Maria Clara;—apaem tapno saan a maruam iti dakes!
—¡Dika met unay agpalalo a!—kinuna ni Iday.
—¡Agpalaluka, dika agmamauyong!— ¡Ti mangas-asawa rebbengna ti umannugot no mangas-asawa pay laeng, ta intono asawanan, aramidcnnanto metten ti kaykayatna!—imbalakad ni bassit a Sinang.
—¿Ania ti ammom kadagita, sika, ubing?—inyanawa ni kasinsinna a Victoria.
¡Sst! agtalnakayo, ta umaydan!
Adda agpayso pangen dagiti babbaro a dumateng, nakasilawda iti bunut, rineppet a kawkawayan a nagislagisla. Magmagnada a siraranga iti aweng ti maysa a gitarra.
—¡Kas la gitarra ti agpalpalama! —kinuna ni Sinang a nagkatawa.
Idi nakapagtipunen dagidi dua a gunggunglo, dagiti babbai nagulimek ket nagtalnada a kasla ket itay dida pay nasursuro ti agkatawa; ngem dagiti lallaki agsasaoda, kumablaawda, umisemda ket mamin-innem nga agsaludsod tapno makagun-udda iti kagudua ti maysa a sungbat.
—Nalinak ti danaw? ci Nasayaat met la ngata ti kanito? — salsaludsuden dagiti babbaket.
¡—Dikay madanagan, appo a Dudunia nalaingak a lumangov! —insungbat ti maysa a bumaro a nakuttong, natayag ken narapis.
—¡Nakimisatay kuma pay a immuna!—inyasog ni ikit Isabel a pinagakubna dagiti im-imana.
—Adda pay la kanito, apo; ni Albino, a nagseminarista idi, mabalinna ti agmisa iti bangka,—insungbat ti maysa, nga intuduna daydi baro a nakuttong ken natayag.
—Toy, a rupana ti narabak, idi mangngegna nga iso ti natudo, nagsinansisingpet a tinuladna ti langa ni Padre Salvi.
Ni Ibarra, a dina ket binay-an ti kinadeggangna, rumamraman met kadagiti ragragsak dagiti kakaduana.
Idi nakadanunda iti igid ti danaw, saan a napupuutan dagiti babbai dagiti bibbibigda a nangisawang iti siddaaw ken ragsakda. Adda nakitada a dua a bangka a dadakkel, nagdekket,
nakaay-ayo unay ti pannakaramenda kadagiti nasipulsipol a sab-
—162—
