[᭖᭑61B]
᭖᭑
ᬭᬸᬦ᭄ᬗ᭄ᬕᬫᭂᬮ᭄ᬭᬵᬚᬩᬮᬶ᭞ᬜᬾᬜ᭄ᬚᬗᬸᬕᬸᬲᭀᬭᭀᬄᬫᬸᬜᬶᬦ᭄ᬓᬧᬮᬶᬗᬦ᭄᭟ᬯ᭄ᬯᬂᬓ᭄ᬭᬦ᭄ᬤᬦ᭄ᬤᬶᬚ᭄ᬭᭀᬧᬸᬭᬵ᭞ᬳᬓᬾᬄᬮᭀᬮᭀᬲ᭄ᬢᬭᬶᬓ᭄ᬗᬸᬗ᭄ᬲᬶ᭞ᬧᬓᬥᬗᬦ᭄ᬫᬾᬫᬾᬩᬧ᭞ᬓᬤᬾᬰᬤᬸᬲᬸᬦ᭄ᬫᬜᬶᬗᬶᬤ᭄᭞ᬳᬤᬓ
ᬤᬗᬶᬦ᭄ᬚᬸᬭᬶᬂ᭞ᬤᭂᬮᭀᬤ᭄ᬩᬩᬓ᭄ᬤᬚᬦ᭄ᬕᬸᬦᬸᬂ᭞ᬦᬓ᭄ᬅᬕᬸᬂᬗᬸᬭᬄᬳᬶᬤ᭞ᬢᬸᬳᬭᬗ᭄ᬕᭂᬮᬄᬭᬯᭀᬲ᭄ᬓᬾᬗᬶᬦ᭄᭞ᬫᬓᬘᬶᬳ᭄ᬦᬦ᭄ᬓᬭᬢᭀᬦᬾᬤᬹᬃᬫ᭄ᬫᬗ᭄ᬕᬮᬦ᭄᭚᭜᭚ᬧᬸᬧᬸᬄ᭞᭑᭓᭞ᬤᬸᬃᬫ᭄ᬫᬵ᭚ᬫᬗ᭄ᬓᬶᬦ᭄ᬳᬸ
ᬘᬧ᭄ᬰ᭄ᬭᬶᬧᬤᬸᬓᬢᬸᬳᬦ᭄ᬚᬾᬦ᭄ᬤ᭄ᬭᬮ᭄᭞ᬢᬸᬯᬦ᭄ᬋᬱᬶᬤᬾᬦᬵᬫᬓᬤᬶ᭞ᬲᬫ᭄ᬧᬸᬦ᭄ᬲᬫᬶᬯᬶᬓᬦ᭄᭞ᬧᬗ᭄ᬭᬯᭀᬲᬾᬭᬶᬂᬘᬓᬺ᭞ᬭᬹᬱᬩᭀᬬᬕᬶᬦ᭄ᬢᬶᬂᬲᬫᬶ᭞ᬲᬳᬢ᭄ᬫᬢᬗ᭄ᬕᬮ᭄᭞ᬧᬋᬧᬾᬭᬶᬂᬓᬸᬫ᭄ᬧᭂᬦᬶ᭞ᬫᬶᬯᬄᬯᬢᭂᬓ᭄ᬪᬳᬸᬥᬡ᭄ᬥᬵ᭠
ᬤᬕᬶᬂᬘᬓᬺ᭞ᬓᬮᬶᬄᬫᬢᬭᬫ᭄ᬲᬫᬶ᭞ᬫᬶᬯᬄᬮᬶᬗ᭄ᬕᬶᬄᬳᬶᬤ᭞ᬦᬓ᭄ᬅᬕᬸᬂᬦᬾᬫᬧᬭᬩ᭄᭞ᬳᬸᬦ᭄ᬢᬢ᭄ᬚᬮᬚᬫᬹᬃᬯ᭄ᬯᬦᬶᬦ᭄᭞ᬢᬺᬱ᭄ᬡᬵᬭᬶᬂᬭᬕ᭞ᬳᬚ᭄ᬭᬶᬄᬧᬘᬂᬗᭂᬫᬲᬶᬦ᭄᭟ᬫᬳᬯᬦᬦ᭄ᬕᬮᬂᬓᬗᬶᬦ᭄ᬲᬫ᭄ᬧᬸᬦ᭄᭠
[᭖᭒62A]
