[᭔᭘48B]
᭔᭘
ᬳᬓᬸᬤᬫᬫ᭄ᬩᬾᬮᬳᬶᬦ᭄᭞ᬓᬧᬮᬦ᭄ᬧ᭄ᬭᬂᬗᬸᬮᬶᬦ᭄ᬢᬶᬓ᭄᭞ᬦᬾᬢᬶᬕᬂᬧᭀᬳᭀᬲ᭄ᬓᬤᬸᬭᬸᬲ᭄᭞ᬬᬸᬤ᭠ᬤᬾᬫᬢᬓᭂᬭᬦ᭄᭞ᬲᬫ᭄ᬧᬸᬦ᭄ᬫᬗᬸᬘᬧᬂᬫᬮᬶᬄ᭞ᬫᬢᬶᬦ᭄ᬳᬶᬧᬸᬦ᭄ᬦᬾᬢᬸᬳᬭᬗᭂᬮᬄᬧᬗ᭄ᬓᬢ᭄᭟ᬬᬾᬦ᭄ᬳᬓᬸᬤᬂ
ᬤᬶᬦᬲᬸᬩ᭞ᬧᬬᬸᬤᬦᬾᬭᬶᬂᬓᬸᬫ᭄ᬧᭂᬦᬶ᭞ᬩᬸᬓᬦ᭄ᬤᬤᬓ᭄ᬲᬕᬾᬢ᭄ᬢᭂᬓᬵ᭞ᬲᬶᬓᭂᬧ᭄ᬫᬸᬲᬸᬄᬤᬗᬶᬦ᭄ᬚᬸᬭᬶᬂ᭞ᬓ᭄ᬮᭀᬤ᭄ᬓᬗᬶᬦ᭄ᬦ᭄ᬤᭂᬲᭂᬓᬶᬦ᭄᭞ᬅᬦᬓ᭄ᬅᬕᬸᬂᬗᬸᬭᬄᬲᬫ᭄ᬧᬸᬦ᭄᭞ᬗᬸᬢᬸᬲ᭄ᬧᬸᬗ᭄ᬕᬯᬫᭂᬦ᭄ᬤᬓ᭄᭞ᬲᬓ᭠
ᬋᬧᬓᬢᬶᬫ᭄ᬧᬮᬶᬦ᭄᭞ᬧᬾᬢ᭄ᬫᬳᬫᬹᬓ᭄᭞ᬲᬶᬓᭂᬧ᭄ᬘᬓᬺᬢᬦ᭄ᬓᬶᬍᬲᬦ᭄᭟ᬤᬤᬶᬩᬸᬓᬫᬲᭂ᭠ᬗ᭄ᬓᬾᬢ᭞ᬢᭂᬓᬦᬾᬳᬶᬤᬗᬶᬦ᭄ᬚᬸᬭᬶᬂ᭞ᬢᭂᬓᬾᬦ᭄ᬧᬗᭀᬢᬕ᭄ᬤᬶᬓᬧᬮ᭄᭞ᬚᬺᬦᬢᬾᬢᬶᬢᬶᬃᬤᬶᬩᬦᬶ᭠
ᬦ᭄᭞ᬓᬸᬝᬵᬫᬢᬭᬫ᭄ᬯᬶᬳᬓ᭄ᬢᬶ᭞ᬲᬤᬕᬶᬂᬦᬕᬭᬓᬾᬯᬸᬄ᭞ᬢᬦ᭄ᬯᬾᬦ᭄ᬢᭂᬦ᭄ᬗ᭄ᬕᭂᬮᬄᬭᬯᭀᬲ᭄᭞ᬍᬫᭂᬂᬍᬫᬄᬯᬭᬯᬶᬭᬶ᭞ᬧᬢᬶᬓᭂᬮᬶᬤ᭄᭞ᬫᬲᬫ᭄ᬩᭂᬦᬦ᭄ᬚ᭄ᬭᭀᬦᬶᬂᬕᭂᬮᬃ᭞ᬬᬾᬦ᭄ᬧᬓ᭄ᬱᬧᬘᬂᬢ
[᭔᭙49A]
