне. Мелят те порава ульнесь ускозь весимезэ 212 тыща целковоень питьне.
| Советской Россиява. |
| Долкс сельско-хозяйственной машинат. |
Самарской сельско-хозяйственной складсто нолдазь долкс весе машинатне, конат ульнесть тосо.
Ней ламо эще машинань кевксницят.
Склдось таго тейсь заказст 1000 плугт, 1000 кшнинь изамот, 150 сеялкат и эще кой кодат машинат.
| Кудов налдазь красноармеецнэнень помочь. |
| (Лездэма) |
Народ. Номис. Земледелия нолдась (циркуляр) приказ губернява, косо мери лездэмэ кудов сыця красноармеецнэнень, конат арсить (думсит) тееме сельскохозяйств. коллективт и товариществат. Скорей нолдамс тенст мода. Максомс сельско-хоз. машинат, нолдамс видьметь.
| Голодающей губернянень помочь. |
Немецень, Татаронь республикав, Саратовской. Самарской и Симбирской губернятьненень нолдазь первой шканьть 225 тыща целковой ярмак.
Ярмакнень кармить максомо хозяйствань кепедемс бедной крестьяннэнь.
Васняяк кармить максомо помочь красноармеецэнь семиянень и красноармеецнэнь конат велявсть службасто кудов.
| Партконференциядо Лукияновкасо, Ниж. губ. |
Мартонь 21-це чистэ ульнесь миник Уездной Партконференция. Конференциесь ульнись истямо жо, кодат эрцисть и икиле. Ламо кортасть, ламо паро арцисть, ютась анцяк сон а пек живойстэ, но те и апек важна. Важна се, ки тосо ульнись делегатокс.
Конференциясо ульнисть 60 ломать, конатнень ютксо вейке латыш, вейксэ эрзят, а остаткатне рузт. Эрзетнень эйстэ ниле ломать ульнисть истят, кона служить уездсэ, эрзякс а чаркудить и содыть эрзетнень анцяк сень гис, что чачсть эрзя ютксо, а кода эри эрзесь, мезинь гис сон маи, мезинь сонендэ эряви, чтобу витивтимкс хозяйствандо, сынь аздыть ды и содамкскак сыненст анок эряви. А вед эрзененинь секе анцяк и эряви. Ведь миник эрзесь пек кадувсь руздо, секс и хозяйствазо сондо пек бедной.
Мон ловнынь и лисни истя, что эрзятнень пельде эряволть бу 11 ломать, ульнисть жо делегатокс паро эрзят анцяк вете ломать, ды сетнень эйстэяк омбоце чистэ тусть конференциясто колмо ломать. Тусть, мон думаян секс, что сыненст эзь эрявт кунцоломкс, якстере кортыцетнинь. Ламо волостть эзтть кучнеяк эрзетнень делегатокс. Аздан уж, мекс тевесь лиссь истя. Монь койсэ вере роботыцятненень эряволь бу те тевенть лангс варштамкс кеминистэ и кодаяк ладямкс.
Чурькань Эрзя.
| Кода сермадомс „Якстере Тештес“. |
| («Якстере Тештес» сермадыцятьненень (корреспондетненень.) |
Чтобу сермадомс серма минек эрзянь газетас аэряви улемс пек грамотнойкс. Коли аволь пек валанясто сермадозь сермась, редакциясь сонзе витьнесы.
Сермадык серманть истя, чтобу сон ловноволь редакциянтень.
Сермасот улезэ сермадозь лемет, тетя лемет, фамилият и адресэт. Сетьнеде башка сермадык кият тон — сокицят, учителят эле волорганизаторат, партийноят эле безпартийноят.
Коли мелет, чтобу лемет аздылизь лиятьне, сестэ серматт лия лем, напр: сокиця, ютыця, салмук, велень эрзя, сярдо и лият. Виде лемет редакциясь киненьгак аевтасы.
Сермадомсто эрявить повнямо вана не правилатьне:
1) Серман анцяк истямо тевде, кона алкукс ульнесь, кона тевенть тонсь неик и тонсь парсте содасак.
2) Сермат улест нюрькинеть.
3) Серматт анцак истямо тевьде, кона интересной, а истямо тевьде, конань уш весе содасызь, иля серматт — роботат ёми стяко.
4) Коли сермадат кодамояк тевьде, сермадык знярдо ульнесь се тевесь, кие сонзэ теизе — се ломаненть лемензэ и фамилиянзо, должностензэ, бути сон служи.
5) Ламо тевьде ве сермасо иля серматт. Эрьва тевенть сермадык башка конев панкске ланкс.
6) Серматт истямо кельсэ, кодамосо кортат. Стараяк чтобу сермат улизэ интересной.
