Epistola II al Thessalonicenses Capitulo 2

 1 Nunc, fratres, circa le advento del Senior nostre Jesus Christo e nostre reunion con ille, 

 2 nos vos exhorta a non lassar vos facilemente subverter le mente, ni turbar sia per inspirationes,
   sia per sermones, sia per epistolas como inviate ab nos, como si le die del Senior sia imminente. 

 3 Que nemo vos seduce in qualque modo; pois que celle die non venira ante que veni 
   le apostasia e non sia manifestate le homine del peccato, le filio de perdition,

 4 le adversario, ille qui se altia supra toto lo que es appellate Deo o objecto de culto;
   usque al puncto de seder se in le templo de Deo, monstrante se ipse e declarante que ille es Deo. 

 5 Non vos recorda que quando io esseva con vos ancora, io vos diceva iste cosas? 

 6 E nunc vos sape lo que le detene a fin que ille sia manifestate in su tempore. 

 7 Pois que le mysterio del impietate es jam al opera: solmente ille spera usque 
   sia removite qui ancora le retene. 

 8 E alora essera manifestate le iniquo, qui le Senior Jesus destruera con le sufflo
   de su bucca, e annihilara con le splendor de su advento. 

 9 Le venita de ille iniquo advenira, per le poter efficace de Satan, con omne sorta 
   de operas potente, de signos e de prodigios mendace; 

10 e con omne sorta de seductiones de iniquitate pro illes qui peri, perque illes 
   non ha aperite le corde al amor del veritate pro esser salvate. 

11 E per isto Deo les lassa operar in le error e creder in le mendacios; 

12 a fin que tote illes qui non ha credite al veritate, sed si ha complacite 
   in le iniquitate, sia judicate. 

13 Sed nos debe sempre dar gratias de vos a Deo, fratres amate del Senior, perque Deo
   ab le principio vos ha eligite mediante le sanctification del Spirito e le fide in le veritate. 

14 E pro isto ille vos ha etiam vocate per medio de nostre Evangelo, a fin 
   que vos pote attinger le gloria del Senior nostre Jesus Christo. 

15 Assi dunque, fratres, remane firme e retene le inseniamentos que nos 
   vos ha transmittite sia con le parola, sia con un nostre epistola.

16 E le proprie Senior nostre Jesus Christo e Deo nostre Patre qui nos ha amate
   e nos ha date per su gratia un consolation eternal e un bon sperantia, 

17 que ille consola vostre cordes e vos confirma in omne opera bon e in omne bon parola.

1 2 3

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud

Rev