[᭕᭘58B]
᭕᭘
ᬜᬲᬫᬶ᭞ᬓᬮᬸᬤ᭄ᬦᬾᬗᬾᬦ᭄ᬢᭂᬭᬂ᭞ᬧᬸᬗ᭄ᬕᬯᬳᭀᬜᬩᬸᬤᬮ᭄᭞ᬬᬾᬦ᭄ᬤᬶᬚᬕᭂᬦᬄᬫᬦ᭄ᬤᭂᬲᬶᬮ᭄᭞ᬗᬮᬶᬄᬳᬮᬶ᭠ᬗᬦ᭄᭞ᬭᭀᬯᬗᬾᬳᭀᬳᭀᬜᬩᭂᬮᬶᬢ᭄᭟ᬫᬮᬸᬦᬦ᭄ᬫᬗ᭄ᬕᬭᬸᬤᬸᬕ᭄ᬩᬸᬓᬳᭀᬫ᭄ᬩᬓ᭄᭞ᬲᬲᬶᬲᬦ᭄ᬜᬦᬾᬫᬢᬶ᭞ᬗ᭄ᬕᬸ᭠
ᬩᬸᬕ᭄ᬧᬢᬶᬢᬺᬚᬓ᭄᭞ᬗᬸᬭᬾᬧᬓ᭄ᬦᭂᬕᭂᬦ᭄ᬢᬸᬫ᭄ᬩᬓ᭄᭞ᬳᬤᬦᬤ᭄ᬢᬤ᭄ᬩᭂᬤᬶᬮ᭄ᬘ᭄ᬭᬶᬦᬶᬢ᭄᭞ᬗᬚᬦᬂ᭞ᬓᬘᬓᬺᬢᭂᬮᬲ᭄ᬗᬸᬗ᭄ᬲᬶ᭟ᬲᬹᬭᬤᬥᬹᬲᬫ᭄ᬧᬸᬦ᭄ᬩᬾᬩᬲ᭄ᬫᬗ᭄ᬓᬶᬦ᭄ᬗᬫ᭄ᬩᬶᬳᬃ᭞ᬓᬭᬂᬫᬤᬳᬶᬦ᭄ᬓᭂᬦᬶ᭞ᬦᬸᬗ᭄ᬓᭂᬤᬗᬶᬦ᭄ᬫᬃᬕ᭄ᬕ᭞ᬢᬸᬳ᭠
ᬭᬲᬦ᭄ᬚᭀᬲᬗᬸᬮᬄ᭞ᬓᬓᭂᬦ᭄ᬤᬗᬦ᭄ᬜᬫᬕᭂᬦ᭄ᬤᬶᬂ᭞ᬫᬗ᭄ᬓᬶᬦ᭄ᬓᬳᬸᬘᬧ᭄᭞ᬅᬦᬓᬾᬅᬕᬸᬂᬮᬶᬗ᭄ᬲᬶᬃ᭟ᬲᬫ᭄ᬧᬸᬦ᭄ᬯᬶᬓᬦ᭄ᬩᬦ᭄ᬲᬢ᭄ᬭᬸᬦᬾᬓᬮᬶᬄᬗᬸᬮᬄ᭞ᬕᭂᬮᬶᬲ᭄ᬭᬭᬶᬲ᭄ᬦ᭄ᬤᬯᬸᬳᬶᬦ᭄᭞ᬲᬶᬓᭂᬧ᭄ᬲᬓᬶᬂᬘᬓᬺ᭞ᬫᬗᬸᬮᬳᬂᬫᬦᬺᬚᬓ᭄᭞ᬫᬸᬲᬸ
ᬳᬾᬦᬾᬫᬓᬓᬮᬶᬄᬫᬗ᭄ᬮᬶᬦ᭄ᬢᬂᬕᭂᬮᬃ᭞ᬮᬯᬦ᭄ᬫᬳᬫᬹᬓ᭄ᬕᬶᬲᬶ᭟ᬩᬳᬸᬫᬭᬲᬶᬓᭂᬧ᭄ᬘᬓ᭄ᬭᬦᬾ᭞ᬧ᭄ᬭᬬᬫᬗᬫᬹᬓ᭄ᬕᬶᬦ᭄ᬢᬶᬂ᭞ᬤᬤᬶᬮᬶᬗ᭄ᬕᬶᬄᬳᬶᬤ᭞ᬦᬓ᭄ᬅᬕᬸᬂᬗᬸᬭᬄᬳᬾᬗ᭄ᬕᬮ᭄᭞ᬓᬧᬶᬓᬸᬮ᭄ᬧᬸᬗ᭄ᬓᬸᬭᬂᬕᭂᬮᬶᬲ᭄᭞ᬤᬤᬶᬫᬩᬶᬬᬸ
[᭕᭙59A]
