[᭕᭙59B]
᭕᭙
ᬗᬦ᭄᭞ᬧᬋᬓᬦ᭄ᬤᬰᬲᬶᬓᬶ᭞ᬳᬓᬶᬚᭂᬧᬦ᭄ᬢᭂᬮᬲ᭄᭞ᬫᬢᬶᬫᬓᬤᬶᬭᬸᬲᬓ᭄᭞ᬳᬸᬦ᭄ᬢᬢ᭄ᬅᬫ᭄ᬮ᭠ᬢᬸᬳᬭᬩᬶᬳᬶᬦ᭄᭞ᬤᬶᬢᬸᬫᭀᬓ᭄ᬱᬵᬗ᭄ᬕ᭞ᬫᬢᬭᬫ᭄ᬓᬯᬶᬦ᭄ᬭᬭᬶᬲ᭄᭟ᬢᬸᬯᬦ᭄ᬋᬱᬶᬤᬾᬦ᭄ᬓᬮᬶᬄᬚᬾᬦ᭄ᬤ᭄ᬭᬮ᭄ᬲᬫᬶ᭠
ᬳᬾᬦᬓ᭄᭞ᬭᬶᬂᬫᬢᬭᬫ᭄ᬫᬮᬶᬗ᭄ᬕᬶᬄ᭞ᬯᬶᬭᬾᬄᬲᬫ᭄ᬧᬸᬦ᭄ᬩᬾᬩᬲ᭄᭞ᬢᬶᬕᬂᬤᬾᬰᬓᬚᬬ᭞ᬫᬗ᭄ᬓᬶᬦ᭄ᬓᭀᬘᬧ᭄ᬲᭂᬤᭂᬓ᭄ᬯᭂᬗᬶ᭞ᬦᬓ᭄ᬅᬕᬸᬂᬗᬸᬭᬄ᭞ᬓᬢᬗ᭄ᬓᬶᬮ᭄ᬲᬫ᭄ᬧᬸᬦ᭄ᬢᬶᬢᬶᬩ᭄᭟ᬧᬺᬫᬾᬦᬓ᭄ᬪᬕᬸᬥᬡ᭄ᬥᬵᬭᬶᬂᬳᬬᬸ᭠
ᬦᬦ᭄᭞ᬅᬦᬓᬾᬅᬕᬸᬂᬭᬭᬶᬲ᭄᭞ᬤᬳᬸᬄᬧᬗᬦ᭄ᬤᬶᬓ᭞ᬚᬦᬶᬧᬥᬓᭂᬦᭂᬳᬂ᭞ᬧᬳᬋᬧᬾᬓᬓᬸᬫ᭄ᬧᭂᬦᬶ᭞ᬤᬾᬦᬶᬂᬫᬘᬶᬳ᭄ᬦ᭞ᬓᬧᭂᬲ᭄ᬧᬲᬶᬬᬢᬾᬚᬢᬶ᭟ᬘᬳᬶᬧᬥᬲᬶᬓ᭄ᬱᬶᬓᬂᬧᬶᬲᬦ᭄ᬧᬰ᭄ᬘᬢᬂ᭞ᬭᬯᭀᬲᬾᬦᬾᬦᬾᬚᬦᬶ᭞
ᬬᬦ᭄ᬤᬶᬳᬶᬥᭂᬧ᭄ᬩᬧ᭞ᬧᬘᬂᬗᬤᬬᬂᬲᬸᬭᬢ᭄᭞ᬭᬶᬂᬭᬳᬲᬶᬳᬦ᭄ᬲᬫᬶ᭞ᬯᬢᭂᬓᬧᬮᬦ᭄᭞ᬓᬸᬫ᭄ᬧᭂᬦᬶᬲᬦᬾᬤᬶᬦᬶ᭟ᬫᬗ᭄ᬤᬦᬾᬲᬫᬶᬳᬾᬮᬶᬂᬫᬳᬲᬶᬳᬦ᭄᭞ᬜᬧᬶᬄᬓᬮᬶᬦᬾᬚᬦᬶ᭞ᬦᬾᬦᬾᬲᬸᬩᬲᬸᬩᬬᬂ᭞ᬢᬶ
[᭖᭐60A]
