Якстере теште/1924/24/Сюровидицянень вирь нолдамодо

←Сюротнень нуемадо мейле видеде жниватнень лангс коромкс тикшэ

Якстере теште, № 24, 14 августа 1924 г. редактор Глухов, Пётр Семёнович
Сюровидицянень вирь нолдамодо

Якстере теште. Еженедельный орган Мордовской секции при Ц. К. Р. К. П. (б.). — № 24, 14 августа 1924 г. — с. 3—4

[ 3 ]

Сюровидицянень вирь нолдамодо.

Те шкамс сюровидицянень налдасть вирь 24 и 25 лесной кодексэнь статьятнень кувалт. Истямо норматнень кувалт ульнесь сюровидицянень вадря вирень получамонь кувалт анця истят таркатнесе, косо ульнесь ламо вирь. Косо-жо арасель ламо вирь сюровидицянень савиль рамамс васолдо, лия таркасто. Сюровидицянень сакшнось ве пе вирь получамонь кувалт. А чтобу шожиньгафтомс вирень получамонть сюровидицятнэнень Народной Комисариатось модань кувалт, нолдась правилать нормань вирень получамонь кувалт. Косо ули вирь, сесте нолдамо эстэдензэ четверьть сюровидицянень. Мердяно истя: кодамояк лесничествасо иезензе маштови керемс 100 дес. вирь, сесте не сядо десетинатнестэ 25 десетина эряви нолдамс сюровидицянень. Не 25 десетинатнесте первойгак нолдыть вирь самой бедной сюровидицянень нормань кувалт. Мердяно, что не 25 десетинат иестэ бедной сюровидицянень нормань кувалт нолдазь 20 десет, сесте остатка 5 десетинатнень эряви [ 4 ]явшемс мелка делянкас, чтобу каждой делянкинесьтень (пиче-куз вирсэ) анокстамс 10 куб. саж. пеньгеть, а лопа вирьсе — 5 куб. саж.

Виренть эряви миемс торгасо в волисполкомсо. Торгс нолдамс анця истят вирень хлопочицят, конат пек пиштевтить виртеме, эли жо конанень эряви сонсинзе вийсэ роботамс эрьва кодат ябалат: пеньчть, эйкакшонь налксима ябалат, сюровидицянь ябалат. Нормадо ламо саезь вирь, бревнасо, пеньксе миемс а маштови. Каждой сюровидиця можот рамамо вирь 150 целковой ланкс, коли Губземотдел разрешит — 225 целк. ланкс. Вирь микшнеме кармить делянкасо, чувтсо 10 чувтодо ламо амаксыть каждой вирень рамиця пря ланкс. Коли вирь рамат чувтосо, то не рамазь чувтотне улить клеймазь грудень серце, ды номер путозь лангозост. Цела делянка коли рамат, то билет керямо ланкс эрьви саемс колмо чиде икеле е ¹/₁₀ частезе пандомс питнезе, а остатка ярмактнень ускомо кармамсто. Коли саят вирь аволь делянкасо, чувтосо анця — ярмактнень эряви кандомс сескс. Тарканть, косто керить вирь эряви ваньскафтомс вирень ускумадо мееле. Чтобу а манямс лесничестванть, лисничествась саи залог тень кис, конань мекев максы ваньскафтумадо мееле. Ярмаконь залогонь кис можна максомс ручательство. Правилатне улеме кармить эрьва лесничествасо, ули и газетсе „Беднота“ № 1883, 10 авг. 1924 г.) не правилатнень кувалт бедной сюровидицянень яла седи шождыне рамамс вирь.