[᭕᭕55B]
᭕᭕
ᬚᬸᬭᬶᬂᬢᬦ᭄ᬫᬋᬦ᭄ᬫᬗᬫ᭄ᬩᬶᬳᬭᬶᬦ᭄᭞ᬓᭂᬮᭀᬤ᭄ᬓᬗᬶᬦ᭄ᬮᬶᬦ᭄ᬢᬂᬓᬸᬓᬸᬄ᭞ᬲᬶᬓᭂᬧᬾᬭᬶᬂᬦᬕᬭ᭞ᬢᬹᬃᬫᬯᬦᬦ᭄ᬤᬾᬰᬩᭂᬗ᭄ᬓᭂᬮᬾᬓᬲᭂᬤᬸᬢ᭄᭞ᬩᬕᬾᬫᬦᬶᬲ᭄ᬓᬮᬶᬄᬤᭂᬳᬵ᭞ᬭᬾᬄᬢᬶᬦᬹᬢ᭄ᬓᬤᬗᬶᬦ᭄ᬚᬸᬭᬂ᭟ᬦᬾ
ᬫᬗ᭄ᬓᬶᬦ᭄ᬚᬕ᭄ᬚᬕᬂᬜ᭄ᬭᬶᬢ᭞ᬓᬸᬝᬵᬘᬓᬺᬫᬢᬭᬫ᭄ᬓᬳᬶᬤᭂᬭᬶᬦ᭄᭞ᬳᬦ᭄ᬢᬸᬓ᭄ᬲᬢ᭄ᬭᬸᬲᬫᬶᬗᬸᬘᬸᬃ᭞ᬬ᭠ᬦᬶᬂᬲᭀᬭᭀᬳᬦ᭄ᬲᭂᬮᬫ᭄᭞ᬲᬘᬶᬢᬜᬲᬶᬓᭂᬧ᭄ᬦᬕᬭᬦᬾᬫᬕᬸᬢ᭄᭞ᬤᬶᬳᬧᬶᬦ᭄ᬓᭂᬝᬶᬓᭂᬝᬶᬳᬦ᭄᭞ᬲ
ᬮᬶᬂᬧᬳᭂᬢ᭄ᬓᬢᬶᬫ᭄ᬧᬮᬶᬦ᭄᭟ᬲᬮᬶᬂᬳᬶᬦ᭄ᬢᬸᬓ᭄ᬲᬮᬶᬂᬘᬓ᭄ᬘᬓ᭄᭞ᬧᬾᬢ᭄ᬯᬶᬦ᭄ᬤᬸᬳᬦ᭄ᬢᭀᬂᬤᬸᬕᬧᬘᬂᬗᬸ᭠ᬜ᭄ᬘᬶᬃ᭞ᬗᭂᬦ᭄ᬤᭀᬦ᭄ᬓᬳᭂᬦ᭄ᬤᭀᬦᬶᬦ᭄ᬧᬸᬧᬸᬢ᭄᭞ᬅᬦᬓ᭄ᬅᬕᬸᬂᬜᬤ᭄ᬬᬬᬂ᭞ᬲᬘᬶᬢᬜᬩᬗᭀᬬᭀᬗᬦ᭄᭞ᬫᬫ᭄ᬩᭂ᭠
ᬓ᭄ᬩᬶᬚᬸᬕ᭄᭞ᬗ᭄ᬕᬶᬂᬳᬋᬧᬾᬭᬶᬂᬳᬶᬢᬸᬯᬦ᭄᭞ᬧ᭄ᬭᬲᬶᬤᬢᬗ᭄ᬓᭂᬩᬶᬦ᭄ᬮᬗᬶᬢ᭄᭟ᬧᬾᬢ᭄ᬫᬕᬾᬕᬲ᭄ᬳᬢ᭄ᬭᬚᬗᬦ᭄᭞ᬩᬸᬫᬢᬳᬃᬜ᭄ᬚᬍᬫᬾᬄᬧᭂᬤᬲ᭄ᬗᭂᬜ᭄ᬘᬶᬂ᭞ᬬᬦ᭄ᬧᬓ᭄ᬱᬩᬦᬶᬫᬗᬫᬹᬓ᭄᭞ᬢᬸᬢᬶᬂᬢᬸᬮᬗᬾᬕᭂᬜ᭠
[᭕᭖56A]
