sabong ken bulbulong ken luplupot a napilpillidis a nadumaduma
a kita: adda agbibitin a babassit a parparol iti naikabil a sapaw
a naibabaet kadagiti sabsabong a rosas ken klabel, bungbunga,
kas pinia, kasoy, saba, bayawas, lansones, kdmpy. Ni Ibarra pinaipanna dagiti alpombra, daldalingding ken debujo a palangka iti
balayna, tapno adda nagin-awa ken nasayaat a pagtugawan dagiti
babbai. Dagiti tektekken ken gagaod kasta met a naramenanda.
Iti daydi bangka a nasaysayaat ti pannakaramenna, adda maysa
nga arpa, gitarra, kordion ken maysa a sara ti nuang; iti daydi
maikadua, sumsumged ti apoy kadagiti daldalikan; aglutlutuda iti
itsa, kape ken tajo nga agpaay iti pamigat.
—¡Ditoy dagiti babbai, ket sadiay met dagiti lallaki!—kinuna dagiti inna idi lumugunda. —jAgtalnakayo! jDikay unay aggatgaraw ket inton lumnedtayo.
—¡Agugiskay pay a umuna!—kinuna ni ikit Isabel, a nagugis.
—¿Ket dakdakam la ket dituyen?—sinaludsod ni Sisa a nagmusiig. —dDakdakam lattan ... ? jannay!
Toy nga annay!—pinataod ti kuddot a inggiddato ni inana nga inted kenkuana.
Dagiti bangka agin-inayadda nga umadayo iti igid ket dagiti silsilaw aganninawda dagiti parparol iti sarming ti danaw, a kasta unay talnana. Sadi Daya mangrugrugin a sumingsingising ti bannawag.
Siu-ulimekda; dagiti babbarro ken babbalasang, gapo iti panamagsisina kadakuada dagiti inna, kasda itay sipapanunot.
—¡Agan-annadka!—inpuklaw ni Albino, daydi seminarista iti maysa a bato; payatem a nalaing dayta sullat nga adda iti baba ta dapan mo.
—¿Apay?
—Mabalin a masukto ket sumbrek ti danom; ado dagiti ababot toy a bangka.
—¡Ay! ¡lumnedkamin!—inyikkis dagiti babbai a nakigtot.
¡Dikay agdandanag, appo!—ti pinamagtalna kadakuada daydi seminarista. —Dayta a bangka natalged, saan a maan-ano limlima laeng dagiti ab-abotna ket saanda unay a dadakkel.
—¡Lima nga ab-abot! ¡Jesus! ¿Apay, kayatdakam a ilemmes? —kinuna dagiti babbai a sibubuteng.
—163—
