[᭕᭒52B]
᭕᭒
ᬦ᭄ᬢᬾᬬᬦ᭄ᬤᬶᬢᬸᬕᬶᬧᬶᬄ᭞ᬕᬗ᭄ᬲᬃᬫᬜ᭄ᬚᭂᬫᬓ᭄᭞ᬳᬲᬶᬂᬫᬢᬢᬸᬫᬢᬶ᭟ᬫᬾᬄᬲᬢᬓᬦ᭄ᬢᬸᬳᬭ᭠ᬫᬸᬦ᭄ᬤᬸᬃᬫᬗᬸᬮᬳᬂ᭞ᬳᬶᬲᬹᬃᬤᬥᬹᬫ᭄ᬩᭂᬤᬶᬮ᭄᭞ᬗᭂᬩᬢᬂᬲᬶᬦᬧᬂ᭞ᬫᬭᬶᬬᭂᬫᬾᬫᬜᭂᬮᬕ᭄᭞ᬢᬶᬢᬶᬃᬫᬸᬜᬶᬜᬗᭂ᭠
ᬫ᭄ᬧᭂᬗᬶᬦ᭄᭞ᬗᭂᬩᭂᬓᬶᬦ᭄ᬩᬶᬳᭀᬫ᭞ᬚᬺᬦᬢᬾᬲᬯᬂᬓᬤᬶ᭟ᬓᬶᬮᬧ᭄ᬗᬲᬩ᭄ᬲᬶᬂᬓᬢᭂᬫ᭄ᬧᬸᬄᬋᬫᬸᬓ᭄᭠ᬕᬶᬫ᭄ᬩᬮ᭄᭞ᬳᬓᬸᬤᬂᬤᬰᬫᬢᬶ᭞ᬓᭂᬦᬓᬧᬶᬲᬦᬦ᭄᭞ᬧᬫᬢᬶᬂᬚ᭄ᬭᭀᬦᬶᬂᬓᬸᬝᬵ᭞ᬫᬩᬶᬬᬸᬭᬦ᭄ᬳᬓᬾᬄᬫᬤᬶᬤᬶᬂ᭞ᬗᬮᬶᬄ
ᬳᬮᬶᬗᬦ᭄᭞ᬳᬤᬫᬢᬓᭂᬃᬫ᭄ᬩᭂᬤᬶᬮ᭄᭟ᬅᬦᬓ᭄ᬅᬕᬸᬂᬕ᭄ᬥᬾᬧᬸᬢᬸᬫᬗᬸᬮᬳᬂ᭞ᬲᬳᬧᬋᬓᬦ᭄ᬕᬶᬦ᭄ᬢᬶᬂ᭞ᬫᬮᬶᬄᬫᬳᭀᬲᭀᬕᬦ᭄᭞ᬲᬶᬳᬢ᭄ᬲᬮᬶᬂᬧᬓᬫᬄ᭞ᬮᬶᬬᬸᬫᬧᬢᬫ᭄ᬩᭂᬄᬫᬢᬶ᭞ᬫᬸᬲᬸᬄᬮᬦ᭄ᬭᭀᬯᬂ᭞ᬲᭀᬢ
ᬦᬶᬂᬯᭀᬭᬓᬮᬶᬄ᭟ᬰ᭄ᬭᬶᬧᬤᬸᬓᬢᬸᬯᬦ᭄ᬚᬾᬦ᭄ᬤ᭄ᬭᬮ᭄ᬮᬶᬦ᭄ᬢᬂᬫᭂᬗ᭄ᬕᬄ᭞ᬫᬗᬸᬢᬸᬲᬦ᭄ᬉᬩ᭄ᬭᬸᬲ᭄ᬓᬮᬶᬄ᭞ᬓᬧ᭄ᬢᬾᬦ᭄ᬫᬗᬸᬮᬳᬂ᭞ᬗᬗ᭄ᬕᬃᬫ᭄ᬩᬓ᭄ᬢᬓᬮᬾᬯᬂ᭞ᬭᬹᬧᬦᬾᬲᬫᬶᬗᬺᬲ᭄ᬋᬲᬶᬦ᭄᭞ᬓᬸᬫᬶᬲ᭄ᬜᬮᬵᬩᬢ᭄᭞ᬮᬶᬗ᭄ᬓᭂᬃᬫᬳᬶᬭᬶᬩ᭄ᬳᬭᬶᬢ᭄᭟
[᭕᭓53A]
