Page:Ram Charcha in Urdu by Munshi Premchand.pdf/29

۲۳

اپنا دھنش دیا تھا ۔ وہ دھنش تب سے میرے گھر میں رکھا ہوا تھا ۔ ایک دن میں نے سیتا سے اپنی پوجا کی کوٹھڑی کو لیپ ڈالنے کے لئے کہا ۔ اُسی کوٹھڑی میں وہ پرانا دھنش رکھا ہوا تھا ۔ سینکڑوں برس سے کوئی اُسے اُٹھا نہ سکا تھا سیتا نے جا کر دیکھا تو اُس کے آس پاس بہت کوڑا جمع ہو گیا تھا ۔ اُس نے دھنش کو اُٹھا کہ ایک طرف رکھ دیا ۔ اور اُس کے نیچے کی زمین لیپ کر پھر اُس دھنش کو وہیں رکھ دیا ۔ میں پوجا کرنے گیا تو دھنش کو ہٹا ہوا دیکھ کر مجھے بڑا تعجب ہوا ۔ جب معلوم ہوا کہ سیتا نے اُسے ہٹا کر زمین صاف کی ہے ، تب میں نے شرط کی کہ ایسی بہادر کنیا کی شادی اُسی ور سے کرونگا جو اس دھنش کو چڑھا کر توڑ دیگا ۔ اب