[᭔᭓43B]
ᬦ᭄ᬤᬂᬓᬦᬶᬦ᭄᭞ᬧᬤᬰᬤᬰᬬᬦ᭄᭞ᬦᬾᬓᭂᬦᬳᬧᬶᬲᬦᬦ᭄᭞ᬫᬸᬜᬸᬦ᭄ᬩᭂᬤᬶᬮ᭄ᬲᬯᬂᬓᬤᬶ᭞ᬓᭂᬭᬸᬕ᭄ᬫᬘᬦ᭄ᬥ᭞ᬓᬶᬮᬧᬾᬮᬶᬦ᭄ᬢᬂᬢᬶᬢᬶᬃ᭟ᬩᬦ᭄ᬲᬼᬤᬾᬢᬦ᭄ᬳᭀᬩᬢ᭄ᬩᭂᬤᬶᬮᬾᬢᬦ᭄ᬧᭂᬕᬢ᭄᭞ᬭᬱᬗᬸᬯᬸᬕᬂᬮᬗᬶᬢ᭄᭞
ᬧ᭄ᬭᬂᬧᬥᬭᬵᬚ᭞ᬧᬥᬢᬸᬳᬭᬓᬶᬭᬶᬕᬦ᭄᭞ᬦᬾᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬳᬶᬤᬅᬦᬓ᭄ᬤ᭞ᬓᭂᬢᬸᬢ᭄ᬓᬭᬗ᭄ᬳᬲᭂᬫ᭄ᬕᭂᬮᬶᬲ᭄᭟ᬲᬫ᭄ᬧᬸᬦ᭄ᬢᬸᬓ᭄ᬓᬫᬢᬢᬫ᭄ᬫᬓᬮᬶᬗ᭄ᬕ᭞ᬫᬗ᭄ᬭᬶᬳᬶᬦᬶᬦ᭄ᬫ᭄ᬩᭂᬤᬶᬮᬶᬦ᭄᭞ᬦᬾᬤᬶᬚᭂᬩᬕ᭄᭠
ᬧᬚᬂ᭞ᬳᬓᬸᬤᬂᬯᬮᬶᬓᭀᬘᬧ᭄᭞ᬳᬶᬲᬹᬭᬤᬥᬹᬫᭀᬦ᭄ᬤᭀᬓᬶᬦ᭄᭞ᬲᬓᬶᬂᬩᬸᬢᭂᬓᬵ᭞ᬓᬸᬫ᭄ᬧᭂᬦᬶᬓᬦᬕᬭᬶ᭟ᬲᬹᬭᬤᬥᬹᬫᬗ᭄ᬯᬍᬲ᭄ᬢᬸᬳᬭᬓᬶᬍᬲᬦ᭄᭞ᬫ᭄ᬩᭂᬤᬶᬮ᭄ᬓᬩᭂᬤᬶᬮ᭄ᬢᬶᬢᬶᬃ᭞ᬚᬺᬦᬢ᭄ᬫᬢᬶᬫ᭄ᬩᬮᬦ᭄᭞
ᬭᬱᬜᬩᬸᬓᬳᭀᬬᬕ᭄᭞ᬕᬸᬫᬶᬦᬾᬩᬦ᭄ᬫᬸᬜᬶᬦ᭄ᬩᭂᬤᬶᬮ᭄᭞ᬫᬶᬫᬶᬲ᭄ᬫᬘᬦ᭄ᬤ᭞ᬧᬥᬲᬮᬾᬂᬧᬶᬲᬶᬮᬶᬄ᭟ᬯᬦ᭄ᬢᬄᬚᬳᬦ᭄ᬧᬬᬸᬥᬦᬾᬲᬫᬶᬯᬶᬢ᭞ᬢᬸᬳᬭᬫᬗᬶᬢᬸᬂᬫᬢᬶ᭞ᬦᬾᬫᬗ᭄ᬓᬶᬦ᭄ᬓᬳᬸᬘᬧ᭄᭞ᬯᬶᬃᬬ᭄ᬬᬚ᭠
[᭔᭔44A]