ᬦᬧᬓ᭄᭞ᬲᬹᬭᬤᬥᬹᬦᭂᬫᬗᬶᬦ᭄᭞ᬦᬾᬤᬶᬓᭀᬢᬘᬓᬺ᭞ᬳᬜ᭄ᬘᬸᬢᬾᬓᬚᬳᬸᬘᬧ᭄᭞ᬮᭀᬤ᭄᭠᭞ᬢᭀᬄᬢᬶᬓᬚᭂᬳᭂᬕᬶᬦ᭄᭞ᬫᬤᬦ᭄ᬭᬶᬕ᭄ᬭᬶᬕᬦ᭄᭞ᬲᬶᬦ᭄ᬥᬸᬦᬾᬓᬳᬋᬧᬶᬦ᭄᭟ᬲᬓᬶᬂᬓᭂᬮᭀᬤ᭄ᬢᬸᬗ᭄ᬕᬓ᭄ᬩᬾ᭠
ᬮᬦᬾᬓᬢᭂᬫᬂ᭞ᬦᬾᬓᬳᬸᬄᬯᬦ᭄ᬢᬄᬭᬤᬶᬦ᭄᭞ᬩᬜ᭄ᬚᬃᬧᬦ᭄ᬤᬾᬩᬾᬩᬲ᭄᭞ᬲᬸᬩᬮᭀᬮᭀᬲ᭄ᬗᬗᬶᬦᬂ᭞ᬓᭀᬘᬧᬂᬧᬫᬗ᭄ᬓᬶᬦ᭄ᬤᬶᬧᬸᬭᬶ᭞ᬦᬓ᭄ᬅᬕᬸᬂᬯᬶᬓᬦ᭄᭞ᬓᭀᬤᬮᬾᬓᬮᬾᬃᬕᭂᬮᬶᬲ᭄᭟ᬫᬳᬶᬭᬶᬗᬦ᭄ᬩᬢᬸᬩᬢ᭠
ᬭᬶᬂᬧᬋᬓᬦ᭄᭞ᬧᬺᬫᬾᬦᬓ᭄ᬳᬓᬾᬄᬗᬩᬶᬄ᭞ᬫᬓᬤᬶᬧᬸᬦᬶᬓ᭞ᬦᬾᬫᬸᬮᬫᬗ᭄ᬕᬫᭂᬮᬂ᭞ᬳᬶᬩᬢᬩ᭠ᬢᬸᬘᬮᬶᬭᬶᬂ᭞ᬢᭀᬲ᭄ᬦᬶᬂᬧᬹᬭᬸᬱ᭞ᬧᬺᬕᬸᬲ᭄ᬢᬶᬓᬥᬂᬅᬚᬶ᭟ᬬᬾᬦ᭄ᬦᬾᬲᬸᬩᬢᬸᬳᬭᬕᬶᬗ᭄ᬲᬶᬃᬢᬸᬳᬭᬕᬶᬗ᭄ᬕᬂ᭞ᬗᬋ᭠
ᬧᬶᬦ᭄ᬲᬢ᭄ᬭᬸᬓᬗᬶᬦ᭄᭞ᬤᬾᬦᬶᬂᬗᬸᬫᬦ᭄ᬤᭂᬮᬂ᭞ᬲᬜ᭄ᬚᬢᬧᬮᬶᬂᬫᬗᬧ᭄᭞ᬦᬾᬫᬗ᭄ᬓᬶᬦ᭄ᬳᬸᬘᬧᬂᬕᭂᬮᬶᬲ᭄᭞ᬲᬫ᭄ᬧᬸᬦ᭄ᬫᬦᬧᬓ᭄᭞ᬓᬮᬾᬃᬓᬳᬸᬄᬗᬸᬓᬸᬳᬶᬦ᭄᭟ᬅᬦᬓ᭄ᬅᬕᬸᬂᬓ᭄ᬢᬸᬢ᭄ᬚ᭄ᬮᬡ᭄ᬝᬶᬓ᭄ᬫᬗ᭄ᬓᬶᬦ᭄ᬓᭀᬘᬧ᭄᭞ᬭᬶᬂ᭠
Page:Bali-lontar-gaguritan-rusak-sasak-01-300ppi.pdf/62
This page has been proofread.
