[᭕᭗57B]
᭕᭗
ᬧᬸᬘᬸᬓ᭄ᬜᬦᬾᬗᭂᬦᬄ᭞ᬦᬾᬫᭀᬗ᭄ᬓᭀᬮᬶᬦ᭄ᬓᬸᬤᬂᬢᬮᬶ᭞ᬤᬶᬢᬸᬫᬮᬶᬗ᭄ᬕ᭞ᬳᬶᬢᬸᬯᬦ᭄ᬋᬤᬾᬦ᭄ᬓᬮᬶᬄ᭟ᬢᬸᬯᬦ᭄ᬚᬾᬦ᭄ᬤ᭄ᬭᬮ᭄ᬲᬫᬶᬗᬸᬢᬸᬲ᭄ᬫᬗᬮᬳᬂ᭞ᬲᬶᬓᭂᬧ᭄ᬦᬕᬭᬓᬾᬗᬶᬦ᭄᭞ᬲᬫ᭄ᬩᭂᬄᬫᬩᬶᬬᬬᬸᬳᬦ᭄᭞ᬳᬓᬸᬤᬂᬤᬰ᭠
ᬜᭂᬫ᭄ᬧᬂ᭞ᬲᬶᬂᬢᬶᬍᬄᬘ᭄ᬭᬶᬦᬶᬢ᭄ᬫᬮᬳᬶᬩ᭄᭞ᬫᬫ᭄ᬩᭂᬦᭂᬄᬓᬚ᭞ᬗ᭄ᬕᬸᬩᬸᬕ᭄ᬢᬸᬳᬭᬫᬦᭀᬮᬶᬄ᭟ᬓᬢᬳᬸ᭠ᬕ᭄ᬲᬶᬓᭂᬧᬾᬲᬦᬾᬤᬶᬢᭂᬗᬄ᭞ᬦᬾᬫᬋᬧ᭄ᬓᬳᬸᬄᬗ᭄ᬕᬶᬮᬶᬲ᭄᭞ᬢᬸᬢᬶᬂᬮᬶᬗ᭄ᬕᬶᬄᬳᬶᬤ᭞ᬳᬸᬦ᭄ᬢᬢ᭄ᬚᬮᬚᬦᬩ᭄ᬭᬂ᭞ᬓᬢᬸᬭᬸ᭠
ᬢ᭄ᬓᬸᬚᬦᬶᬦ᭄ᬫᬶᬫᬶᬲ᭄᭞ᬩᬾᬘᬾᬓ᭄ᬗᭂᬘᬕᬂ᭞ᬩᬗ᭄ᬓᬾᬓᬮᬳᬶᬦ᭄ᬤᭂᬭᬶᬢ᭄᭟ᬲᬹᬭᬤᬥᬸᬦᬾᬲᬫ᭄ᬧᬸᬦ᭄ᬫᬗᬭᬜ᭄ᬚᬶᬂᬕᭂᬮᬃ᭞ᬳᬤᬗᬋᬧᬶᬦ᭄ᬓᬗᬶᬦ᭄᭞ᬳᬤᬩᭂᬦᭂᬄᬓᬚ᭞ᬜᬮᬸᬓ᭄ᬲᬸᬓ᭄ᬚ᭄ᬭᭀᬦᬶᬂᬓᬭᬂ᭞ᬉᬩ᭄ᬭᬸᬲ᭄ᬓᬧ᭄ᬢᬾᬦ᭄ᬫᬗᬾᬦ᭄ᬢᭂᬭᬶᬦ᭄᭞
ᬦᬸᬗ᭄ᬓᭂᬤ᭄ᬓᬫᬃᬕ᭄ᬕ᭞ᬅᬕᬸᬗᬾᬫᬋᬧ᭄ᬓᬗᬶᬦ᭄᭟ᬫᬮᬶᬄᬲᬦᬾᬤᭂᬮᭀᬤ᭄ᬤᬳᬸᬄᬩᭀᬕᭀᬃᬲᬸᬩ᭞ᬫᬫ᭄ᬩᭂᬤᬶᬮ᭄ᬫᬜᬫ᭄ᬧᬶᬗᬶᬦ᭄᭞ᬧᬫᬢᬶᬂᬦᬕᬭ᭞ᬦᬾᬫᬋᬧ᭄ᬓᭂᬮᭀᬤ᭄ᬕᬾᬯᬃ᭞ᬢᬦ᭄ᬯᬶᬦᬶᬮᬂᬳᬓᬾᬄᬫᬢᬶ᭞ᬦᬾᬲᬸᬩᬥᬶᬭ᭞
[᭕᭘58A]