ᬚᬮᬚᬩᬸᬤᬮ᭄᭞ᬢᬦ᭄ᬧᬫᬶᬢ᭄ᬦᬶᬗ᭄ᬕᬮ᭄ᬦᬕᬭᬶ᭞ᬲᬳᬓᬳᬸᬮᬵ᭞ᬧᬺᬫᬾᬦᬓ᭄ᬳᬶᬤᬲᬫᬶ᭟ᬲᬲᭀᬭᭀᬳᬦ᭄ᬓᬭᬗ᭄ᬳᬲᭂᬫ᭄ᬲᬫᬶᬕᬾᬦ᭄ᬢᬲ᭄᭞ᬫᬗ᭄ᬲᬶᬕᬸᬦᬸᬂᬲᬭᬶ᭞ᬢᬫᬦ᭄ᬦᭂᬧᬶᬄᬳᬮᬲ᭄᭞ᬫᬫᭂᬢᭂᬂᬩᬶᬮᬂᬫᬃᬕ᭄ᬕ᭞
ᬢᬸᬫ᭄ᬩᬓ᭄ᬩᭂᬤᬶᬮᬾᬫᬕᬢᬶᬓ᭄᭞ᬲᭀᬢᬦᬶᬂᬕᬗ᭄ᬲᬃ᭞ᬧᬚᬮᬦᬾᬫᬜ᭄ᬚᬶᬕ᭄ᬚᬶᬕ᭄᭟ᬯᬦ᭄ᬢᬄᬚᬦ᭄ᬢᭂᬦ᭄ᬓ᭠ᬩᬯᭀᬲ᭄ᬢᬸᬳᬭᬩᬸᬳᬸᬗᬦ᭄᭞ᬘᬓ᭄ᬭᬫᬢᬭᬫ᭄ᬓᬮᬶᬄ᭞ᬤᬾᬰᬧᬕᭂᬲᬗᬦ᭄᭞ᬧᬕᬸᬢᬦ᭄ᬧᬘᬂᬭᬸᬲᬓ᭄᭞
ᬓᬬᬸᬤᬳᬶᬦ᭄ᬩᬦ᭄ᬓᬸᬫ᭄ᬧᭂᬦᬶ᭞ᬢᭀᬂᬤᬸᬕᬮᬶᬦ᭄ᬢᬂ᭞ᬓᬮᬶᬄᬭᬳᬶᬦᬩᭂᬃᬲᬶᬄ᭟ᬢᬦ᭄ᬳᬶᬦᬸᬘᬧ᭄ᬳᬦᬓ᭄ᬤᬯᬶᬃᬬ᭄ᬬᬚᬮᬚ᭞ᬫᬗ᭄ᬓᬶᬦ᭄ᬘᬭᬶᬢᬦ᭄ᬫᬮᬶᬄ᭞ᬬᬸᬤᬦᬾᬭᬶᬂᬘᬓᬺ᭞ᬫᬢᬭᬫ᭄ᬫᬦᬶᬦ᭄ᬤᬶᬥᬂ᭞ᬓᬸᬤᬂᬲᬹᬭᬤᬥᬹᬫᬢᬶ᭞
ᬫᬓᬤᬶᬮᬾᬢ᭄ᬦᬦ᭄᭞ᬓᬧ᭄ᬢᬾᬦ᭄ᬉᬩ᭄ᬭᬸᬲ᭄ᬫ᭄ᬩᬾᬮᬦᬶᬦ᭄᭟ᬫᬳᬸᬲᬸᬗᬦ᭄ᬳᬶᬲᬹᬭᬤᬥᬹᬓᬾᬫᭂᬗᬦ᭄᭞ᬓᬾᬭᬶᬓᬦᬦ᭄ᬫ᭄ᬩᭂᬤᬶᬮᬶᬦ᭄᭞ᬧᬸᬗ᭄ᬓᬸᬃᬳᬋᬧ᭄᭞ᬫᬶᬫᬶᬲᬾᬩᬸᬓᬳᬸᬚᬦ᭄᭞ᬲᭀᬢᬦᬶᬂᬲᬶ᭠
Page:Bali-lontar-gaguritan-rusak-sasak-01-300ppi.pdf/44
This page has been proofread.
