[᭔᭗47B]
᭔᭗
ᬭᬯᭀᬲᬾᬚᬢᬶ᭟ᬭᬾᬄᬲᭀᬢᬦᬶᬂᬧᬘᭂᬗᬶᬮᬾᬭᬶᬂᬲᬶᬳᬦ᭄᭞ᬫᭂᬮᬄᬧ᭄ᬯᬦ᭄ᬫᭂᬮᬄᬫᬦᬶ᭞ᬧᬸ᭠ᬗ᭄ᬕᬯᬗᬶᬭᬶᬗᬂ᭞ᬦᬓ᭄ᬅᬕᬸᬂᬲᬫ᭄ᬧᬸᬦ᭄ᬩᬸᬤᬮ᭄᭞ᬦᬾᬩᬾᬜ᭄ᬚᬂᬓᭀᬘᬧᬂᬕᭂᬮᬶᬲ᭄᭞ᬓᬸᬫ᭄ᬧᭂᬦᬶᬩᬸᬤᬮ᭄
ᬫᬗᬤᬸᬄᬲᬦᬾᬓᬦᬶᬦ᭄᭟ᬳᬤᬓᬾᬧᬾᬓ᭄ᬳᬤᬧᬾᬭᭀᬢ᭄ᬓᬲᬓᬶᬢᬦ᭄᭞ᬫᬭᬾᬩᬾᬂ᭠ᬭᬾᬩᬾᬂᬓᬮᬶᬂ᭞ᬳᬤᬫᬫᬾᬄᬫᬾᬳᬦ᭄᭞ᬓᬢᭂᬕᭂᬦ᭄ᬩᬦ᭄ᬭᬦ᭄ᬢᬾᬬᬦ᭄᭞ᬳᭂᬦᬶᬂᬧᬭᬶᬧᭀᬮᬄᬲᬫᬶ᭞ᬤᬶ᭠
ᬓᭀᬢᬘᬓᬺ᭞ᬫᬢᬭᬫ᭄ᬧᬥᬜᭂᬧᬶ᭟ᬗ᭄ᬳᬶᬂᬢᬦ᭄ᬫᬋᬦ᭄ᬓᬬᬸᬦ᭄ᬫᬦᬳᬾᬫᬭᬗ᭄ᬩᬂ᭞ᬩᬲ᭄ᬘᭂᬓᬲ᭄ᬕᭂᬤᬾᬢᬦ᭄ᬢᬫ᭄ᬧᬶ᭞ᬧᭂᬗ᭄ᬕᬳᬶᬂᬪᬝᬵᬭ᭞ᬓᬧᬶᬂᬭᭀᬢᬶᬕᬮᬭ᭞ᬧᬘᬂᬲᬧᬸᬦᬧᬶᬧᬗ᭄ᬕᬶᬄ᭞ᬲᬫ᭄ᬧᬸᬦ᭄ᬫᬗᬸᬘᬧ᭄᭞
ᬧᬸᬱ᭄ᬧᬶᬢᬾᬂᬤᬍᬫ᭄ᬧᬸᬭᬶ᭟᭚᭜᭚ᬧᬸᬧᬸᬄ᭞᭘᭞ᬲᬶᬦᭀᬫ᭄᭚ᬧᬫᬸᬧᬸᬢᬶᬂᬕᭂᬂᬲᬦ᭄ᬤᬾᬕ᭞ᬳᭀᬲᭂᬓᬬᬸᬦ᭄ᬓᬧ᭄ᬭᬶᬳᬢᬶᬦ᭄᭞ᬩᬶᬗᬭᬾᬂᬯᬃᬡ᭄ᬦᬵᬳᬗᬸᬯᬄ᭞ᬲᬓ᭄ᬱᬢ᭄ᬲᭂᬓᬃᬫᬸᬗ᭄ᬕᬸᬳᬶᬂ᭞ᬕᭂᬮᬸᬂᬚᬶᬳᬬᬸᬓ᭠
[᭔᭘48A]
