[᭕᭓53B]
᭕᭓
ᬅᬕᬸᬂᬗᬸᬭᬄ᭞ᬗᬸᬢᬸᬲᬂᬩᬢᬸᬩᬢ᭞ᬲᭀᬭᭀᬄᬦᬾᬜᬫ᭄ᬩᬢ᭄ᬧᬗᬯᬶᬦ᭄᭞ᬫᬓᬤᬶᬫᬫᬲ᭄᭞ᬩ᭠ᬩᬭᬸᬫᬦᬗ᭄ᬕᬮᬶᬦ᭄᭟ᬲ᭄ᬭᬶᬬᬓ᭄ᬲ᭄ᬭᬶᬬᬸᬓ᭄ᬫᬸᬜᬶᬦ᭄ᬩᭂᬤᬶᬮ᭄ᬫᬢᬶᬫ᭄ᬩᬮᬦ᭄᭞ᬧᬶᬦᭂᬄᬮᬶᬗ᭄ᬲᬶᬃᬳ᭄ᬬᬭᬯᬶ᭞ᬢᬸᬳᬭᬤᬭᬾᬭᬾ
ᬦᬦ᭄᭞ᬲᬶᬳᬢᬾᬧᬥᬥᬶᬭ᭞ᬢᬸᬯᬦ᭄ᬚᬾᬦ᭄ᬤ᭄ᬭᬮ᭄ᬫᬗ᭄ᬓᬶᬦ᭄ᬫᬮᬶᬄ᭞ᬗᬸᬢᬸᬲ᭄ᬗᬸᬮᬳᬂ᭞ᬳᬶᬲᬸᬭᬤᬥᬹᬫ᭄ᬩᭂᬤᬶᬮ᭄᭟ᬢᬹᬃᬓᬳᬾᬦ᭄ᬢᭂᬃᬩᬳᬦ᭄ᬲᭀᬭᭀᬄᬢᭂᬕᬓᬦ᭄᭞ᬚᬭᬦ᭄ᬫᬲᬶᬓᭂᬧ᭄ᬩᭂᬤᬶᬮ᭄᭞ᬓᬭᭀᬭᬶᬂᬓᬮᬾᬯᬂ᭞
ᬉᬩ᭄ᬭᬸᬲ᭄ᬓᬧ᭄ᬢᬾᬦ᭄ᬧᬕᬤᬄ᭞ᬮᬾᬢ᭄ᬦᬦ᭄ᬓᬸᬫᬦ᭄ᬤᬦ᭄ᬧᬤᭂᬗ᭄ᬓᬶᬓ᭄᭞ᬕᭀᬗ᭄ᬲᭀᬃᬗᬋᬧᬂ᭞ᬢᬸᬳᬭᬫ᭠ᬗᬶᬢᬸᬂᬫᬢᬶ᭟ᬫᬳᬸᬲᬸᬗᬦ᭄ᬳᬤᬮᬚᬸᬦ᭄ᬤᭂᬲᭂᬓ᭄ᬚᭂᬩᬕ᭄᭞ᬓᬢᬸᬫ᭄ᬩᬓ᭄ᬫᬜᬸᬗ᭄ᬓᬶᬮᬶᬂ᭞ᬳᬤᬚᬚᭀᬢᭀᬗᬦ᭄᭞ᬗᬸ
ᬮᬄᬦᬕᬓᬶᬦ᭄ᬚᬭᬦ᭄᭞ᬦ᭄ᬤᭂᬲᭂᬓᬶᬦ᭄ᬓᬶᬓᬶᬲ᭄ᬫᬫ᭄ᬩᭂᬤᬶᬮ᭄᭞ᬳᬤᬗᬸᬭᬾᬧᬓ᭄᭞ᬫᬧᬲᬂᬳᭂᬚᬦ᭄ᬕᬶᬧᬶᬄ᭟ᬢᬶᬢᬶᬃᬫ᭄ᬩᭂᬤᬶᬮ᭄ᬢᬸᬳᬭᬢᬓᬸᬢ᭄ᬢᭂᬓᬾᬦ᭄ᬢᬸᬫ᭄ᬩᬓ᭄᭞ᬳᬤᬫᭂᬦᬾᬓᬶᬦ᭄ᬓᬶᬓᬶᬲ᭄᭞ᬜᬩᬢ᭄ᬩᬜ᭄ᬚᭂᬋᬦᬢ᭄᭞
[᭕᭔54A]
