Page:Mga Binalaybay V.3.pdf/135

127

Ang nakulang sa iya sa pagpas-an sang

bug-at

Sang amaynon nga guma kag ang daku nga

handum

Mapit-al sang matam-is kag bilidhon nga

dughan

Sang isa ka amay kag kon maghumok na sia

Sa kaluyag matuo sia sa aton mga diwa.

Amo ini’ng sa kalag ko malaygay nakon sa

imo.

FLAVIO. Ay, Claudio, daw ano kabug-at sang laygay

mo,

Matig-a sa salsaion, subong man sa bato!

Makahulat ka ayhan, nga akong’ kailo,

magtago

Nga anak niya ako? A! wa’y pulos maglaum

ka

Nga sa gugma sang anak daku ang

matigayon.

Magpahilom si Flavio nga iya sia anak,

Kon ang tinutuyo ’ya makuha man lang niya?

Nga’ng amaynon yang’ gugma, di’ng kalag

ko> maglupig

Sang gugma sang mahal nga amay sa

katalagman?

CLAUDIO. Katalagman ya dapat magpugong sang gugma

mo

Sa paglikaw sa iya sa sawing’ kahimtangan.

Ako magaunong sa imo, kag ining’

sumponganay

Sang gugma padayunon ta yana nga duha

Kag mapait nga inaway sa mga balatyagon.

Nga si Eustaquiong’ dungganon pagadag-on

sang gugma

Amo’ng ginahulat sang tagipusuon ko.

FLAVIO. Tumanon ko’ng laygay mo, kag nagaaman

ako,

Claudio, sa amo kapintas, hilikutong’

mabug-at,

Suno sa luyag nimo. Kon sia dili maghangdo,

Nga sia nagapadayon gihapon nga matig-a

matig-a