[᭔᭙49B]
᭔᭙
ᬗᬸᬘᬧ᭄᭞ᬧᬬᬸᬤᬦᬾᬤᬶᬦᬕᬭᬶ᭞ᬅᬦᬓ᭄ᬤᬯᬶᬃᬬ᭄ᬬᬚᬮᬚ᭞ᬲᬫ᭄ᬧᬸᬦ᭄ᬋᬓᬾᬫᬫ᭄ᬩᬸᬤᬮᬶᬦ᭄᭞ᬢᬫᬦ᭄ᬭᬶᬂᬕᬸᬦᬸᬂᬲᬭᬷ᭞ᬲᬳᬶᬭᬶᬗᬦ᭄ᬦᬧᬓ᭄ᬲᬫ᭄ᬧᬸᬦ᭄᭞ᬭᬶᬂᬩᬮᬾᬃᬕᬸᬦᬸᬂᬗᬦ᭄ᬢᭀᬲ᭄᭞ᬳᬯᬦᬦ᭄ᬫᬦ᭄ᬢᬸᬓ᭄ᬓᬩᬮᬶ᭞ᬓᬮᬶᬄᬲᬫ᭄ᬧᬸ᭠
ᬦ᭄ᬳᬶᬅᬚᬶᬯᬾᬦ᭄ᬢᭂᬦ᭄ᬗᬸᬢᬸᬲᬂ᭟ᬫᬶᬲᬺᭂᬗᬂᬧᬶᬲᬦ᭄ᬤᬶᬳᬦᬓ᭄᭞ᬓᭂᬦᬶᬢᬸᬮᬓ᭄ᬓᬦᬕᬭᬶ᭞ᬯᬶᬃᬬ᭄ᬬᬚᬮᬚᬫᬗᬫ᭄ᬧ᭄ᬭᭀᬲ᭄᭞ᬲᬳᬸᬭᬾᬓᬗ᭄ᬕᭀᬜᬚᬦᬶ᭞ᬢᬦ᭄ᬤᬗᬶᬦ᭄ᬲᬸᬩᬤᬶᬦᬶ᭞ᬫᬸᬲᬸᬄᬳᬸᬮᬶᬗᬶᬦ᭄ᬓᬯᬸᬄ᭞ᬩᬭᬬᬦ᭄ᬧᬘᬂᬮᬯᬦ᭄᭞ᬳᬦ᭄ᬢᬸ᭠
ᬓ᭄ᬳᬶᬩᬧᬗ᭄ᬕᭂᬕᬦᬶᬦ᭄᭞ᬭᬾᬯᭀᬲ᭄ᬩᬚᬂ᭞ᬦᬾᬢᬸᬯᬤᬤᬶᬫᬭᬶᬬᬂ᭟ᬳᭂᬦ᭄ᬢᭀᬫᬗ᭄ᬤᬾᬯᭂᬓᬲ᭄ᬳᬾᬭᬂᬳᬶᬥᭂᬧ᭄ᬩᭂᬮᬶᬩᬸᬓᬚᬦᬶ᭞ᬫᬫᬶᬦ᭄ᬤᬄᬢᬸᬮᬓ᭄ᬓᬘᬓᬺ᭞ᬧᬾᬢ᭄ᬳᭀᬭᬳᬂᬘᭀᬗᬄᬤᭂᬧᬶᬦ᭄᭞ᬭᬸᬲᬓ᭄ᬩᭂᬮᬶᬤᬾᬚ
ᬦᬶ᭞ᬲᬂᬓᬳᬸᬢᬸᬲ᭄ᬳᬾᬫ᭄ᬧᭂᬃᬫᬢᬹᬃ᭞ᬭᬭᬶᬲ᭄ᬫᬧᬫᬶᬢ᭄ᬩᬸᬤᬮ᭄᭞ᬘᬭᬶᬢᬬᬂᬭᬯᬸᬄᬕᭂᬮᬶᬲ᭄᭞ᬓᬦᬕᬭ᭞ᬧᬸᬧᬸᬢ᭄ᬲᬫ᭄ᬧᬸᬦ᭄ᬫᬗᬢᬸᬭᬂ᭟ᬧᬗᬦ᭄ᬤᬶᬓᬦᬾᬳᬶᬳᬦᬓ᭄᭞ᬅᬦᬓ᭄ᬅᬕᬸᬂᬗᬸᬭᬄᬭᬭᬶᬲ᭄᭞ᬗᬦ᭄ᬤᬶᬓᬦᬄᬪᬬ
[᭕᭐50A]
