|
ra." Kag nagsililing sila: "Nagkari ini diri sa pagpanlugayaw subung sing isa ka dumuluong, kag buut sia magmanginhukom. Karon pagahimoan ikaw namon sing labi nga kalainan sang sa ila." Kag ginlugus nila ang lalaki, nga si Lot, kag nagpalalapit sila sa paglumpag sang gawang. 10 Niyan gindalawo sang mga lalaki ang ila kamut, kag ginsulud nila si Lot sa balay upud sa ila, kag ginpanakpan nila ang mga gawang. 11 Kag ang mga tawo nga yara sa gawang sang baláy, kutub sa mga magamay tubtub sa mga dalagku ginpililas ila nga may pagkabulag; sa bagay nga ginbudlayan sila sa pagpangita sang gawang, 12 Kag nagsililing ang mga lalaki kay Lot: "May dari pa bala ikaw nga iban? Ang mga umagad, kag ang mga anak mo nga lalaki, kag ang mga babae, kag ang tanan nga imo sa banwa, pagowaa sila sa sini nga duug: 13 Kay pagalaglagon namon ini nga duug, tungud kay ang ila panghayhay daku gid sa atubangan ui Iehoba, kag ginpadala kami ni Jehoba sa paglaglag sini." 14 Niyan naggowa si Lot, kag ginhambal niya ang iya mga umagad, ang mga nagpalangasawa sa iya mga anak nga babae, kag nagsiling sia sa ila: "Tilindug-kamo, halin-kamo sa sini nga duug kay pagalaglagon ni Iehoba ini nga banwa." Apang sa mga mata sang iya mga umagad daw subung nga nagalahug sia. 15 Kag sa pagpamanagbanag, ginapadalidali sang mga manugtunda si Lot, nga nagasiling: "Tindug-ka, kuhaa ang imo asawa kag ang imo duha ka anak nga babae nga yari diri, agud indi ka madula sa silot sang banwa. 16 Kag sang nagdulogdulog sia, ginuyatan sia sa kamut sang mga lalaki, kag ang kamut sang iya asawa, kag ang mğa kamut sang iya duha ka anak nga babae, tungud sang kalooy ni Iehoba nga sa iya; kag ginpagowa nila sia, kag ginbutang nila sia sa gowa sang banwa. 17 Kag nahanabu nga, sang nagapagowa sila, nagsiling sia: "Palagyoka tungud sang imo kabuhi ; indi ka magbalikid sa olehc nimo, bisan magdulog ka sa sining bug-os nga kapatagan; palagyoka sa bukid, basi pa mawala ka," |
18 Kag si Lot nagsiling sa ila: "Indi,
Ginoo ko. 19 Yari karon, nakakita ang imo alagad sing bugay sa imo mga mata, kag ikaw nagapahayag sang kadakuon sang imo kaayo, nga gingamit mo sa akon, sa pag-apin sang kabuhi sang akon kalág: kag ako indi sarang makapalagyo sa bukid, basi ayhan nga paglambuton ako sang kalainan kag mamatay ako. 20 Kari karon, ginaampo ko sa imo: ini nga banwa malapit sia sa pagpalagyo didto, kag diyotay sia. Tuguti ako sa pagpalagyo karon didto; (indi bala amo sia ang diyotay?) kag magakabuhi ang akon kalág." 21 Kag sia nagsabat: "Yari karon, ginabaton ko man ang imo pangabay nahanungud sini, kag indi ko pagalaglagon ang banwa nga sa iya naghambal ka. 22 Dalidali-ka, palagyo-ka didto ; kay wala gid akoy sarang mahimo tubtub nga didto makalambut ka." Tungud sini ginhingalanan ang banwa nga Soar.* 23 Ang adlaw nagasubang sa ibabaw sang duta, sang si Lot nag-abut sa Soar. 24 Niyan ginpaulan ni Iehoba sa ibabaw sang Sodoma, kag sa iababaw sang Gomora ang asupre kag ang kalayo gikan kay Iehoba kutub sa mga langit. 25 Kag naglaglag sia sining mga kabanwaanan, kag sadtong bug-os nga kapatagan patí ang tanan nga pumuluyo sadtong mga kabanwaanan, kag ang bunga sang duta. 26 Niyan ang asawa ni Lot nagbalikid, kag nanginhaligi sia nga asin. 27 Kag nagbangon sing aga pa gid si Abraham kag nagkadto sa duug nga didto sia sa atubangan ni Iehoba. 28 Kag nagtulok sia nayon sa Sodoma kag Gomora, kag nayon sa bug-os nga duta sa sadtong kapatagan, kag nakita niya, kag yari karon nga ang aso nagatub-ok gikan sa duta subung sang aso sang isa ka dabok. 29 Nahanabu ini nga, sang ginlaglag sang Dios ang mga kabanwaanan sang kapatagan, nakadumdum ang Dios kay Abraham, kag ginpagowa niya si Lot sa tungâ sang kalaglagan, sa paghapay sang mga kabanwaanan sa diin nagpuyô si Lot. 30 Apang si Lot nagtaklad sa Soar,
|
21