ᬧᬶᬗᬶᬢ᭄᭞ᬢᬦ᭄ᬯᬗ᭄ᬥᬾᬫᬧᬸᬳᬭᬓᬸᬲᬸᬢ᭄᭞ᬳᬓᬾᬢᭀᬫᬗᬸᬧᬫ᭞ᬓᬬᬸᬦ᭄ᬫᬦᬳᬾᬤᬶᬧᬸᬭᬶ᭞ᬭᬚᬧᬸᬢ᭄ᬭᬶᬫᬶᬯᬄᬭᬩᬶᬧᬧᬶᬗᬶᬢᬦ᭄᭟ᬬᬦ᭄ᬢᬦ᭄ᬲᬓᬾᬂᬲ᭄ᬯᬾᬘᬦ᭄ᬤᬾᬯ᭄ᬯ᭞ᬩᭀᬬᬮᬸᬧᬸᬢ᭄ᬢᭂᬓᬾᬂᬧᬢᬶ᭞ᬬ᭠
ᬦ᭄ᬢᬸᬮᬸᬲ᭄ᬢᭀᬂᬤᬤᬶᬳᬲᬢ᭄᭞ᬧᬳᬋᬧᬾᬭᬶᬂᬓᬸᬫ᭄ᬧᭂᬦᬶ᭞ᬘᬓᬺᬫᬢᬭᬫ᭄ᬓᬤᬶ᭞ᬧᬓ᭄ᬱᬶᬩᬸᬜ᭄ᬘᬶᬢ᭄ᬫᬦᬄᬫᬕᬸᬢ᭄ᬕᬸᬢ᭄᭞ᬓᬲᬓ᭄ᬢᬾᬦ᭄ᬯᬶᬦᬢᬾᬬ᭞ᬓᬯᬶᬪᬯᬦ᭄ᬭᬶᬂᬪᬝᬵᬯᬶ᭞ᬳᬦ᭄ᬢᬸᬓ᭄ᬭᬓ᭄ᬬᬢ᭄᭞
ᬫᬓᬤᬶᬲᬃᬯ᭄ᬯᬲᬜ᭄ᬚᬢ᭟ᬲᬫᬮᬶᬄᬓᭀᬰᬯᬳᬦ᭞ᬲᬫ᭄ᬧᬸᬦ᭄ᬫᬗᬩᬾᬳᬶᬦ᭄ᬲᬫᬶ᭞ᬓᬧᬶᬦᬶᬄᬢᬦ᭄ᬯᬾᬦ᭄ᬢᭂᬦ᭄ᬳᬶᬯᬂ᭞ᬓᬬᬸᬦ᭄ᬢᬸᬯᬦ᭄ᬋᬱᬶᬤᬾᬦ᭄ᬓᬤᬶ᭞ᬕᭂᬦᬶᬦᬾᬓᬳᬸᬫ᭄ᬧᬦᬶᬦ᭄᭞ᬤᬸᬫᬶᬮᬄᬲᬸᬫᬶᬗ᭄ᬓᬶᬦ᭄ᬫᬸᬭᬸᬩ᭄᭞ᬫᭂ᭠
ᬗ᭄ᬳᬵᬳᬾᬢᬦ᭄ᬲᭂᬧᬶᬭ᭞ᬧᬵᬋᬧᬾᬭᬶᬂᬭᬵᬚᬩᬮᬶ᭞ᬳᬧᬦ᭄ᬲᬫ᭄ᬧᬸᬦ᭄᭞ᬬᬸᬤᬦᬾᬫᬮᭀᬂᬳᬮᭀᬗᬦ᭄᭟ᬢᬸᬯᬶᬢᬸᬳᬭᬳᬦᬓ᭄ᬩᬭᬂ᭞ᬦᬾᬭᬸᬲᬓ᭄ᬘᬶᬘᬓᬺᬯᬶᬳᬓ᭄ᬢᬶ᭞ᬢᬸᬯᬦ᭄ᬚᬾᬦ᭄ᬤ᭄ᬭᬮ᭄ᬭᬶᬂᬲᬸᬫᬭᬂ᭞ᬬᬦ᭄
Page:Bali-lontar-gaguritan-rusak-sasak-01-300ppi.pdf/48
This page has been proofread.
