| 24 Kag mahanabu nga sa ani_pagaihatag ninyo ang ikalima kay Paraon,
kag ang iban nga apat ka bahin mangininyo nga sa pagtanum sang duta, kag nga sa inyo kalan-on kag sang mga yara sa inyo mga balay, kag nga sa kalan-on sang inyo mga kabataan." 25 Kag sila nagsalabat: "Ang kabuni ginhatag mo sa amon; makakita kami kunta sing bugay sa mga mata sang amon ginoo, kag magamanginulipon kami ni Paraon." 26 Niyan ginbutang ni lose ini nga palatukuran, tubtub karon, sa ibabaw sang duta sa Egipto: "Ang ikalima nga sa kay Paraon," luwas lamang ang duta sang mga saserdote, nga nanğinindi iya ni Paraon. 27 Busa nagpuyo si Israel sa duta sa Egipto, sa duta sang Gosen; kag nagtalagiya sila sang mga kaugalingon sa iya, kag nagpalamunga sila, kag nagdalamu sila sing tuman gid ka damu. 28 Kag nagkabuhi si lakob sa duta sa Egipto sing napúlô kag pito ka tuig: kag ang mga kaadlawan ni lakob, ang mga tinuig sang iya kabuhi, nanginisa ka gatus kap-atan kag pito ka tuig. 29 Niyan nagpalapit ang mga adlaw nga si Isracl mamatay na, kag gintawag niya si Iose nga iya anak, kag ginsilingan niya sia : "Kon nakakita ako karon sing bugay sa atubangan sang imo mga mata, ginaampo ko sa imo, nga pagaibutang mo ang imo kamut sa idalum sang akon balikawang, kag magasumpa ka nga magahimo ka sa akon sing pagkalooy kag sing kamatooran; ginaampo ko sa imo, nga ayaw ako pagilubung sa Egipto. 30 Kon magtolog ako upud sa akon mga ginikanan, pagadalhon mo ako gikan sa Egipto, kag pagailubung mo ako sa lulubngan nila." Kag sia nagsabat: "Pagahimoon ko, sono sang imo ginasiling." 31 Kag sia nagsiling: "Magsumpaka sa akon sini." Kag sia nagsumpa sa iya. Niyan si Israel naghilay sa ibabaw sang olohan sang higdaan.
|
sa iya ang iya duha ka anak, si Manases
kag si Epraim. 2 Kag ginpahibalo kay lakob, nga nagasiling: "Yari karon, ang imo anak nga si Iosc nagakari sa imo." Niyan naghimud-os si Israel, kag naglingkod sia sa ibabaw sang higdaan. 3 Kag nagsiling sia kay lose: "Ang Makagagahum nga Dios nagpahayag sa akon, sa Lus sa duta sang Kanaan, kag ginpakamaayo niya ako, 4 Kag nagsiling sia sa akon: "Yari karon pagapabungahon ko ikaw, kag pagapadamuon ko ikaw, kag pagahimoon ko ikaw nga katilingban sang mga banwa; kag pagaihatag ko ini nga duta sa imo kaliwatan sa olehe nimo nga dayon nga panublion. 5 Kag karon ang imo duha ka anak, si Epraim kag si Manases, nga nagkalatawo sa imo sa duta sa Egipto, tubtub nga ako mag-abut sa imo sa duta sang Egipto, akon sila; subung kay Ruben kag kay Simeon manginakon sila. 6 Kag ang mga ginpanganak mo sa olehe nila, manginimo sila; sa ngalan sang imo mga útud pagapanawgon sila, sa ila mga panublion. 7 Kag sang ako nagpakari gikan sa Padan-Aram, napatay sa akon si Rakel sa duta sang Kanaan, sa dalanon nga malayolayô pa sang pag-abut sa Eprata; kag ginlubung ko sia didto sa dalanon sa Eprata, nga among Bethlehem." 8 Kag nakita ni Israel ang mga anak ni lose, kag nagsiling sia: "¿Sanday sin-o bala ini sila?" 9 Kag nagsabat si Iose sa iya amay: Akon mga anak sila, nga ginhatag sa akon diri sang Dios." Kag sia nagsiling: "Papalapita sila karon sa akon, kag pagapakamaayohon ko sila." 10 Kag ang mga mata ni Israel nagadululum na sa katigulangon, nga indi sarang makakita. Busa ginpalapit niya sila sa iya, kag ginhalukan kag ginhakus niya sila. 11 Kag nagsiling si Israel kay Iose: "Wala ako maghunahuna magtan-aw sang imo nawung, kag yari karon, ang Dios nagpatan-aw sa akon man sang imo kaliwatan." 12 Niyan ginkuha ni lose sila sa tungâ sang iya mğa tuhod, kag naghapa sia sa duta. 13 Kag ginkuha sila nga duha ni Jose, |
65
