—¡Limlima laeng, appo, ket kakastoy ti kadadakkel da! —inpatalged daydi seminarista, nga inpakitana kadakuada ti bassit a nagbuklan ti tangan ken ti tammudona, nga inna pinagdenna dagiti murmurdongda. —¡Payatenyo a nalanig dagiti sulsulat, tapno saanda a lumsot!
—¡Dios ko! Maria Santisima! ¡Sumbrek ti danumen! —inyikkis ti maysa a baket a kasna narikna a naslepan.
Nakiburda bassit; kadagiti babbai, adda agikkis, adda mayat a tumapuak iti danom.
—¡Payatenyo a nalaing dagiti sulsullat! ¡dita! —intuloy ni Albino, nga intuduna ti yan dagiti babbalasang.
—¿Adinno? dadinno? ¡Dios ko! ¡Dimi ammo! jPangngaasiyo, umaykayo, ta dimi ammo!—indawat dagidi napabuteng a babbai.
Masapol a lima a babbaro ti umallatiw iti maysa a bangka tapno agtalna dagiti sikikigtot a inna. !Ania a pannakaipatangen! kas la ket adda peggaden ti abay ti tumunggal maysa kadagiti babbalasang; dagiti babbaket, uray agtitipunda amin, awan uray la no maysa nga abot a pagpeggadanda. Ket ladadda manen a naipatang! Ni Ibarra adda iti abay ni Maria Clara, ni Albino iti abay ni Victoria, ket tunggal baro adda iti abay ti maysa a balasang. Ti talna nagsubli iti yan dagiti naannad a inna, ngem saan a iti yan dagiti babbalasang.
Gapo ta ti danom nakataltalna unay, dagiti paspasabing dida met adayo, ket nasapa pay met la unay, pinagsardengda dagiti gagaod tapno mamigatda pay amin. Naiddepen dagiti silsilaw — ta ti anaraar ti init raniagannan ti lubong.
—!Awan pumada iti tajo nga inumen iti agsapa, no daytay mapan datao makimisa!—kinuna ni Kapitana Tika, ti ina ni naragsak a Sinang; —uminumkay iti tajo ket mangankay iti puto, Albino, ket makitayunto no dikay pay ket kayat ti aglualo.
—Iso, ti aramidek,—insungbat toy;—rantak ti agkonpesar.
—Saan! —kinuna ni Sinang, —uminumkay iti kape, ta paragsakenna dagiti panpanunot.
—Ita met laeng, ta malidlidayannak bassit.
—¡Dikay ar-aramiden dayta!—inbalakad met ni ikit Isabel; —uminumkay iti itsa ket mangan kay iti galietas; kunada a ti itsa
pagtalnaenna ti panunot.
— 164 —