ᬋᬚᬓ᭄᭞ᬬᬦ᭄ᬤᬶᬚᬧᬘᬂᬫᬸᬲᬸᬳᬾᬳᬮᬶᬄ᭞ᬳᬤᬦᬾᬓᬮᬶᬧᬸᬢ᭄ᬢᬺᬱ᭄ᬡ᭞ᬭᬶᬲᬦ᭄ᬢᬦᬓᬮᬶᬄᬭᬩᬶ᭞᭠ᬮᭀᬮᭀᬲᬾᬫᬗ᭄ᬭᬶᬳᬶᬦᬶᬦ᭄᭞ᬫᬗᬸᬗ᭄ᬲᬶᬓᬘᬓᬺᬢᬓᬸᬢ᭄᭞ᬭᬸᬲᬓ᭄ᬫᬢᬶᬓᬲᬯᬂ᭞ᬦᬗ᭄ᬳᬶᬂᬢᬍᬃᬳᬸᬮᬃᬳᬮᬶᬃ᭞ᬓᬫ
ᬢᬭᬫ᭄ᬭᬾᬄᬅᬦᬓᬾᬅᬕᬸᬂᬳᬶᬤ᭟ᬓᭂᬢᬸᬢ᭄ᬓᬭᬗ᭄ᬳᬲᭂᬫ᭄ᬢᬶᬳᬕ᭞ᬭᬶᬂᬫᬢᬭᬫ᭄ᬩᬮᬶᬗ᭄ᬕ᭠ᬦᬶᬦ᭄᭞ᬲᬫ᭄ᬧᬸᬦ᭄ᬫᬫᬸᬧᬸᬢᬂᬭᬯᭀᬲ᭄᭞ᬭᬶᬂᬧᬭᬧᬸᬗ᭄ᬕᬯᬲᬫᬶ᭞ᬬᬦ᭄ᬓᬸᬫ᭄ᬧᭂᬦᬶᬦᭂᬤᬸᬦᬶᬦ᭄᭞ᬭᬂᬅᬫ᭄ᬧᭂᬦᬦ᭄ᬤᬶ
ᬢᬸᬳᬫᬹᬓ᭄᭞ᬲᬳᬢᬂᬳᬧᬂᬳᭀᬜ᭞ᬓᬸᬤᬂᬍᬫᬄᬍᬫᬄᬓᬾᬗᬶᬦ᭄᭞ᬲᬸᬭᬤᬥᬹ᭞ᬲᬫ᭄ᬧᬸᬦ᭄ᬢᭂᬤᬸ᭠ᬦ᭄ᬭᬶᬂᬅᬫ᭄ᬧᭂᬦᬦ᭄᭟ᬫᬗ᭄ᬭᬭᬶᬲ᭄ᬫᬧᬧᭀᬦ᭄ᬤᭀᬓᬦ᭄᭞ᬫᬓᬤᬶᬲᬫ᭄ᬧᬸᬦ᭄ᬗᬫ᭄ᬩᬶᬳᬭᬶᬦ᭄᭞ᬲ᭄ᬭᬶᬫᬗ᭄ᬮᬦ᭄ᬢᬂᬧᬶᬢᬦ᭄᭞
ᬫᬯᬲ᭄ᬢᬸᬢᬦ᭄ᬯᬾᬦ᭄ᬢᭂᬦ᭄ᬕᬶᬮᬶᬓ᭄᭞ᬭᬯᭀᬲᬾᬭᬶᬂᬦᬕᬭᬶ᭞ᬭᬾᬯᭂᬤ᭄ᬧᬘᬂᬫᬶᬚᬶᬮ᭄ᬗᬫᬹᬓ᭄᭞ᬤᬤᬶᬲᬮᬶᬂᬧᬕᭀᬓᬂ᭞ᬦᬾᬲᬸᬩᬫᬲᬗ᭄ᬕᬸᬮ᭄ᬕᬶᬦ᭄ᬢᬶᬂ᭞ᬧᬬᬸᬫᬃᬫ᭄ᬫᬩᬦᬾᬢᬸᬳᬭᬓᬢᬶᬫ᭄ᬧᬮᬦ᭄᭟ᬦᬾᬫᬗ᭄ᬓᬶᬦ᭄ᬢᬶᬦ᭄ᬤᬓ᭄ᬳ᭠
Page:Bali-lontar-gaguritan-rusak-sasak-01-300ppi.pdf/49
This page has been proofread.
