[᭖᭒62B]
᭖᭒
ᬢᭀᬄᬧᬢᬶᬫᬮᬶᬗ᭄ᬕᬶᬄ᭞ᬗ᭄ᬕᭂᬕᭂᬃᬲᬳᬶᬭᬶᬗᬦ᭄᭞ᬯᬶᬭᬾᬄᬲᬫ᭄ᬧᬸᬦ᭄ᬫᬘᬶᬳ᭄ᬦ᭞ᬫᬩᬦ᭄ᬤᬾᬭᬩᬳᬦ᭄ᬧᬸᬢᬶᬄ᭞ᬫᬓ᭄ᬭᬡᬵᬩᬾᬩᬲ᭄᭞ᬓᬸᬫ᭄ᬧᭂᬦᬶᬫᬗᬸᬗ᭄ᬓᬸᬭᬶᬦ᭄᭞ᬢᬤᬶᬦ᭄ᬓᭂᬮᭀᬤ᭄ᬧᬲᭀᬭᭀᬳᬦ᭄ᬧ᭄ᬭᬡᬵᬭᬭ᭞ᬭᬯᭀ
ᬲᬾᬲᬫ᭄ᬧᬸᬦ᭄ᬕᬶᬮᬶᬓ᭄᭞ᬢᬓᬸᬢ᭄ᬦ᭄ᬤᬾᬯᬢ᭞ᬤᬾᬓᬤᬚᬦ᭄ᬳᬜ᭄ᬘᬃ᭞ᬮᬶᬗ᭄ᬕᬶᬄᬅᬦᬓ᭄ᬅᬕᬸᬂᬗ᭄ᬳᬶᬮᬶᬲ᭄᭞ᬢᭀᬄᬧᬢᬶᬗᬶᬭᬶᬗᬂ᭞ᬳᬋᬧᬾᬓᬓᬸᬫ᭄ᬧᭂᬦᬶ᭟ᬢᬦ᭄ᬳᬶᬦᬸᬘᬧ᭄ᬳᬶᬤᬯᬢᭂᬓ᭄ᬭᬵᬚᬧᬸᬢᬺ᭞ᬦᬾᬳᬦᭀᬫ᭄ᬳ
ᬦᭀᬫ᭄ᬓᬭᬶ᭞ᬳᬦᬓ᭄ᬧᬸᬢᬸᬦ᭄ᬳᬶᬤ᭞ᬅᬦᬓᬾᬅᬕᬸᬂᬗᬸᬭᬄ᭞ᬢᬦ᭄ᬓᬋᬗᬵᬩᬦ᭄ᬧᬫᬢᬶᬂ᭞ᬳᬲᬶᬂᬓᭂᬤᭂᬗᬂ᭞ᬲᬶᬓᭂᬧᬾᬗᬮᬶᬯᭂᬲᬶᬦ᭄᭟ᬧ᭄ᬭᬬᬫᬧᬕ᭄ᬓᬸᬫ᭄ᬧᭂᬦᬶᬦᬾᬲᬶᬂᬫᬗᬸᬮᬄ᭞ᬳᭀᬭᭀᬗᬦᬾᬓᬓᬮᬶᬄ᭞ᬩ
ᬜ᭄ᬚᬃᬧᬦ᭄ᬥᬾᬫᬶᬯᬄ᭞ᬢᬸᬗ᭄ᬕᬓ᭄ᬩᬾᬮᬦᬾᬩᬾᬩᬲ᭄᭞ᬦᬸᬗ᭄ᬓᭂᬤ᭄ᬓᬫᬦ᭄ᬢ᭄ᬭᬶᬫᬗᭂᬜ᭄ᬘᬶᬂ᭞ᬤᬶᬚ᭄ᬭᭀᬦᬶᬂᬓᬭᬂ᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭟ᬧᬬᬸᬤᬦᬾᬓᬮᬾᬃᬓᬳᬸᬄᬫᬳᭀᬲᭀᬕᬦ᭄᭞ᬫ᭄ᬩᭂᬤᬶᬮ᭄ᬓᬩᭂᬤᬶᬮ᭄ᬓᬮᬶᬄ᭞ᬫᬳᬮᭀᬂᬳ᭠
[᭖᭓63A]
