[᭕᭐50B]
᭕᭐
ᬢᬸᬯᬦ᭄ᬋᬱᬶᬤᬾᬦ᭄ᬓᬮᬶᬄ᭞ᬳᬶᬢᬸᬯᬦ᭄ᬚᬾᬦ᭄ᬤ᭄ᬭᬮ᭄᭞ᬲ᭄ᬯᬾᬘ᭄ᬙᬧᬶᬲᬦ᭄ᬦ᭄ᬤᬕᬶᬗᬶᬦ᭄᭟ᬤᭂᬮᭀᬤ᭄ᬩᬩᬓ᭄ᬢᬸᬯᬶᬲᬸᬩᬲᬶᬓᭂᬧ᭄ᬢᭂᬗᬄ᭞ᬫᬫ᭄ᬩᬸᬦ᭄ᬢᬸᬓ᭄ᬫᬫ᭄ᬩᭂᬦ᭄ᬢᬾᬢᬶᬦ᭄᭞ᬫᬋᬧ᭄ᬓᬦᬕᬭ᭞ᬬᬤᬶᬦ᭄ᬦᬃᬫ᭄ᬫᬤ᭞ᬦᬸᬗ᭄ᬓᭂᬤ᭄ᬓᬧᬸᬦᬶᬢᬦ᭄
ᬕᭂᬮᬶᬲ᭄᭞ᬫᬩ᭄ᬭᬶᬬᬸᬓ᭄ᬘᭀᬗᬄ᭞ᬗᬋᬧᬶᬦ᭄ᬭᬵᬚᬩᬮᬶ᭟ᬳᭂᬦ᭄ᬢᭀᬓ᭄ᬭᬡᬵᬳᬶᬲᬹᬭᬤᬥᬹᬫ᭄ᬩᬸᬗ᭄ᬓᬢᬂ᭞ᬳᭀᬯᬕᬸᬢᬦ᭄ᬓᬳᬫ᭄ᬩᬶᬳ᭄ᬳᬭᬶᬦ᭄᭞ᬳᬤᬤᬳᬸᬄᬧᬶᬲᬦ᭄᭞ᬓᬗᬶᬦ᭄ᬫᬓᭂᬚᬂᬩᬸᬦ᭄ᬢᬲ᭄᭞ᬲᬤᬕᬶᬂᬤᬾᬰᬦᬾᬗᬸᬗ᭄ᬲᬶ᭞
ᬦᬕᬭᬘᬓᬺ᭞ᬤᬶᬧ᭄ᬭᬬᬦᬗ᭄ᬕᬮᬶᬦ᭄᭟ᬲᬓᬶᬂᬕᭂᬮᬶᬲ᭄ᬚᬦᬶᬩᬳᬦ᭄ᬜᬭᬶᬢᬬᬂ᭞ᬓᬸᬫ᭄ᬧᭂᬦᬶᬫᬫᭀᬦ᭄ᬤᭀᬓᬶᬦ᭄᭞ᬤᬶᬓ᭄ᬱᬾᬢ᭄ᬭᬦ᭄ᬫᬢᬭᬫ᭄᭞ᬓᬳᬸᬄᬢᬸᬯᬶᬫᬳᬤᬦ᭄᭞ᬧᬤᬰᬦ᭄ᬳᬕᬸᬂᬫᬗ᭄ᬭᬭᬶᬲ᭄᭞ᬓᬸᬫ᭄ᬧᭂᬦᬶᬗᭀᬢ
ᬕ᭄᭞ᬳᬦ᭄ᬢᬸᬓ᭄ᬚᬋᬦᬢ᭄ᬢᬶᬢᬶᬃ᭟ᬫᬓᬭᬾᬫᬾᬓᬲᬓᬶᬢᬦ᭄ᬧᭂᬢᭂᬂᬍᬫᬄ᭞ᬫᬸᬯᬸᬄᬫᬩᬶᬬᬸᬭᬦ᭄ᬓᬤᬶ᭞ᬢ᭠ᬯᬦ᭄ᬲᬓᬶᬂᬕᬶᬳᬵ᭞ᬧᬥᬫᬗᬸᬗ᭄ᬲᬶᬘᬓᬺ᭞ᬳᬦᬓᬧᬦᬲᬦ᭄ᬦᭂᬗᬶᬮ᭄᭞ᬮᭀᬃᬯᬾᬢᬦ᭄ᬘᬓᬺ᭞ᬗ᭄ᬳᬶᬂᬢᬫ᭄ᬧᭂᬓ᭄᭠
[᭕᭑51A]
