Якстере теште/1924/24/М. И. Калинин мери тееме тенек истя
| ←Афанасий Васильевич ЗОРЬКИН | Якстере теште, № 24, 14 августа 1924 г. редактор Глухов, Пётр Семёнович М. И. Калинин мери тееме тенек истя сёрмадызе Редакция (ды Калинин, Михаил Иванович) |
Сюротнень нуемадо мейле видеде жниватнень лангс коромкс тикшэ→ |
| Якстере теште. Еженедельный орган Мордовской секции при Ц. К. Р. К. П. (б.). — № 24, 14 августа 1924 г. — с. 3 |
| Сокамо, видима тевть. |
| М. И. Калинин мери тееме тенеk истя. |
| Велесте сермадыть вирень хлопочамодо. |
Тень кувалт М. И. Калинин максь справка.
Ули Вирень кодексесенть 24 статья косо сермадозь, что вирень рамамсто маломощной сюровидицятнень ды красноармецнень максыть скидка 75%. Хлопочамс эряви Уземуправлениянь икеле. Улезе кецценть конев сельсоветстэ, волсоветстэ, что бедноят, и эряви тенть вирь.
25 статьянть кувалт максыть вирь ярмактомо палсь ломатнень. Эряви анця саемс акт пожардо ды хлопачамс губземотдел икеле.
| Сюронь питнеде ды сельх. налогонь пандумадо. |
Велесте кевстнить: мейсь правительствась а путы сюронтень питне. Тень кувалт отвечи Калинин ялгас истя: Питне ней путомс сюронте амаштови. Мейсь мерезь секс: аздатано вадрясто зняро сайдяно сюро, зняро мийдяно лия масторов. Коли карматано миеме тов сюро, зняро питнезе ули, аздатано.
Кевкснить ощо велесте: сюро сексня, тельня дешува уле 40 к. пондо, секс налогость ярмаксо пандомс стака уле. Коли сюронь питненть невсазо минек эсь ды лия масторонь сюронь торгувамо тевс, а те ошо пока арась, то сюро ланкс питне нейке путомс амаштови. Ярмаксо пандомость сельскохозяйственной налогонть кармить пандомо аволь сразу сексня, а 3—4 срокс сексня, тельня 24 иесте и тунда 1925 иесте. Мелень пандумась невтизе тенек, что иензе перьк сюронть питнезе валксь кайсь и налогонь пандыця, пансь налог сесте, кода питне сюронть ланкс касыль. Тедиде тожо истя карматано тееме. Кода сюро питнейгадомо карми, сесте и пандовтано, чтобу улезе шождане пандомс. Льготат налогонь пандумань кувалт бедной сюровидицянень тедиде седи ламо макстано. Советской республикасо мода амикшнить, макснить анця трудиця ломаннень арендас 28—38 земельной кодексень статьянь кувалт.
| Ощо сермадыть служицянь берень тевде. |
Тень кувалт эряви теемс истя: Первой гак сёрмат газетс; эрьзянь, рузонь. Сеск жо анця неят, что служицятне берень тевть теить, вадринесте содык, ды сермат конев уездной рабоче-крестьянской инспекцияс, а то и губернской раб. кр. инспекцияс.
Редакция.