7) Тонавтник сермадомо. Эрьва сёрмант сермадык кавто конев ланкс. Вейкень кучик редакцияв, а омбоцень кадык эсь кедезэт. Знярдо сермат печатасызь газетас и се газетанть получасак, сестэ ванык кода редакциясь витьнизе тонь сермат и тон нейсак, кода эряви сермадомс. Эрьва газетасонть ули отдел «Месть сермадыть велестэ», косо печатазть корреспондентонь сермат. Не серматьнень седе парсте ловныть и тон нейсак кодамо тевьде и кода эряви сермадомс.
Коли кармат сермадомо „Якстере Тештес“ не правилатьнень илить стуфт,
Е. О.
| Якстере Тештень кельде. |
Якстере Тештесэ № 7 ули Окинэнь статьязо, конасо сон пшкадсь Глухов ялгантень. Окин сермады, што эряви сермадомо газетас берянь ды паро велень тевде и согласи, што газетсэнть эряви сермадомо ве кельсэ. Мон сынст марто тожо согласян. Яла текень сави мермекс минек ловныцятне а чуросто кортыть, што сынь берянсто ловныть, ды берянстэ чаркодить „Якстере Тештенть“
Монь койсэ эряви сермадмо газетанть ве правильной кэльсэ, кона улевель бу чаркудевикс и шошдыне весэнень. Газетсэнть седи ламине эряви
| Совсем менькшнесь — таго понгсь. |
| 1 действиясо |
| Тевесь ульнесь Пургов Сёмань кудосо, чить. |
(Сови Сема, кецендэ нула поцо тапарязь пиже эйкакш)
Сема. Кода те понксь тезэй? Кие бути каизе? (Ванкшны пакшанть чамандо эйсэ) Мезе бути, - церыне эли тейтерне? Ох, ципакине, кие бути тонь тетят? (Ваны вальмава) Те сонде, те Маря ертызе.... Улко грозясь, што ерцы пакшанть моньдянь. Секс яки як вальмалга. Бабась фатиньдярей, еминь, машцамам. (Ванкшны пакшанть чамандо эйсэ) Поназояк ведь монцинь кондямо. Улынезэ, чок монь печатазь. Эх, церам, ведь тон монь пакшась. Кода ней ефтан Дуняней? Серовно, вешан прощения кедстэндэ. Мерян истя, чуман... простямак.... Пакшась монь... трясынек.. Ох, кежей пек. Машцамам. (Кие бути маряви стуки) Улко лацо илязо кежеяфт, кодскерьганонть яжасы прязон. Кекшемс эряви (Кекше пакшанть эйсэ цюланов) Нет, тестэ сразу нейсы... Еминь.. (Кансы краватов, пуцы одижа поц) Илязо пижакат, - машцамам мейле.
(Сови козяйказо Дуня) (Сема сорны)
Дуня (Кежейстэ) Ломать работыть, а тон кудосо баклат машнят... Ава мельга панцеме теветь анцяк.... Омбоце ведьма Маря тия шаты. Чинек венек вальмалдо атукшны. (пижни) Кодскерьганонть яжаса прязот Сатана...
Сема. (Ваны прават пелев.) Илязо пижакат... мейле загодсь оргодть.
Дуня. Таго кавуненк тесэ ульниде. Праклятой! Знярдо тон лоткат, морось саиндат, ава ланга якамот. Еминь мартот... (аварди)
Сема. Дуня, Дунюшка, простямак, мон пандя кияк тесэ арасель...
Дуня. Кода арасель, анцяк эще вальмалдо тусь Маря. Прекедензэяк сезнесынь тестэ, понгиньдерей.
Сема. (Салава) Осподи. Еминь, илязо пижакат ну, пстидян сестэ.
Дуня. Нать сыре префтькак асаят.
Сема. Дуня! Дуняшь, простямак, пандя, ковгак больчи амолян. Анцяк ней простямак (Пры пульцядо) Дуня, минек ней ули пакшанок, сон тесэ... Трясынек минек, пакшанок арасть.
Дуня. Ах, лядонь сайма! Пакшанок ули! Мон нефтян теть пакша! (Кундасы Семань пря черьде и ускси эйсэндэ.)
Тон пакшат нажоват, а мондянь трямс, пряклятой!.. на вана теть, На, на, сатанаил!
Сема. (Тулкади Дунянь кедензэ) Дуня, Дуняш, простямак.. Пакшась краватсо, поназояк чок монь. Улынезэ, судынезэяк истямо. Ведь сон монь Дуняш!
Дуня. Улынезэ, судынезэ, мон нефтян теть судыне (чии цюланов коцькерьган мельга.)