ᬭᬦ᭄᭞ᬲᬶᬓᭂᬧᬾᬢᬸᬮᬓ᭄ᬲᬫᬶ᭟ᬢᬹᬃᬓᬳᬸᬮᬄᬳᬦ᭄ᬢᬸᬓ᭄ᬓᬸᬫ᭄ᬧᭂᬦᬶᬫᬗ᭄ᬮᬫᬢ᭄᭞ᬳᬓᬾᬄᬫᬢᬢᬸᬫ᭠ᬢᬶ᭞ᬲᬶᬓᭂᬧ᭄ᬲᬓᬶᬂᬘᬓᬺ᭞ᬩᬸᬮᬸᬲ᭄ᬗᬸᬦ᭄ᬢᬲ᭄ᬗᬚᬦᬂ᭞ᬢᬸᬳᬭᬓᬧᬶᬂᬢᭀᬮᬶᬄᬫᬮᬶᬄ᭞ᬳᬸᬘᬧᬂᬳᬶᬤ᭞ᬳᬸᬦ᭄ᬢ᭠
ᬢ᭄ᬅᬫ᭄ᬮᬦᬕᬭᬶ᭟ᬅᬦᬓ᭄ᬅᬕᬸᬂᬫᬸᬮᬢᭀᬲ᭄ᬦᬶᬂ᭞ᬯᬶᬮᬢᬶᬓ᭄ᬝ᭄᭞ᬰᬹᬭᬤᭂᬭᬭᬶᬂᬚᬸᬭᬶᬢ᭄᭞ᬧᬶᬮᬶᬄᬧᬭᬕᬬᬦ᭄ᬤᬾᬯ᭄ᬯᬦᬸᬭᬸᬦ᭄ᬭᬶᬂᬳᬶᬤ᭞ᬳᬯᬦᬦ᭄ᬢᬸᬳᬭᬤᬕᬶᬗ᭄ᬲᬶᬃ᭞ᬓᬬᬸᬦ᭄ᬲᬫ᭄ᬧᬹᬃᬡ᭄ᬦ᭞ᬭᬶᬂᬫᬢᬭᬫ᭄ᬫ᭄ᬩ᭠
ᬫ᭄ᬓᬸᬯᬢᬶᬦ᭄᭞ᬓᬮᬶᬄᬲᬫ᭄ᬧᬸᬦ᭄ᬲᬗ᭄ᬳ᭄ᬬᬂᬚᬶᬯᬓᬢᬸᬗ᭄ᬕᬶᬮᬂ᭞ᬭᬶᬂᬤᭂᬳᬵᬜᬲᬸᬤᬳᭂᬦᬶᬂ᭞ᬩᬺᬲᬶᬄᬢᬦ᭄ᬓᬯᬭᬦ᭄᭞ᬢᬺᬱ᭄ᬡᬦᬾᬗᬦᬓ᭄ᬳᬦᬓ᭄᭞ᬯᬃᬡ᭄ᬦᬵᬦᬾᬤᬸᬫᬶᬮᬄᬓᬤᬶ᭞ᬲᬗ᭄ᬳ᭄ᬬᬂᬪᬱ᭄ᬓᬭ᭞ᬯᬮᬸᬬᬲ᭄ᬫᬭᬫᬹᬃᬢ᭄ᬢᬶ᭟ᬢᬦ᭄ᬓᬕᬶᬗ᭄ᬕᬂᬢᬦ᭄ᬓ
ᬕᬶᬗ᭄ᬲᬶᬃᬓᬢᬺᬚᬓ᭄᭞ᬓᬘᬓᬸᬧ᭄ᬩᬦ᭄ᬓᬸᬫ᭄ᬧᭂᬦᬶ᭞ᬫᭂᬤᬶᬮ᭄ᬢᬸᬳᬭᬧᭂᬕᬢ᭄᭞ᬤᬶᬧᬭᬫ᭄ᬧᬢᬦ᭄ᬫᬃᬕ᭄ᬕᬧᬸᬭᬶᬅᬕᬸᬂᬯᬶᬳᬓ᭄ᬢᬶᬓᬤᬶ᭞ᬗᬸᬳᬸᬕᬂᬯᬶᬳᬢ᭄᭞ᬫᬸᬜᬶᬦ᭄ᬩᭂᬤᬶᬮᬾᬢᬶᬢᬶᬃ᭟ᬳᬸᬦ᭄ᬢᬢ᭄ᬅᬫ᭄ᬮᬳᬶᬤᬓᬭᬶᬫᬳᬶᬭᬶ
Page:Bali-lontar-gaguritan-rusak-sasak-01-300ppi.pdf/59
This page has been proofread.
