[᭕᭔54B]
᭕᭔
ᬦ᭄᭟ᬧᬕᭂᬲᬗᬦ᭄ᬢᬹᬃᬓᬳᬾᬦ᭄ᬢᭂᬃᬩᬦ᭄ᬓᬧᬮᬵ᭞ᬳᬓᬸᬤᬂᬧᭀᬳᭀᬲ᭄ᬢᬶᬦ᭄ᬤᬶᬄ᭞ᬗᬶᬭᬶᬂᬧᬓᬬᬸᬦᬦ᭄᭞ᬲᭀᬢᬦᬶᬂᬚᬢᬶᬲᬶᬭ᭞ᬯᬾᬃᬩᬾᬢ᭄ᬧᬹᬭᬸ᭠ᬱᬭᬶᬂᬚᬸᬭᬶᬢ᭄᭞ᬯᬺᬥᬾᬂᬧᬧ᭄ᬭᬗᬦ᭄᭞ᬢᬸᬳᬭᬦᭀᬮᬶᬄᬓᬳᬸᬭᬶ᭟᭚᭜᭚
᭚ᬧᬸᬧᬸᬄ᭞᭑᭐᭞ᬧᬗ᭄ᬓᬸᬃ᭚ᬦᬾᬫᬗ᭄ᬓᬶᬦ᭄ᬫᬮᬶᬄᬘᬭᬶᬢ᭞ᬩᬮᬾᬃᬕᬸᬦᬸᬂᬢᬜ᭄ᬚᬸᬂᬫᬫᭂᬤᬳᬂᬕᬶᬧᬶᬄ᭞ᬕᬫᬢᬶᬃᬢ᭄ᬢᬯᬾᬦ᭄ᬢᭂᬦ᭄ᬤᬶᬢᬸ᭞ᬗ᭄ᬳᬶᬂᬓᬶᬜ᭄ᬘᬶᬢ᭄ᬧᬯᬶᬮᬗᬦ᭄᭞ᬬᬾᬦᬶᬂᬢᬓ᭄ᬱᬶᬃᬯᬾᬦ᭄ᬢᭂᬦ᭄ᬳᬗᬦ᭄ᬢᬶᬕᬗᬢᬸᬲ᭄᭞ᬮᬦᬂᬳᬶᬲ᭄ᬢ᭄ᬭᬶᬮᬶᬗ᭄ᬲᬶᬃᬳᬦ᭄ᬯᬫ᭄᭞
ᬦᬾᬓᬮᬶᬄᬤᬾᬰᬗ᭄ᬕᭂᬦᬳᬶᬦ᭄᭟ᬩᬮᬶᬯᬾᬱ᭄ᬬᬧᬭᬲᬗ᭄ᬳ᭄ᬬᬂ᭞ᬫᬶᬦᬓᬤᬶᬩ᭄ᬭᬳ᭄ᬫᬦᬭᬶᬂᬲᬸᬮᬶᬗ᭄ᬕᬶᬄ᭞ᬫᬩᬶ᭠ᬬᬸᬭᬦ᭄ᬓᬳᭀᬢᬕ᭄ᬳᬦ᭄ᬢᬸᬓ᭄᭞ᬚᬋᬦᬢ᭄ᬲᬓᬶᬂᬓᬧᬮ᭄᭞ᬧᭂᬄᬦᬶᬂᬓᬬᬸᬦ᭄ᬰ᭄ᬭᬶᬧᬤᬸᬓᬢᬸᬯᬦ᭄ᬗᬸᬢᬸᬲ᭄᭞ᬫᬳᬯ
ᬦᬦ᭄ᬮᬭᬶᬲ᭄ᬩᬾᬩᬲ᭄᭞ᬫᬫᭂᬦᬂᬢᬜ᭄ᬚᬗᬾᬮᬶᬮᬶᬄ᭟ᬕᬸᬩᬸᬕ᭄ᬕᬸᬩᬸᬕ᭄ᬲᭂᬂᬧᬺᬢᬦ᭄᭞ᬤᬤᬶᬳᬯᬸᬲᬶᬮᬧᬶᬦ᭄ᬚᬺᬦᬢ᭄ᬲᬓ᭄ᬢᬶ᭞ᬮᬸᬤᬶᬦ᭄ᬲᭀᬭᭀᬄᬲᭂᬮᬫ᭄ᬲᬫ᭄ᬧᬸᬦ᭄᭞ᬓᬋᬧᬾᬩᬦᬶᬘᭀᬗᬄ᭞ᬓᬦᬕᬭᬤᬾᬦᬶᬂᬧᬸ᭠
[᭕᭕55A]
