Якстере теште/1924/24/Сюротнень нуемадо мейле видеде жниватнень лангс коромкс тикшэ
| ←М. И. Калинин мери тееме тенек истя | Якстере теште, № 24, 14 августа 1924 г. редактор Глухов, Пётр Семёнович Сюротнень нуемадо мейле видеде жниватнень лангс коромкс тикшэ сёрмадызе Сюровидиця |
Сюровидицянень вирь нолдамодо→ |
| Якстере теште. Еженедельный орган Мордовской секции при Ц. К. Р. К. П. (б.). — № 24, 14 августа 1924 г. — с. 3 |
| Сюротнень нуемадо мейле видеде жниватнень лангс коромкс тикшэ. |
Тедиде кода Рау лангонь губерьнятнень эзга эзьшачт сюро, чей эрьвейке сюровидицясь загоць кармась думамо, — косто бу добувамс теленень кором. Чей эрьвейке кармась заботямо, — кодабу а миемс пеле питьнеде скотинанть, кодабу сонзэ а печкемс сывелькс и кодабу скотинась авуль вратт вачодо.
Эрьвейке тень содасэ, если прядсак скотинанть, то сонзо уш курок а добувасак, а скотинафтомо кардазот а кепецак.
Рамамс коромонть а мейсэ и акостояк. А коромтомо тевесь ковгак а маштови. Так дайте кунсолосынек, месть кортыть тень кувалт агрономтне. Сынь кортыть истя, что сеск жо сюротнень нуемадо мейле эряве жниватнень ланкс видемс коромкс тикшэ. Сонзо можна уле сёксня ледемс теленень коромкс эле андомс корен лангсо.
Сёксесь черноземной губернятьнень эзга эрьци кувака ды лембе. Сюро нуемадо мейле видезь кормовой тикшэтне могут 2—2½ ковс касомо покшсто и сентябрянь остатка читнестэ можна уле ледемс эйстост ламо тикшэ.
Тикшэнь коськимадо пелемс — а еряве, потому что ней тусть тува ламо пиземеть. Паро пиземеть можна ули учоме и седе то еновгак. — 2—3 недьлянь трокс, потому что Рау лангонь губерьнятнень эзга пиземетне эрьцить июль и август ковсто.
Жнива ланкс видефт кормовой тикшэтне паро урожай максыть сестэ, если моданть сокасак сеск жо сюротнень нуемадо мейле.
Проса и могар.
Жнива ланга видемс эряве кочкамс истямо тикшэ, чтобы десятинантей туевель седе аламо видьмекс. Рау лангонь губерьнятнэнень пек тевс туевель, если коромкс видемс проса и могар, эле кода эстэдензэ ищо мерить просянка. Видьмексось эряве авуль пек ламо — 2—шка пондо десятинантей. Просась и могарось коськеде а пелить. Сынст касомо а эряве пек ламо начко. Ды модантькак сынь пек а костясызь, — шужонть, розенть и пинементь коряс.
Сынст эйсто лембе, пиземев сёксня можна уле ледемс десятинасто 150-шка пондо паро тикшэ.
Яровой вика.
Конат губерьнятнень эзга а эрьцить пек сеетсто пиземеть, самай сех покш лезэ кандэ сюровидицянтей — яровой викась, если сонзо видисак нуемадо мейле. Сек покш урожай максэ яровой викась, если сонзо видисак жнива ланга, Тамбовской, Воронежской и лия губерьнява. Тосо сон может максомо 100—150 пондо тикшо десятинастонть.
Жнива ланга видефт яровой виканть парозо ищо аште тень эйсо что сон пек парсте удобрясэ моданть. Тень кувалт сонзо можна ровнямс клеверонть марто.
Сондсдонзо мейле омбоце иенть видефт яровой сюротне и картухатне урожаенть максыть дух а седе берянь сеть яровой сюротнень корзе, конат ульнесть видефт рана сёксня сокафт модась и косо эзь ульне видефт вика.
Сюровидиця.