ᬤᬶᬢᬸᬫᬗᬫᬹᬓ᭄ᬕᬶᬧᬶᬄ᭟ᬮᭀᬂᬮᬶᬦᭀᬗᬦ᭄ᬲᬹᬭᬤᬥᬹᬫᬶᬯᬄᬭᭀᬯᬂ᭞ᬓᬸᬫᭂᬦ᭄ᬤᬦ᭄ᬤᬶᬢᬸᬫᬢᬶ᭞ᬳᬸᬦ᭄ᬢᬢ᭄ᬅᬫ᭄ᬮᬧᬸᬭᬵ᭞ᬳᬶᬭᬶᬓᬫᬓᬮᬶᬗ᭄ᬕ᭞ᬫᬗᬤᬸᬲᬶᬓᭂᬧ᭄ᬦᬕᬭᬶ᭞ᬦ᭄ᬤᬤᬓᬂᬳᬤ᭞ᬕᬶᬧᬶᬄᬫᬢᬹᬃᬳᬸᬦᬶᬂ᭞ᬳᬦ᭄ᬢᬸᬓ᭄
ᬲᬢ᭄ᬭᬸᬲᬸᬭᬤᬥᬹᬲᬫ᭄ᬧᬸᬦ᭄ᬩᬾᬩᬲ᭄᭞ᬓᬸᬝᬵᬓᬳᬸᬄᬓᬕᬶᬲᬶ᭞ᬤᬶᬢᬸᬭᬭᬶᬲ᭄ᬳᬶᬤ᭞ᬩᬸᬤᬮᬾᬕᬕᬗ᭄ᬲᬭᬦ᭄᭞ᬧᬓᬬᬸᬦᬦ᭄ᬫᬋᬩᬸᬢᬶᬦ᭄᭞ᬤᬶᬓᬭᬂᬍᬩᬄ᭞ᬢᭀᬗᭀᬲ᭄ᬫᬳᬫᬹᬓ᭄ᬕᬶᬲᬶ᭞ᬳᬧᬦ᭄ᬳᭂᬦ᭄ᬢᭀᬦᭂᬧᬶᬓᬳᬸᬄ᭠
ᬚ᭄ᬭᭀᬦᬶᬂᬓᬸᬝᬵ᭞ᬩᬸᬭᬳᬸᬳᬾᬤᬶᬧᬸᬭᬶ᭞ᬭᬭᬶᬲ᭄ᬫᬗᬸᬢᬸᬲᬂ᭞ᬲᬶᬓᭂᬧᬾᬲᬓᬶᬂᬘᬓᬺ᭞ᬫᭂᬦ᭄ᬤᬓ᭄ᬦᬾᬓ᭠ᬳᬸᬄᬓᬾᬗᬶᬦ᭄᭞ᬲ᭄ᬭᬦ᭄ᬢᬫᬚᬮᬦ᭄᭞ᬦᬾᬓᭂᬮᭀᬤ᭄ᬳᬸᬘᬧ᭄ᬫᬮᬶᬄ᭟ᬲᬹᬭᬤᬥᬹᬢᬸᬳᬭᬧᭂᬕᬢ᭄ᬧᭂᬕᬢ᭄ᬦᬺᬚ᭠
ᬓ᭄᭞ᬳᬸᬓᬸᬤᬂᬳᬶᬧᬸᬦ᭄ᬫᬢᬶ᭞ᬲᬶᬓᭂᬧ᭄ᬤᬶᬦᬕᬭ᭞ᬫᬗ᭄ᬓᬶᬦ᭄ᬓᬸᬘᬶᬯᬢᬥᬄ᭞ᬲᬓᬶᬂᬓᭂᬮᭀᬤ᭄ᬓᬳᬸᬄᬫ᭄ᬩᭂᬤᬶ᭠ᬮ᭄᭞ᬓᬸᬫ᭄ᬧᭂᬦᬶᬗᬸᬮᬄ᭞ᬜᭂᬄᬲᭂᬄᬢᬸᬳᬭᬕᬶᬕᬶᬲᬶᬦ᭄᭟ᬓᬮᬶᬄᬓᬧᬫᬢᬶᬗᬾᬧᬥᬗᬄᬗᬄ᭞ᬕᬮᬓᬾᬳᭀ
Page:Bali-lontar-gaguritan-rusak-sasak-01-300ppi.pdf/58
This page has been proofread.