ᬫᬓᭂᬧ᭄ᬮᬕ᭄ᬲᬫ᭄ᬩᭂᬄᬩᬸᬬᬃ᭞ᬲᬶᬓᭂᬧ᭄ᬦᬕᬭᬦᬾᬤᬤᬶ᭞ᬲᬫ᭄ᬩᭂᬦ᭄ᬫᬩᬶᬬᬸᬭᬦ᭄᭞ᬳᬓᬾᬄᬫᬢᬢᬸᬫᬢᬶ᭟ᬳᬤᬗᬫᬹᬓ᭄ᬤᬶᬧᬲᬭᬾᬫᬩᬶᬬᭀᬬᭀᬗᬦ᭄᭞ᬩᬩᬭᬸᬫᬫᬲ᭄ᬫᬮᬶᬄ᭞ᬲᬶᬓᭂᬧᬾᬕᭂᬩᭀᬕᬦ᭄᭞ᬲᬶᬂᬧᭂᬲᬸᬢᬸᬳᬭᬢᬸ
ᬮᬓ᭄᭞ᬧᬗ᭄ᬮᬶᬗ᭄ᬲᬶᬃᬤᬶᬢᬸᬗᭂᬫᬲᬶᬦ᭄᭞ᬳᬸᬦ᭄ᬢᬢ᭄ᬧᬹᬭᬸᬱ᭞ᬢᬸᬳᬸᬲᬹᬭᬭᬶᬂᬚᬸᬭᬶᬢ᭄᭟ᬢᬹᬃᬭᬸᬲᬓᬾᬲᬶ᭠ᬤᬫᬸᬧᬸᬢᬂᬍᬓᬲ᭄᭞ᬗᬗ᭄ᬕᬾᬥᬃᬫ᭄ᬫᬓᬧᬢᬶᬦ᭄᭞ᬯᬭᬳᬶᬂᬧᬵᬡ᭄ᬥᬶᬢ᭞ᬤᬦᬾᬫᬸᬮᬫᬰᬲ᭄ᬢ᭄ᬭ᭞ᬫᬧᭂᬦᬶᬗᬦ᭄ᬲᬳᬶᬲᬳᬶ᭞
ᬧᭂᬧᭂᬤ᭄ᬜᬾᬯᬓᬵ᭞ᬭᬶᬂᬧ᭄ᬭᬡ᭄ᬥᬵᬯᬶᬪᬹᬄᬳᬚᬶ᭞ᬫᬗ᭄ᬓᬶᬦ᭄ᬗᬄᬗᬄᬕᬮᬓ᭄ᬲᬶᬓᭂᬧᬾᬤᬶᬤᬾᬰ᭞ᬓᬧᭀᬩᬜ᭄ᬘᭂᬮᬂᬭᬶᬭᬶᬄ᭞ᬦᬾᬫᬗᬩᬶᬄᬳᬶᬤ᭞ᬅᬦᬓ᭄ᬅᬕᬸᬂᬗᬸᬭᬄᬳᬾᬗ᭄ᬕᬮ᭄᭞ᬚᬸᬭᬸᬧᬶᬓᬸᬮᬾᬯᬗ᭄ᬲᬶᬢᬶᬦ᭄᭞ᬳᬾᬗ᭄ᬕᬮ᭄ᬗᬶᬍᬲᬂ᭞ᬅ
ᬦᬓᬾᬅᬕᬸᬂᬮᬶᬗ᭄ᬲᬶᬃ᭟ᬤᬶᬢᬸᬩ᭄ᬭᬶᬬᬸᬓ᭄ᬲᬶᬓᭂᬧᬾᬩᭂᬮᬶᬢ᭄ᬗᬗᬶᬦᬂ᭞ᬓᬘᬓᬺᬧᬥᬗᬸᬗ᭄ᬲᬶ᭞ᬢᬦ᭄ᬓᭀᬘᬧ᭄ᬤᬶᬚᬮᬦ᭄᭞ᬳᬶᬢᬸᬯᬦ᭄ᬋᬱᬶᬤᬾᬦ᭄ᬳᬸᬘᬧ᭄᭞ᬓᬮᬶᬄᬚᬾᬦ᭄ᬤ᭄ᬭᬮ᭄ᬲᬫ᭄ᬧᬸᬦ᭄ᬧᬲ᭄ᬢᬶ᭞ᬯᬾᬦ᭄ᬢᭂᬦ᭄ᬗᬸᬢᬸᬲᬂ᭞ᬲᬹᬭᬤᬥᬹᬗ᭄ᬕᭂᬦᬳᬶ᭠
Page:Bali-lontar-gaguritan-rusak-sasak-01-300ppi.pdf/54
This page has been proofread.
