Epistola al Colossenses Capitulo 4

 1 Dominos, da a vostre servos lo que es juste e eque, perque etiam vos ha un Domino in celo. 

 2 Persevera in le oration, veliante in illo con action de gratias; 

 3 orante etiam pro nos, a fin que Deo nos aperi un porta per le Parola, 
   pro poter annunciar le mysterio de Christo, per le qual io me trova etiam in prision;

 4 a fin que io lo pote manifestar, con juste parolas.

 5 Conduce vos con sapientia con illes de fora, usante ben vostre tempore.

 6 Que vostre parlar sia sempre con gratia, condite con sal, pro saper como vos 
   debe responder a quicunque.

 7 Tychico, car fratre e fidel ministro e mi companion de servicio in le Senior
   vos facera cognoscer mi situation. 

 8 Io le invia a vos pro iste scopo; a fin que vos cognosce nostre stato e a fin que 
   ille consola vostre cordes;

 9 e con ille io invia le fidel e car fratre Onesimo, qui es un de vos. Illes vos
   facera saper tote le cosas que nos face hic.

10 Vos saluta Aristarcho, mi companion de prision, e Marco, le cosino de Barnaba 
   (circa le qual vos ha recipite instructiones; si ille veni a vos, recipe le),
   e Jesus, appellate Justo, le quales es del circumcision;

11 e del quales solmente istes me adjutava in le regno de Deo, e me esseva de consolation.

12 Epaphra, qui es un de vos e servo de Christo Jesus, vos saluta. Ille lucta sempre pro vos 
   in su orationes a fin que vos sia perfecte e firme e complete in omne voluntate de Deo.

13 Perque io es teste que ille ha grande zelo pro vos e pro illes de Laodicea e de Hierapolis.

14 Luca, le medico amate, e Demas vos saluta.

15 Saluta le fratres qui es in Laodicea, e Nymphas, e le ecclesia que es in su domo.

16 E quando iste epistola essera legite inter vos, face in modo que sia legite etiam in
   le ecclesia del Laodicenses, e que etiam vos lege illo que vos essera inviate ab Laodicea.

17 E dice a Archippo: Attente a complir le ministerio que tu ha recipite ab le Senior.

18 Le salutation es de mi proprie mano, de me, Paulo. Recorda vos de mi catenas. 
   Le gratia sia con vos. Amen.

1 2 3 4

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud

Rev