[᭔᭔44B]
᭔᭔
ᬓᭂᬧ᭄ᬦᬕᬭᬶ᭞ᬗᬸᬘᬾᬯᬾᬦ᭄ᬢᬤᬄ᭞ᬚ᭄ᬭᭀᬦᬶᬂᬳᬶᬓᬶᬲ᭄ᬫ᭄ᬩᭂᬤᬶᬮᬶᬦ᭄᭟ᬓᬮᬶᬄᬳᭂᬦ᭄ᬢᭀᬢᬸᬯᬦ᭄ᬚᬾᬦ᭄ᬤ᭄ᬭ᭠ᬮ᭄ᬭᬶᬂᬲᬸᬫᬭᬂ᭞ᬭᬸᬲᬓ᭄ᬓ᭄ᬦᬩᬦ᭄ᬫᬶᬫᬶᬲ᭄᭞ᬯᬶᬭᬾᬄᬢᬦ᭄ᬓᬶᬍᬲᬦ᭄᭞ᬫᬗᬤᬸᬓᬧᬹᬭᬸᬱᬦ᭄᭞ᬭᬶᬂᬘᬓ᭄ᬭᬓᬮᬸᬦ᭄ᬢᬂᬢᬶ᭠
ᬦ᭄ᬤᬶᬄ᭞ᬢᭀᬲ᭄ᬦᬶᬂᬧᬺᬯᬶᬭ᭞ᬢᬦ᭄ᬯᬾᬦ᭄ᬢᬦ᭄ᬳᬚ᭄ᬭᬶᬄᬗ᭄ᬫᬲᬶᬦ᭄᭟ᬩᬳᬸᬦᬫ᭄ᬧᬶᬕᬮᬂᬓᬗᬶᬦ᭄ᬤᬶᬢᬸᬗ᭄ᬭᬱ᭞ᬳᬶᬲᬹᬭᬵ᭠ᬤᬥᬹᬲᬫᬶ᭞ᬦᬾᬤᬶᬤᬗᬶᬦ᭄ᬧᬲᬃ᭞ᬘᬓᬺᬫᬗ᭄ᬕᭂᬮᬄᬤᬬ᭞ᬫᬶᬳᬶᬤᬦ᭄ᬓᬫᬾᬭᬸᬕᭂᬮᬶᬲ᭄᭞ᬫᬗᬦ᭄ᬤᬶᬓ᭄ᬤ᭄ᬯᬭ᭞ᬚ᭄ᬭᭀ
ᬫᬗ᭄ᬓᬸᬫᬗᬸᬤᬶᬤᬶᬂ᭟ᬧᬩᭂᬍᬲᬢ᭄ᬯᬾᬦ᭄ᬢᭂᬦ᭄ᬓᬦᬶᬦ᭄ᬲᬾᬧ᭄ᬫᬓᬳᬤ᭄᭞ᬢᭀᬂᬫᬫ᭄ᬧᬸᬄᬫᬦᬗ᭄ᬕᬮᬶᬦ᭄᭞ᬳᬦ᭄ᬢᬸᬓᬓᬶᬜ᭄ᬘᬶᬢᬦ᭄᭞ᬫᬗᭂᬫᬶᬢ᭄ᬭᬸᬫᬤᬾᬯ᭄ᬯ᭞ᬯᬾᬦ᭄ᬢᭂᬦ᭄ᬧᭂᬢᬂᬤᬰᬤᬶᬭᬶ᭞ᬳᬓᬾᬳᬦ᭄ᬚᬤ᭄᭞ᬢᬶᬦ᭄ᬤᬓᬾ᭠
ᬲᬫ᭄ᬧᬸᬦ᭄ᬗᬶᬮ᭄ᬕᬶᬮ᭄᭟ᬢᬹᬃᬓᬩᭂᬲ᭄ᬩᭂᬲ᭄ᬓᬳᭂᬦ᭄ᬢᬸᬗᬶᬦ᭄ᬩᬦ᭄ᬚᬋᬦᬢ᭄᭞ᬫᬳᬶᬭᬶᬩᬸᬯᬄᬫᬗ᭄ᬕᬶᬲ᭄᭞᭠ᬦᬾᬫᬗ᭄ᬓᬶᬦ᭄ᬓᭀᬘᬧᬂ᭞ᬬᬸᬤᬦᬾᬦᬾᬤᬶᬧᬚᬂ᭞ᬳᬶᬲᬹᬭᬤᬥᬹᬓᬮᬶᬦ᭄ᬤᬶᬄ᭞ᬰᬾᬱᬦᬶᬂᬭᬸᬲᬓ᭄᭞ᬫᬓᬶᬍᬲ᭄
[᭔᭕45A]