ᬗ᭄ᬕᬯᬦᬾᬤᬶᬢᬸ᭞ᬓᬳᬶᬭᬶᬂᬮᭀᬮᭀᬲ᭄ᬫᬗᬮᬲ᭞ᬍᬫᭂᬂᬍᬫᬄᬦᬾᬫᬫᬃᬕ᭄ᬕᬶ᭟ᬫᭂᬗ᭄ᬕᭂᬮ᭄ᬕᬸᬦᬸᬂᬩᬸᬓᬶ᭠ᬢ᭄ᬢᭂᬕᬮ᭄᭞ᬧᬕᬭᬾᬦᭀᬓ᭄ᬳᬤᬫᬜᬸᬳᬸᬦ᭄ᬜᬗ᭄ᬓᬶᬮ᭄᭞ᬳᬤᬦᭂᬕᭂᬦ᭄ᬓᬩᭂᬢ᭄ᬓᬶᬓᬸᬓ᭄᭞ᬫᬧᭀᬳᭀᬢ᭄ᬦᭂᬕᭂᬦ᭄ᬳᬃᬢ᭄ᬢ᭞
ᬳᬤᬜᬶᬗᬮ᭄ᬳᬤᬜᬸᬗ᭄ᬕᬶᬧᬦᬓ᭄ᬘᬸᬘᬸ᭞ᬧᬓᬭᬾᬬᬓ᭄ᬩᬶᬮᬂᬚᬮᬦ᭄᭞ᬗᭂᬮᬶᬂᬧᬥᬦᬕᬶᬄᬦᬲᬶ᭟ᬫᬾᬫᬾᬩᬧᬦᬾᬓᬮᬶᬦ᭄ᬢᬂ᭞ᬓᬓᬶᬤᬤᭀᬂᬫᬫ᭄ᬭᬕᬢᬂᬩᬦ᭄ᬲᭂᬤᬶᬄ᭞ᬦᬗ᭄ᬳᬶᬂᬯᬾᬦ᭄ᬢᭂᬦ᭄ᬢᭀᬬᬦ᭄ᬳᭂᬩᬸᬦ᭄᭞ᬓ
ᬳᬗ᭄ᬕᬾᬫᬦᬸᬗ᭄ᬓᬸᬮᬂ᭞ᬘᭂᬦᬶᬂᬘᭂᬦᬶᬂᬗ᭄ᬳᬶᬩᬲᬗᬾᬓᬭᬶᬓᭂᬩᬸᬲ᭄᭞ᬩᬦᬾᬢᬸᬳᬭᬫ᭄ᬩᬳᬦ᭄ᬗᬫᬄ᭞ᬘᭂᬦ᭄ᬤᭂᬢᬂᬲᬢᬸᬳᬦᬾᬫᬗ᭄ᬓᬶᬦ᭄᭟ᬲᬫ᭄ᬧᬸᬦ᭄ᬦᬧᬓ᭄ᬭᬶᬂᬦᬕᬭ᭞ᬢᬹᬃᬓᬢᬹᬃᬭᬶᬂᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭞ᬫᬯᬸᬯᬸᬄ
ᬓᭀᬩᭂᬢ᭄ᬭᬶᬂᬓᬬᬸᬦ᭄᭞ᬚᬦ᭄ᬢᭂᬦ᭄ᬲᭀᬭᭀᬄᬧᬤᬲᬦ᭄᭞ᬤᭂᬮᭀᬤ᭄ᬓᬸᬲᬸᬓ᭄ᬫᬜᬋᬗᬶᬦ᭄ᬩᬮᬾᬕᬸᬦᬸᬂ᭞ᬓᬦᬕᬭᬚᬢᬶᬧᬧᬂ᭞ᬦᬾᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭟ᬲᬲᭀᬭᭀᬳᬦ᭄ᬫᬸᬲᬸᬄᬲᭂᬮᬫ᭄᭞ᬤᬗᬶᬦ᭄᭠
Page:Bali-lontar-gaguritan-rusak-sasak-01-300ppi.pdf/55
This page has been proofread.