Сема (сти и хочет оргодеме) Дуня! Дуняшинька! Простямак! (Сови шабрань ава Иваннызэ)
Иваннызэ. Осподи Сусе Христе, тынь месть воеватадо? Здоровте тенк!
Сема. Машцамам, Иваннызэ уряж.!
Дуня Праклятой! Таго Маря марто ульнесь. Те срам ломанде. Еминь мартондо, уряш.! Чинек-венек усксевить кавунест;
Иваннызэ. Пандядо ней уш! чай. сыре превть уш пора саемс. Дуня! Тон монь пакшам эзик ней? Нянькась кадызе тынк крылець ланкс, сонць поганной налксеме оргоць, а ней вана арась.. Пелян тува роздясы.
Сема. (Пяйдезеви. Дунянень) Эх, дура, тонь манчидизь, а уш тюреме эцят. Аразди мон истя теян. Пакшат, Иваннызе уряш, мон кепедия, оно краватсо
Иваннызэ Вай, пасибо Сема батюшка! Ато секень вант туво раздявлисе (Сайсы краватсо покштанть лиси).
Дуня Ах, лядонь сайма! Анцяк травсят эйсэнь. Роботамо арасят идол.
Сема А тон уш сразу кодскерьганонтей кундыть. Мон шуткасо а тон правдой. (озы столь экшс.)
Дуня Парт шуткат, а месть эно Маря тия шатась. Виськсэть куш улевель. Чить кальмави, те уш срам!
Сема Паньдя, паньдя ней пилямс. Мон чай аволь дуракан. Давай пурнак обедамс, пекемь вачсь. (воны вальмава, а вальма оло неяви Маря) (салава) Ана шайтянось, акаттандат. (сови Маря. Сема сти и оргади кенкш пелев).
Маря На злодей! тонь пакшась, тон и трик. Жизням тон емавтык! Монь эйеэ ней кияк ломанькс а лови. Весе тон злодей!! (пуцы пакшанть эземс).
Сема Мон, мон мезеяк...
(Дуня ангорды кудьцкерьган).
Дуня Тон, тон, сатана! (лощасы кодскерьгансо. Сема оргоди кенкшентей, Маря кундасы).
Маря Оргодят! Нет арас, ащек вана-вант мезе теить, беспутной!
Сема Дуня! Дуня! простямак.
Дуня Мон, простятан! Мон простятан, простятан! (шикаи эйсэндэ кодскерьгансо).
Маря (Недя Дунянь эйс) А тон, подлячка, сондэ монь кедстэ нельгик! Тон ведь содыть, мейсь жо молить тендэ, Мейсь! Мейсь!...
Сема Маря, Дуня, Дуня!.
Дуня Вот кие чумось, сон минь жизнянок яжиньдэ. Ды эще, колмоце пакша карми моямо. Сонде, сондэ, мезе чумозо, ней ертнитядо эйсендэ. (Сема панжи кенкшенть эйсэ, Маря анолды).
Маря, Ащек! Ней тон оргодят! Тоньдят мезеяк арась а тень. (Нефти покшанть ланкс) Тень марто моньдянь майсемс! Трик, сон тонь!
Дуня Мон, тонь марто акарман эрямо. Тонь коньдят мон муян. Жизням анцяк яжик!
Сема Дуня, Дуня! сайсынек пакшанть!
Маря Пакшанть! Монь пакшанть. Сон монь и амоксца тындянк. Тон, тон истя теймик! (Няди Дунят эйс) (Сема оргоди).
Дуня (тулкадьсы) Эрядо кавуненк, а мон туян, туян, те адстонть, те а жизня! Сон хужи скотинадо.
Маря (потазеви) Монгак туян! (сайсы покшанть) Прям ськамонгак тряса.
Дуня Минь миньць чумутано, мейсь панцемс, сынст мельга. Сынь минек ялганть ажалить. Эрясь мартот чи и каттандат. А тон жизнянь берть майсек.
Маря Ерца виськсэнть, кодык пейдить, а мон пакшанть тряса. Сон монь и сондэ чумозо арас. (Сови пелезь Сема) Оргодить, виськс теть. Туво! (лиси)
Сема (пры пульцядо) Дуня простямак, мон тонь вечтян.
Дуня Безсовестной! Нет уш, эряк, а мон туян тетянень (пурны одижандо эйсэ).
Сема Дуня, мон акарман истя тейнеме. Мон пандя...
Дуня Мон туян тетянень алаша мельга, усксынь тестэ вештень (лиси).
Сема (ськамондо) Кода мон те виськсэнть кирца. Ней кажной карми пейдеме лонксон. Мекс монць эзия кат!.. Монь кадымизь. Чияк ведь совсем менкшнинь!
| Зановес. |
| Чесноков. |