ᬓᬦᬕᬭᬶ᭟ᬢᬸᬯᬶᬬᬤᬫᬗ᭄ᬮᭀᬦ᭄ᬮᭀᬦᬶᬦ᭄ᬫᬦᬶᬯᬶᬢ᭞ᬭᬶᬂᬓᬸᬫ᭄ᬧᭂᬦᬶᬢᬹᬃᬮᬭᬶᬲ᭄᭞ᬯᬢᭂᬓ᭄᭠ᬪᬳᬸᬥᬡ᭄ᬥᬵ᭞ᬳᬤᬫᬗᬸᬗ᭄ᬲᬶᬢᭂᬗᬄ᭞ᬓᬤᬗᬶᬦ᭄ᬚᬸᬭᬂᬫᬗ᭄ᬭᬭᬶᬲ᭄᭞ᬢᭂᬮᬲ᭄ᬓᬭᬸᬲᬓ᭄᭞ᬫᬗ᭄ᬓᬶᬦ᭄ᬓᭀᬘᬧᬂᬫ᭠
ᬮᬶᬄ᭟ᬰ᭄ᬭᬶᬧᬤᬸᬓᬢᬸᬯᬦ᭄ᬋᬱᬶᬤᬾᬦ᭄ᬓᬮᬶᬄᬚᬾᬦ᭄ᬤ᭄ᬭᬮ᭄᭞ᬫᬧᬧᬭᬫᬗᬫ᭄ᬩᬶᬮ᭄᭞ᬤᬾᬰᬧᬕᭂᬲᬗᬦ᭄᭞ᬤᭂᬮᭀᬤ᭄ᬓᬸᬝᬵᬫᬢᬭᬫ᭄᭞ᬧᬺᬧᬸᬢᬺᬤᬶᬢᬸᬫᬮᬶᬗ᭄ᬕᬶᬄ᭞ᬮᬸᬫ᭄ᬩ᭄ᬭᬄᬫᬧᬭᬩ᭄᭞ᬯᬶᬃᬬ᭄ᬬᬧᭀᬢ᭄ᬭᬓᬘ᭄ᬙᬶᬭᬶᬂ᭟ᬧᬺ
ᬦᬄᬧᬸᬢᬸᬳᬦ᭄ᬢᬸᬓ᭄ᬅᬦᬓ᭄ᬅᬕᬸᬂᬗᬸᬭᬄ᭞ᬫᬢᬗ᭄ᬕᬮ᭄ᬲᬫᬶᬳᬶᬦ᭄ᬢᬶᬂ᭞ᬲᬳᬶᬭᬶᬗᬦ᭄ᬳᬶᬤ᭞ᬓᬮᬶᬄᬦᬓ᭄ᬅᬕᬸᬂᬗᬸᬭᬄ᭞ᬭᬯᬸᬄᬫᬧᬶᬢᬸᬮᬸᬂᬕᬶᬧᬶᬄ᭞ᬲᬗ᭄ᬓᬦ᭄ᬫᭀᬲᭀᬕᬦ᭄᭞ᬲᬶᬳᬢᬾᬩᬸᬓᬢᬸᬮᬶᬲ᭄᭟ᬭᬾᬄᬫ᭠
ᬬᬢᬦ᭄ᬅᬦᬓ᭄ᬅᬕᬸᬂᬗᬸᬭᬄᬳᬶᬤ᭞ᬫᬫᬶᬋᬂᬓᬩᬃᬚᬢᬶ᭞ᬧᬫᬃᬕ᭄ᬕᬶᬦ᭄ᬳᬶᬢᬸᬯᬦ᭄᭞ᬭᬯᬸᬳᬾᬫᬗᬭᬶᬲ᭄ᬢ᭞ᬧᬕᭂᬲᬗᬦ᭄ᬳᬦ᭄ᬢᬸᬓ᭄ᬓᬶᬜ᭄ᬘᬶᬢ᭄᭞ᬤᭀᬦᬶᬂᬭᬦ᭄ᬢᬩᬦ᭄᭞ᬤᬕᬶᬂᬘᬓ᭄ᬭᬦᬾᬗᬶᬭᬶᬂ᭟ᬲᬓᬶᬂᬧᬹᬃᬯ᭄ᬯᬢᬶᬗ᭄ᬓᬄ
Page:Bali-lontar-gaguritan-rusak-sasak-01-300ppi.pdf/51
This page has been proofread.