ᬮᭀᬗᬦ᭄᭞ᬗ᭄ᬕᭂᬮᬄᬓᬸᬘᬶᬯᬢᬥᬄ᭞ᬳᬶᬲᬹᬭᬤᬥᬹᬗᬋᬧᬶᬦ᭄᭞ᬓᬮᬶᬄᬭᭀᬗᬦ᭄᭞ᬲᬶᬦ᭄ᬥᬸᬦᬾᬫᬫ᭄ᬩᭂᬤᬶᬮᬦ᭄᭟ᬢᬸᬯᬶᬳᬤᬩ᭄ᬭᬳ᭄ᬫᬦᬧᬸᬗ᭄ᬕᬯᬯᬶᬭ᭞ᬳᬶᬭᬶᬓᬫᬗᬸᬓᬸᬳᬶᬦ᭄᭞ᬕ᭄ᬭᬶᬲ᭄ᬓᬮᬶᬮᬶᬭᬦ᭄᭞ᬫᬢᬗ᭄ᬕᬮ᭄ᬢ᭠
ᬦ᭄ᬓᬶᬍᬲᬦ᭄᭞ᬚᬶᬬᬾᬲ᭄ᬢᬳᬾᬦᬓ᭄ᬬᬦ᭄ᬧᬧᬲᬶᬄ᭞ᬤᬹᬢᬤᬶᬕᬫ᭄ᬩᬃ᭞ᬲᬶᬬᬢᬾᬫᬗᬺᬲ᭄ᬋᬲᬶᬦ᭄᭟ᬫᬸᬜᬶᬦ᭄ᬩᭂᬤᬶᬮ᭄ᬢᬸᬳᬭᬧᭂᬕᬢ᭄ᬫᬢᬶᬫ᭄ᬩᬮᬦ᭄᭞ᬩᬸᬓᬗᬸᬳᬸᬕᬂᬮᬗᬶᬢ᭄᭞ᬧᭂᬦ᭄ᬤᭂᬢ᭄ᬫᬮᬶᬫᬸᬦᬦ᭄᭞ᬗᭂᬩᭂᬓᬶᬦ᭄ᬩ᭄ᬬᭀᬫᬦ᭄ᬢᬭ᭞ᬫᬶ
ᬭᬶᬩ᭄ᬕᬸᬍᬫ᭄ᬫᬦᬯᭂᬗᬶᬦ᭄᭞ᬢᬾᬚᬦᬶᬂᬲᬹᬃᬬ᭄ᬬ᭞ᬫᬳᬸᬚᬦ᭄ᬩᬳᬦ᭄ᬫᬶᬫᬶᬲ᭄᭟ᬢᭂᬦ᭄ᬯᬶᬦᬶᬮᬃᬫᬸᬲᬸᬄᬭᭀᬯᬂᬓᬦᬶᬦ᭄ᬭᬸᬲᬓ᭄᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬓᬸᬫ᭄ᬧᭂᬦᬶᬫᬗᬸᬮᬄ᭞ᬦᬾᬲᬓᬾᬂᬢᬸᬗ᭄ᬕᬓ᭄ᬩᬾᬮᬵ᭞ᬩᬳᬸᬦᬧᬓ᭄ᬤᬗᬶᬦ᭄ᬫᬦ᭄ᬢ᭄ᬭᬶ᭞ᬤᬶ
ᬓᬭᬂᬲ᭄ᬯᬾᬘ᭄ᬙ᭞ᬤᬶᬢᬸᬲᬗ᭄ᬓᭂᬮ᭄ᬳᬓᬶᬤᬶᬓ᭄᭟ᬩᬦᬶᬗᬫᬹᬓ᭄ᬯᬾᬦ᭄ᬢᭂᬦ᭄ᬲᬋᬂᬓᬮᬶᬄᬤᬰ᭞ᬳᬫᭂᬦᬶᬢ᭄ᬩᬾᬩᬲᬫᬶ᭞ᬫᬮᬶᬄᬫᬗᬸᬮᬳᬂ᭞ᬲᬹᬭᬤᬥᬹᬫᬗᬗᬶᬦᬂ᭞ᬤᬶᬫᬃᬕ᭄ᬕᬶᬳᬕᬸᬂᬫᬗ᭄ᬭᬭᬶᬲ᭄᭞ᬬᬢ᭄ᬦᬫᬗᬫ᭄ᬩᬶᬬᬃ᭞ᬤᬶᬩᬸᬦᬸ
Page:Bali-lontar-gaguritan-rusak-sasak-01-300ppi.pdf/63
This page has been proofread.
