bubot-on. Maanindot kun malas-ot, mao gayud kanay atong panagway. Kon ang atong kalag hiyasan ta sa kaligdong, kaalam ug kadungganan, maanindot ang atong panagway sa atubangan sa uban; kon angkonon ta ang dautang taras, kon ang atong
kalag huboan ta sa kaligdong, kaalam ug kadungganan, malasot ang atong panagway sa atubangan sa kalibutan. Kon maanindo ang atong gawi, higugmaon kita sa uban; kon mangilad ang atong taras, isalikway ug bi-aybi-ayon kita sa uban.
Mao kana ang lintunganay sa hunahuna ni Rizal. Ug aduna siyay tugon sa mga pilipinhon: nga manglimbasog sila nga ang atong panagway tahuron ug higugmaon sa ubang mga nasud sa kalibutan tungod kay ang mga hiy;as sa iyang kalag mao ang kaligdong, kaalam ug kadungganan.
Mao kining hunahunaa ang mapu-po ta sa mga panid sa Filibusterismo, ang sugilanon ni Rizal nga karon anaa sa kamot sa mga bisaya. Bisan pa gihubad gikan sa kinatsila, ang mga hunahuna ug mga pagbati ni Rizal wala mabalhin kun molubad kon atong basahon sa atong pinulongan.