ᬳᬶᬫᬸᬯᬩᬳᬦ᭄ᬮᬮᬶᬬᬢᬾᬳᬘ᭄ᬭᬂᬕᬮᬓ᭄᭞ᬚᬾᬗ᭄ᬕᭀᬢᬾᬗᬯᬶᬃᬳᬯᬶᬃ᭞ᬫᬯᬗ᭄ᬲᬶᬢ᭄ᬗᬸᬮᬳᬂ᭞ᬦᬸᬤᬶᬗᬂᬩᬦ᭄ᬓᬮᬾᬯᬂ᭞ᬲᬹᬭᬤᬥᬹᬩᬸᬓᬢᬶᬕ᭄ᬢᬶᬕ᭄᭞ᬓᬸᬘᬸᬧ᭄ᬗᬋᬧᬂ᭞ᬫ᭄ᬩᬩ᭄ᬭᬶᬬᬸᬓ᭄ᬧᬥᬫ᭄ᬩᭂᬤᬶᬮ᭄᭟ᬫᬕᬸᬮᬸᬗᬦ᭄
ᬩᬸᬓᬳᭂᬫ᭄ᬩᬄᬢᬸᬳᬭᬧᭂᬕᬢ᭄᭞ᬚᬺᬦᬢᬾᬢᬶᬢᬶᬃᬜᭂᬧᭀᬮᬶᬦ᭄᭞ᬲᬶᬓᭂᬧ᭄ᬦᬕᬭ᭞ᬫᬶᬫ᭄ᬩᬸᬄᬢᬸᬳᬭᬤᬧᭂᬕᬢ᭄᭞ᬫᬶᬫᬶᬲᬾᬘᬯᬂᬓᬤᬶ᭞ᬳᬸᬚᬦ᭄ᬫᬓᬾᬘᬾᬕᬦ᭄᭞ᬳᬮᭀᬂᬫᬢᬢᬸᬫᬢᬶ᭟ᬓᬮᬶᬄᬲᬸᬩᬦᬾᬲᬶᬓᬳᬸᬄᬳᭀᬜ
ᬩᬸᬦ᭄ᬢᬲ᭄᭞ᬓᬢᬸᬭᬸᬢ᭄ᬓᬩᭂᬤᬶᬮᬶᬦ᭄᭞ᬫᬩᬮᬶᬓ᭄ᬫᬢᬗ᭄ᬕᬮ᭄᭞ᬤᬶᬤᬗᬶᬦ᭄ᬧᬲᬃᬫᭂᬮᬄ᭞ᬫ᭄ᬩᭂᬤᬶᬮ᭄ᬲᬓᬶᬂᬚ᭄ᬭᭀᬦᬶᬂᬓᬶᬓᬶᬲ᭄᭞ᬤᬤᬶᬫᬋᬦᬦ᭄᭞ᬓᬸᬫ᭄ᬧᭂᬦᬶᬦᬾᬗᬸᬮᬳᬶᬦ᭄᭟ᬤᬶᬢᬸᬳᬶᬲᬶᬲ᭄ᬧᬕᬶᬳᬶᬦᬾᬤᭂᬮᭀᬤ᭄ᬧᬲᬃ᭞ᬓᬶᬯᬢᭂᬗᭂ
ᬦ᭄ᬚᬕᬦᬶᬦ᭄᭞ᬩᬸᬦ᭄ᬢᬲ᭄ᬫᬗᬗᬶᬦᬂ᭞ᬓᬢᬸᬯᬸᬓ᭄ᬫᬩᬶᬬᬬᬸᬳᬦ᭄᭞ᬩᬾᬘᬾᬓ᭄ᬫᬢᬢᬸᬮᬾᬦ᭄ᬫᬢᬶ᭞ᬯᬶᬃᬬ᭄ᬬᬧᭀᬢ᭄ᬭᬓ᭞ᬳᬶᬭᬶᬓᬦᬦ᭄ᬤᬂᬓᬦᬶᬦ᭄᭟ᬫᬾᬄᬫᬾᬳᬦ᭄ᬓᬕᭀᬘᭀᬂᬤᬗᬶᬦ᭄ᬧᬲᬃ᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬅᬦᬓ᭄
Page:Bali-lontar-gaguritan-rusak-sasak-01-300ppi.pdf/53
This page has been proofread.
