[᭖᭓63B]
᭖᭓
ᬢ᭄ᬩᭀᬳᭀᬓ᭄ᬭᬤᬶᬦ᭄᭟ᬫᬮᬶᬄᬳᬸᬘᬧ᭄ᬦᬾᬓᬳᬸᬄᬩᬾᬩᬲ᭄ᬫᬚᬮᬦ᭄᭞ᬗ᭄ᬕᬸᬩᬸᬕ᭄ᬭᬯᬸᬳᬾᬕᭂᬮᬶᬲ᭄᭞ᬫᬦᬶᬜ᭄ᬘᬧ᭄ᬤᬶᬓᬭᬂ᭞ᬲᬶᬗ᭄ᬳᬵᬲᬭᬶᬳᬤᬜ᭞ᬤᬳᬸᬄᬧᬸᬭᬶᬮ᭄ᬯᬦ᭄ᬭᬤᬶᬦ᭄᭞ᬢᬸᬳᬭᬤᬳᬧ᭞
ᬕᬸᬩᬸᬕᬾᬲᬫ᭄ᬧᬸᬦ᭄ᬲᭂᬧᬶ᭟ᬲᬹᬭᬤᬥᬹᬧᬘᬂᬗᬸᬮᬄᬫᬗᬗᬶᬦᬂ᭞ᬧ᭄ᬭᬾᬭᬾᬢ᭄ᬜᬦᬾᬗᭂᬫ᭄ᬩᬸᬢᬶᬦ᭄᭞ᬤᬤᬶᬓ᭠ᬲᬾᬗᭂᬳᬂ᭞ᬩᬦ᭄ᬲᬶᬓᭂᬧᬾᬗᬶᬭᬶᬗᬂ᭞ᬅᬦᬓ᭄ᬅᬕᬸᬂᬗᬸᬭᬄᬫ᭄ᬮᬶᬗ᭄ᬕᬶᬄ᭞ᬤᬶᬧᬓᬭᬗᬦ᭄᭞ᬩᬮᬾᬃᬤᬳᬸᬳᬶᬂᬧᬸᬭᬶ᭟ᬓᬜ᭄ᬘᬶ
ᬢ᭄ᬗᭂᬦᬄᬳᬶᬲᬸᬭᬤᬥᬹᬫᬗᬫ᭄ᬩᬶᬳᬃ᭞ᬤᬶᬩᬸᬦᬸᬢ᭄ᬩᬳᭀᬓ᭄ᬢᬶᬢᬶᬩ᭄᭞ᬲᬫ᭄ᬧᬸᬦ᭄ᬓᬳᬢᬹᬭᬂ᭞ᬭᬶᬂᬳᬦᬓ᭄ᬅᬕᬸᬂᬗᬸᬭᬄᬕᭂᬮᬶᬲ᭄᭞ᬫᬓᭂᬍᬲ᭄ᬕᬗ᭄ᬲᬃ᭞ᬭᬶᬂᬩᬜ᭄ᬘᬶᬗᬄᬗᬸᬓᬸᬳᬶᬦ᭄᭟ᬤᬤᬶᬳᬶᬲᬶᬦᬾᬭᬶᬂᬓᬮᬾᬃᬓᬳᬸᬄᬕ᭠
ᬦ᭄ᬢᬲ᭄᭞ᬲᬶᬓᭂᬧᬾᬧᬥᬩᭂᬮᬶᬢ᭄᭞ᬦᬩ᭄ᬭᬂᬫᬗᬗᬶᬦᬂ᭞ᬢᬸᬳᬭᬫᬓᭀᬮᬶᬄᬧᬸᬭ᭞ᬗᬮᬶᬄᬓᬳᬸᬭᬶᬧᬦ᭄ᬲᬫᬶ᭞ᬅᬦᬓ᭄ᬅᬕᬸᬂᬓᬸᬢᬂ᭞ᬓᬶᬜ᭄ᬘᬶᬢ᭄ᬓᬭᬶᬫᬗᬶᬭᬶᬂ᭟ᬲᬹᬭᬤᬥᬹᬦᬾᬲᬶᬓᭂᬮᭀᬤ᭄ᬧᬥᬦᬧ᭠
[᭖᭔64A]