ᬗ᭄ᬓᬳᬶᬂᬤᬤᬶᬢᬸᬓᬃ᭞ᬗ᭄ᬳᬶᬂᬳᬩᭂᬲᬶᬓ᭄ᬧᬶᬓᬸᬓᬸᬳᬶᬦ᭄᭞ᬫᬤᬦ᭄ᬫᬫᬜ᭄ᬚᬓ᭄᭞ᬳᬮᬳᬸᬘᬧᬶᬂᬪᬸᬫᬶ᭟ᬓᬮᬶᬄᬤᬓᬾᬳᬧᬂᬕᭂᬮᬶᬲ᭄ᬗᬸᬦᬶᬗᬬᬂ᭞ᬭᬯᭀᬲᬾᬮᬪᬝᬵᬯᬶ᭞ᬩᬧᬲᬸᬓᬧᬶᬲᬦ᭄᭞ᬫᬢᬶᬦ᭄ᬤᬶᬄᬧᬲᭀᬪᬬ᭞ᬩᬸᬓ᭠
ᬓᭀᬦ᭄ᬢ᭄ᬭᬓᬾᬦᬾᬗᬹᬦᬶ᭞ᬓᬾᬢᭀᬓᭂᬦᭂᬳᬂ᭞ᬲᬓᬮᬂᬳᭂᬦᬸᬩᭂᬘᬶᬓ᭄᭟ᬦᬾᬤᬶᬘᬓᬺᬳᬧᬂᬳᭂᬤᬫᬶ᭠ᬮᬸᬭᬸᬲᬓ᭄᭞ᬤᬾᬰᬜ᭄ᬘᬳᬶᬦᬾᬤᬶᬦᬶ᭞ᬧᬺᬫᬾᬦᬓ᭄ᬧᬸᬗ᭄ᬕᬯ᭞ᬓᬾᬫ᭄ᬧᭂᬃᬲᬫᬶᬫ᭄ᬗᬯᭀᬲᬂ᭞ᬯᬘᬦᬦᬾᬤᬸᬭᬸᬗ᭄ᬕᬶ᭠
ᬮᬶᬲ᭄᭞ᬭᬹᬧᬢᬦ᭄ᬩᬾᬩᬲ᭄᭞ᬳᬶᬢᬸᬯᬦ᭄ᬫᬦ᭄ᬤᬕᬶᬗᬶᬦ᭄᭟ᬲᬳᬸᬃᬫᬦᬸᬓ᭄ᬳᬢᬹᬭᬾᬓᬾᬗᬶᬦ᭄ᬫᬜᭂᬦ᭄ᬤᭂᬢᬂ᭞ᬭᬢᬸᬯ᭄ᬯᬵᬕᬸᬂᬳᬶᬗ᭄ᬕᬶᬄ᭞ᬢᬶᬢᬶᬕᬂᬫᬜᬸᬳᬸᬦᬂ᭞ᬢᬶᬢᬄᬳᬶᬤᬪᬝᬵᬭ᭞ᬭᬾᬄᬩᭀᬬᬤᬤᭀᬲ᭄ᬳᬶᬯ᭠
ᬗᬶᬦ᭄᭞ᬲᬸᬩᬳᬲᬸᬩ᭞ᬚᬃᬫ᭄ᬫᬶᬦᬾᬲᬦᬾᬭᬶᬳᬶᬦ᭄᭟ᬅᬦᬓ᭄ᬅᬕᬸᬂᬗᬸᬭᬄᬫᬮᬶᬄᬫᬯᬘᬦ᭞ᬦᬄᬓᬾᬢᭀᬲᬸᬩᬧᬲ᭄ᬢᬶ᭞ᬳᬶᬥᭂᬧ᭄ᬘᬳᬶᬧᬥ᭞ᬩᬧᬲᬸᬓᬦᬸᬳᬸᬢᬂ᭞ᬳᬮᬳᬬᬸᬩᬳᬜ᭄ᬘᬳᬶ᭞ᬦᬓ᭄ᬅᬕᬸᬂ᭠
Page:Bali-lontar-gaguritan-rusak-sasak-01-300ppi.pdf/60
This page has been proofread.