ᬕ᭄᭞ᬳᬸᬧᬫᬜᬩᬸᬓᬳᬾᬫᭂᬂᬧᬗ᭄ᬓᬄᬫᬕᬸᬢ᭄᭞ᬓᬰᬓ᭄ᬢᬾᬦ᭄ᬳᬶᬩᬸᬭᭀᬦ᭄ᬲᬶᬗ᭄ᬳᬵ᭞ᬳᬘᬶᬧ᭄ᬮᬓᬦ᭄ᬧᬺᬢᬓ᭄ᬲᭂᬮᬶᬂ᭟ᬕᬕᬗ᭄ᬲᬭᬦ᭄ᬜᬫ᭄ᬩᬸᬢᬂᬲᬢᬸᬯ᭞ᬤᬶᬫᬢᬭᬫ᭄ᬫᬗ᭄ᬓᬶᬦ᭄ᬫᬮᬶᬄᬯᬯᬦᬶᬦ᭄᭞ᬳᬸᬦ᭄ᬢᬢ᭄ᬅᬫ᭄ᬮ
ᬧᬸᬭᬵᬕᬸᬧᬸᬄ᭞ᬍᬫᭂᬂᬍᬫᬄᬓᬸᬚᬦᬦ᭄᭞ᬩᬜ᭄ᬚᬋᬦᬢ᭄ᬲᬓᬶᬂᬓᭂᬮᭀᬤ᭄ᬓᬳᬸᬄᬗᭂᬜ᭄ᬘᬸᬃ᭞ᬫᬢᬶᬫ᭄ᬩᬮᬦ᭄ᬢᬸᬳᬭᬧᭂᬕᬢ᭄᭞ᬧᬕᬫᭂᬮ᭄ᬳᬶᬢᬸᬯᬦ᭄ᬓᬮᬶᬄ᭟ᬤᬰᬦ᭄ᬅᬕᬸᬂᬧᬕᭂᬲᬗᬦ᭄᭞ᬫᬜᬓᬶᬢᬶᬦ᭄ᬫᬢᬭ
ᬫ᭄ᬳᬸᬮᬄᬢᬶᬕ᭄ᬢᬶᬕ᭄᭞ᬭᬸᬲᬓᬾᬳᬓᬾᬄᬫᬗᭂᬮᬸᬂ᭞ᬲᬶᬕᬃᬳᬦ᭄ᬢᬸᬓ᭄ᬚᬋᬦᬢ᭄᭞ᬭᬕᬤᬾᬯᬓ᭄ᬫᬓᬤᬶᬗᬗᭀᬩᬂᬓᬬᬸᬦ᭄᭞ᬩᬮᬾᬩᬮᬾᬳᬓᬾᬄᬭᬸᬕ᭄ᬭᬕ᭄᭞ᬋᬩᬄᬭᬸᬩᬸᬄᬓᬢᬶᬩᬦᬶᬦ᭄᭟ᬚᬋᬦᬢ᭄ᬓᬤᬶᬓᬸ᭠
ᬲ᭄ᬓᬸᬲᬦ᭄᭞ᬓᬮᬶᬄᬯᬾᬦ᭄ᬢᭂᬦ᭄ᬫᬗᭀᬩᭀᬃᬓᬤᬶᬕᭂᬦᬶ᭞ᬫᬗ᭄ᬕᭂᬲᭂᬂᬭᬶᬂᬧᬸᬭᬶᬅᬕᬸᬂ᭞ᬲᭂᬫᬮᬶᬄᬭᬶᬂᬚᬩ᭠ᬬᬦ᭄᭞ᬓᬭᬂᬓᬭᬂᬤᬾᬰᬦᬾᬲᬸᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬧᭂᬢᭂᬗᬳᬦ᭄ᬓᬭᬶᬜᬗ᭄ᬕ᭄ᬭ᭞ᬭᬶᬂᬫᬢᬭ᭞ᬫᬗᬸᬓᬸᬳᬶᬦ᭄᭟
Page:Bali-lontar-gaguritan-rusak-sasak-01-300ppi.pdf/56
This page has been proofread.