ᬓ᭄᭞ᬬᬰᬓᬫ᭄ᬩᬂᬓᬕᬶᬲᬶ᭞ᬚ᭄ᬭᭀᬦᬶᬂᬧᬸᬭᬦ᭄ᬤᬾᬯ᭄ᬯ᭞ᬮᬾᬦ᭄ᬳᬤᬗ᭄ᬕᬶᬲᬶᬫᬃᬕ᭄ᬕ᭞ᬦᬾᬲᬶᬓᬯᬸᬄᬲᬫ᭄ᬧᬸᬦ᭄ᬗᬫ᭄ᬩᬶᬮ᭄᭞ᬧᬸᬭᬶᬓᬳᬸᬳᬦ᭄᭞ᬫᬗ᭄ᬓᬶᬦ᭄ᬘᬭᬶᬢᬫᬮᬶᬄ᭟ᬲᬹᬭᬤᬥᬹᬦᬾᬗᬫ᭄ᬩᬳᬶᬦ᭄ᬤᬶᬭᬶᬕ᭄ᬭᬶᬕᬦ᭄᭞ᬗᬸᬮᬄᬓᭂᬮᭀᬤ᭄ᬮᬾᬦ᭄ᬓ
ᬗᬶᬦ᭄᭞ᬦᬾᬓᬗᬶᬦ᭄ᬓᭀᬘᬧᬂ᭞ᬮᬸᬕᭂᬢ᭄ᬓᬭᬶᬫᬲᬶᬳᬢ᭄᭞ᬲᬶᬦ᭄ᬥᬸᬦᬾᬧᬕᭂᬄᬦᬗ᭄ᬕᬮᬶᬦ᭄᭞ᬧᬲᬮᬾᬃᬮᬫᬢ᭄᭞ᬗᬸᬚᬦ᭄ᬓᬸᬚᬦᬦ᭄ᬫᬶᬫᬶᬲ᭄᭟ᬧᬶᬦᭂᬄᬲᬫ᭄ᬧᬸᬦ᭄ᬲᬗ᭄ᬳ᭄ᬬᬂᬭᬯᬶᬩᭂᬦᭂᬄᬫᬸᬗ᭄ᬕᬄ᭞ᬳᬶᬲᬹᬭᬤᬥᬹᬫᬗ᭄ᬓᬶᬦ᭄᭞ᬲᬳᬢ᭄ᬫᬩᬸᬮᬳᬂ᭞ᬉᬩ᭄ᬭᬸ
ᬲ᭄ᬓᬸᬫᭂᬦ᭄ᬤᬦ᭄ᬧᬸᬜ᭄ᬘᬩ᭄᭞ᬫᬗᬗ᭄ᬕᬃᬓᬮᬾᬯᬂᬕᬶᬧᬶᬄ᭞ᬗᬸᬮᬳᬂᬭᭀᬯᬂ᭞ᬦᬋᬚᬓ᭄ᬧᬥᬫ᭄ᬩᭂᬤᬶᬮ᭄᭟ᬢᬸᬯᬶᬩᬾᬘᬾᬓ᭄ᬲᬶᬓᭂᬧ᭄ᬲᬶᬦ᭄ᬥᬸᬦᬾᬲᬶᬂᬗᬸᬮᬄ᭞ᬮᬾᬦ᭄ᬚ᭄ᬭᬦᬢ᭄ᬫᬜᬓᬶᬢᬶᬦ᭄᭞ᬩᬸᬓᬲᬦ᭄ᬤᭂᬓᬶᬮᬧ᭄᭞ᬲᬶᬂᬓᭂᬦᬫᬕᭂᬭᬸ᭠
ᬯᬓ᭄᭞ᬲᬾᬬᭀᬲ᭄ᬚᬺᬩᬢ᭄ᬳᬧᬶᬢᬶᬢᬶᬃ᭞ᬫᬸᬳᬸᬦᬂᬳᬸᬫᬄ᭞ᬲᬶᬓᭂᬧᬾᬳᬓᬾᬄᬩᭂᬮᬶᬢ᭄᭟ᬦᬗ᭄ᬳᬶᬂᬳᬶᬤᬚᬶᬳᬾᬲ᭄ᬢᬳᬾᬦᬓ᭄ᬍᬯᬶᬄᬥᬶᬭ᭞ᬧᬹᬭᬸᬱᬫᬦᬗ᭄ᬕᬮᬶᬦ᭄᭞ᬲᬋᬂᬲᬦᬓ᭄ᬫᬶᬯᬄ᭞ᬫᬶᬂᬲᬶᬓᬶᬲᬫᬶᬭᬸᬲᬓ᭄᭞ᬳᬓᬸᬤᬂ᭠
Page:Bali-lontar-gaguritan-rusak-sasak-01-300ppi.pdf/64
This page has been proofread.