ᬓᭂᬮᭀᬤ᭄ᬓᬗᬶᬦ᭄᭟ᬗᬸᬗ᭄ᬲᬶᬓᬾᬱ᭄ᬢᬺᬤᬶᬘᬸᬗ᭄ᬓᬸᬩᬾᬫᬲᬗᬶᬤᬦ᭄᭞ᬢᭀᬤᬶᬢᬸᬮᬶᬬᬸᬦᭂᬗᬶᬮ᭄᭞ᬳᬤᬗ᭄ᬭᬭᬶᬲ᭄ᬗᬸᬦ᭄ᬢᬲ᭄᭞ᬓᬳᬸᬄᬗᬸᬗ᭄ᬲᬶᬅᬫ᭄ᬧᭂᬦᬦ᭄᭞ᬧᬫᬢᬶᬂᬫᬢᬭᬫ᭄ᬭᬭᬶᬲ᭄᭟ᬗᭀᬕᬾᬦ᭄ᬫᬜ᭄ᬚᬭᬄ᭞ᬩᬭᬂ
ᬩᬭᬂᬓᬸᬫ᭄ᬧᭂᬦᬶ᭟ᬫᬘᭂᬫᬘᭂᬫ᭄ᬲᭀᬭᭀᬄᬧᬓᬓᬲᬶᬂᬫᬧ᭄ᬭᬂ᭞ᬓᬮᬾᬯᬂᬫᬯᬶᬄᬩᭂᬤᬶᬮ᭄᭞ᬭᬶᬗ᭄ᬕᬶᬢ᭄ᬫᬢᭀᬂᬢᭀᬗᬦ᭄᭞ᬬᬸᬤᬦᬾᬩᬸᬓᬫᬮᬂ᭞ᬓᬾᬯᬮᬲᬮᬶᬂᬢᭂᬫᬗᬶᬦ᭄᭞ᬲᬶᬓᭂᬧ᭄ᬦᬕᬭ᭞ᬧᬕᭂᬄᬫᬗᬶᬢᭂᬃ᭠
ᬢᬶᬢᬶᬩ᭄᭟ᬍᬫᭂᬂᬍᬫᬄᬫᬲᬸᬦ᭄ᬤᬮ᭄ᬲᬸᬦ᭄ᬤᬮᬦ᭄ᬜᬗ᭄ᬕ᭄ᬭ᭞ᬫᬗ᭄ᬓᬶᬦ᭄ᬓᭀᬘᬧᬂᬯᭂᬗᬶ᭞ᬲᬕᬾᬢ᭄ᬦ᭄ᬤᬤᬓ᭄ᬢᭂᬓᬳᬶᬲᬹᬭᬤᬤᬹᬧᭂᬘᬓ᭄᭞ᬓᬧᬭᬬᬫᬫᬭᬦᬶᬦ᭄᭞ᬭᬶᬂᬓ᭄ᬮᬧᬫᬸᬤ᭞ᬓᬸᬝᬵᬦᬾᬓᭂᬮᭀᬤ᭄ᬓᬳᬸᬗ᭄ᬲᬶ᭟ᬧᬶᬮᬶᬄ
ᬲᬶᬜᬲᬸᬩᬢᬢᬲ᭄ᬦᬶᬗᭂᬄᬳᭀᬃᬢ᭄ᬢ᭞ᬲᬶᬳᬢᬾᬤᬶᬦᬕᬭᬶ᭞ᬓ᭄ᬭᬡᬵᬩᬳᬸᬦᬶᬜ᭄ᬘᬧ᭄᭞ᬚᭂᬩᬕ᭄ᬓᬮᬶᬦ᭄ᬢᬂᬢᬗᬃ᭞ᬫᬶᬤᭂᬃᬫᬩ᭄ᬭᬶᬬᬸᬓ᭄ᬦᭂᬫᬗᬶᬦ᭄᭞ᬩᬦ᭄ᬩᭂᬤᬶᬮ᭄ᬕᬗ᭄ᬲᬃ᭞ᬫᬭᬶᬬᭂᬫ᭄ᬜᬫ᭄ᬩᬋᬗᬶᬦ᭄᭟ᬢᬸᬯᬶᬧᭂᬲᬸᬗᭂᬲ᭄ᬗᭂᬲᭂ
Page:Bali-lontar-gaguritan-rusak-sasak-01-300ppi.pdf/45
This page has been proofread.
