Page:Mga Binalaybay V.3.pdf/134

126

Nadumdoman mo maayo nga’ng

pagkalamharon ko

Wa’y kapin lima ka tuig? Hanti maayo,

Claudio,

Sa lakas nga kasakit gasugid si Eustaquio

Sang anak ’ya kay Fausto, kag ina nasugid

man

Sa akon ni Fausto, sa akon wa’y duhadoha:

Kaangtanan ’ya kag buhat, ang iya

handumanan

Nga iya sang amay ko gapatunay sing

maathag.

Kag sang pagpahadumdom una yang’

pangabuhi

Kay Tito, ang dungganon nga Fausto

nahanusbo

Nga iya ginsugilanon hitabong’ nagliligad.

Makaduhadoha pa ako, Claudio, kon tunay

Paglaum nga sa dughan nakon nagatugob?

CLAUDIO. Kon sugiran ikaw ni Fausto sing matuod

Kag ni Tito subong man, ikaw wa’y

duhadoha

Anak ’ya. Apang, si Tito, karon

nagapanumdom

Sa pagpahilway sa iya. Akon ginahangop

Kon anong’ balatyagon gabugtaw sa imo

dughan

Nga nagatublag sa imo. Apang pagpamatii:

Ang luyag ko nga ikaw man ang magpugong

sa imo

Kag maghinago. Abyan ko nga Flavio, dira

Matam-is yang’ kalwasan lamang sarang

makita.

Sa akon banta si Eustaquio raaluyag nga

mabuhi

Kon iya nga masayran nga buhi ang anak

’ya.

Dapat mo sia sugiran nga buhi’ng anak

niya

Kag gapuyo sa Roma; apang dapat tumanon

Niya’ng sugo ni Adriano kag sia

magpakigkita

Sa anak. Tagipusuon kag daku nga kusog