ᬢᬶᬢᬄ᭞ᬧᬫᭂᬗ᭄ᬕᬄᬯᬶᬥᬶᬢᬦ᭄ᬤᬗᬶᬦ᭄᭞ᬩᭂᬲᬶᬓ᭄ᬢᬢᬓ᭄ᬧᬗ᭄ᬕᬶᬮᬶᬲ᭄᭞ᬗ᭄ᬭᬢᬓ᭄ᬱᬢ᭄ᬭᬶᬬᬦᬾᬳᬤᬸ᭞ᬕᬗ᭄ᬲᬭᬂᬜᬫ᭄ᬩᬸᬢ᭄ᬲᬢᬸᬯ᭞ᬅᬦᬓ᭄ᬅᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬫ᭄ᬩᬸᬤᬮᬶᬦ᭄ᬚᬕᬢ᭄ᬲᬲᬓ᭄᭟ᬦᬗ᭄ᬳᬶᬂᬳ
ᬓᬾᬄᬗᬮᭀᬮᭀᬲᬂ᭞ᬓᬫᬸᬮᬦ᭄ᬤᬶᬲᬲᬓ᭄ᬗᬶᬭᬶᬂ᭞ᬢᬹᬢᬶᬂᬧ᭄ᬭᬡ᭄ᬥᬵᬰᬶᬯ᭄ᬯᬩᬸᬥ᭄ᬤ᭞ᬲᬳᬦᬓ᭄ᬧᬸᬢᬸᬭᬩᬶ᭞ᬧᬸᬦᬶᬓᬫᬓᬘᬶᬭᬶ᭞ᬦᬕᬭᬦᬾᬧᬘᬂᬍᬩᬸᬃ᭞ᬓᬮᬶᬄᬫᬢᬸᬗ᭄ᬓᬲ᭄ᬭᬯᭀᬲ᭄᭞ᬧᬸᬗ᭄ᬕᬯᬢᭀᬂᬢᬳᬾᬦ᭄ᬗ᭄ᬕᬶᬮᬶᬲ᭄᭞᭠
ᬤᬹᬃᬫ᭄ᬫᬗ᭄ᬕᬮᬦ᭄᭞ᬘᬓᬺᬫᬢᬭᬫᬾᬲᬶᬦᬄ᭚᭜᭚ᬧᬸᬧᬸᬄ᭞᭙᭞ᬤᬹᬃᬫ᭄ᬫ᭚ᬢᬸᬯᬦ᭄ᬧᬱᬶ᭠ᬤᬾᬦ᭄ᬓᬮᬶᬄᬚᬾᬦ᭄ᬤ᭄ᬭᬮ᭄ᬫᬗ᭄ᬓᬶᬦ᭄ᬳᬸᬘᬧ᭄᭞ᬭᬯᭀᬲᬦ᭄ᬥᬶᬫᬃᬕ᭄ᬕᬶ᭞ᬗᬚᬸᬕ᭄ᬲᭀᬭᭀᬄᬲᭂᬮᬫ᭄᭞ᬤᬳᬸᬄᬓᬸᬝᬵᬫᬢᬭ᭠
ᬫ᭄᭞ᬩᬮᬾᬃᬢᬸᬓᬤ᭄ᬚᬗ᭄ᬓᬓ᭄ᬭᬤᬶᬦ᭄᭞ᬓᬮᬶᬂᬧᬸᬦᬶᬓ᭞ᬳᬶᬲᭂᬓᬃᬩᬾᬮᬗ᭄ᬕᬶᬮᬶᬲ᭄᭟ᬲᬚᬚᬳᬦ᭄᭞ᬓᭂᬮᭀᬤ᭄ᬓᬳᬸᬄᬩᬮᬾᬃᬩᬩᬓ᭄᭞ᬫᬦᬸᬗ᭄ᬓᭂᬤ᭄ᬓᬲᬶᬲᬶ᭞ᬘᭀᬗᬄᬓᬦᬕᬭ᭞ᬫᬦᬸᬦᬲ᭄ᬓᬳᬸᬭᬶᬧᬦ᭄᭞ᬭᬶᬂᬳᬶ
Page:Bali-lontar-gaguritan-rusak-sasak-01-300ppi.pdf/50
This page has been proofread.
