[᭔᭒42B]
᭔᭒
ᬢᬶᬢᬶᬩ᭄᭞ᬢᬗ᭄ᬓᭂᬚᬸᬢ᭄ᬩᬗᬸᬦ᭄ᬗᬸᬭᬾᬧᬓ᭄᭞ᬧᬲᭂᬮᬸᬃᬫᬜ᭄ᬚᭂᬫᬓ᭄ᬩᭂᬤᬶᬮ᭄᭞ᬫᬶᬯᬄᬓᬮᬾᬯᬂᬢᬭᬶᬓ᭄᭞ᬧᬭᬾᬭᬾᬢ᭄ᬫᬢᬶᬫ᭄ᬩᬮ᭄ᬜᬮᬸᬂ᭞ᬕᬕᬸᬧᭂᬓᬦ᭄ᬢᬦ᭄ᬧᭂᬕᬢ᭄᭞ᬦᬭᬸᬗ᭄ᬢᬸᬂᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭞ᬫᬓᬯᬗ᭄ᬲᬶᬢ᭄ᬗᬢᭂᬧᬸ᭠
ᬓᬶᬦ᭄ᬤᬸᬃᬫ᭄ᬫᬗ᭄ᬕᬮᬵ᭚᭜᭚ᬧᬸᬧᬸᬄ᭞᭗᭞ᬤᬹᬃᬫ᭄ᬫᬵ᭚ᬰ᭄ᬭᬶᬧᬤᬸᬓᬢᬸᬯᬦ᭄ᬋᬱᬶᬤᬾᬦ᭄ᬮᬶᬄᬚᬾᬦ᭄ᬤ᭄ᬭᬮ᭄᭞ᬲᬳᬶᬭᬶᬗᬦᬾᬲᬫᬶ᭞ᬫᬓᬤᬶᬧᬸᬗ᭄ᬕᬯ᭞ᬭᬶᬂᬲᬶᬗ᭄ᬳᬵᬭᬵᬚᬳᬶᬤ᭞ᬳᬸᬦ᭄ᬢᬢ᭄ᬋᬚᬸᬲᬫᬶᬕᬶᬦ᭄ᬢᬶᬂ᭞ᬫ᭄ᬩᬸᬤᬮᬶᬦ᭄ᬧᬸᬭᬵ᭞
ᬓᬯᬸᬳᬦ᭄ᬭᬯᬸᬄᬕᭂᬮᬶᬲ᭄᭟ᬤᬗᬶᬦ᭄ᬧᬲᬃᬲᬹᬭᬤᬰᬹᬲᬫ᭄ᬧᬸᬦ᭄ᬦᬧᬓ᭄᭞ᬲᬫᬶᬫᬗᬕᭂᬫ᭄ᬩᭂᬤᬶᬮ᭄᭞ᬭᬭᬶᬲ᭄ᬓᬢᬸᬤᬸᬳᬂ᭞ᬫᬗᬯᬍᬲ᭄ᬩᬦ᭄ᬲᬶᬦᬧᬂ᭞ᬧᬥᬫᬗᬋᬧᬸᬦ᭄ᬧᬸᬭᬶ᭞ᬫᬲ᭄ᬭᬶᬬᬓ᭄ᬕᬗ᭄ᬲᬃ᭞ᬳᬶᬲᬹᬭᬤᬥᬹᬫ᭄ᬩᭂᬤᬶ᭠
ᬮ᭄᭟ᬯ᭄ᬯᬂᬦᬕᬭᬦᬾᬢᬦ᭄ᬯ᭄ᬭᬸᬄᬩᬗᬸᬦ᭄ᬗᬸᬭᬾᬧᬓ᭄᭞ᬫᬜ᭄ᬚᭂᬫᬓ᭄ᬢᬸᬫ᭄ᬩᬓ᭄ᬩᭂᬤᬶᬮ᭄᭞ᬳᬦᬓᬧᬸᬧᬸᬗᬦ᭄᭞ᬩᬗᬸᬦᬾᬧᬢᬶᬕᬩᬕ᭄᭞ᬫᬋᬩᬸᬢ᭄ᬮᬾᬫ᭄ᬧᭀᬢ᭄ᬭᬶᬂᬭᬩᬶ᭞ᬲᬳᬸᬄᬓᭂᬤᭂᬗᬦ᭄᭞ᬩᬾᬦ᭄ᬤᬂᬤᬍᬫᬾᬓᭂᬦᬶ᭟
[᭔᭓43A]
ᬓᬸᬮ᭄ᬓᬸᬮ᭄ᬢᬭᬶᬓ᭄ᬩᬶᬮᬂᬩᬜ᭄ᬚᬃᬲᬳᬭᬸᬲᬓ᭄᭞ᬕᭂᬮᬶᬲ᭄ᬦᬫ᭄ᬧᭂᬓᬶᬦ᭄ᬧᬸᬭᬶ᭞ᬲᭀᬭᭀᬄᬩᬢᬸᬩᬢ᭞ᬧᬋᬓᬦ᭄ᬓᬮᬶᬄᬭᭀᬩᬦ᭄᭞ᬫᬗ᭄ᬭᬜ᭄ᬚᬶᬂᬓᬧᬸᬭᬶᬲᬫᬶ᭞ᬫᬧᭂᬜ᭄ᬘᬃᬕᭂᬦᬄ᭞ᬦᭂᬧᬶᬄᬧᬜᭂᬗ᭄ᬓᭂᬃᬢᬶᬢᬶᬩ᭄᭟ᬓᬮᬶᬄᬳᭂᬦ᭄ᬢᭀ
ᬦᬾᬫᬦᬸᬕᬸᬃᬗᭂᬫᬶᬢ᭄ᬧᬸᬭ᭞ᬭᬹᬱᬲᬾᬗᭂᬄᬫᬗᭂᬮᭀᬦᬶᬦ᭄᭞ᬢᬸᬳᬭᬩᬸᬳᬸᬗᬦ᭄᭞ᬧᬘᬂᬫᬯ᭠ᬗᬸᬦ᭄ᬬᬸᬤ᭞ᬧᬳᬋᬳᭀᬯᬾᬓᬓᬸᬫ᭄ᬧᭂᬦᬶ᭞ᬫᬓ᭄ᬭᬡᬵᬦᬧᬓ᭄᭞ᬢᬾᬫ᭄ᬩᭀᬓᬾᬓᬘ᭄ᬭᭀᬗ᭄ᬘᭀᬗᬶᬦ᭄᭟ᬦᬾᬫᬦᭂᬧᬶᬄ
ᬫᬃᬕ᭄ᬕᬶᬳᬕᬸᬂᬦᬗ᭄ᬳᬶᬂᬲᬫᬃ᭞ᬓᬮᬶᬄᬯᬾᬦ᭄ᬢᭂᬦ᭄ᬦᭂᬕᭂᬳᬶᬦ᭄᭞ᬭᬭᬾᬦ᭄ᬯᬯᬗᬸᬦᬦ᭄᭞ᬦᬓ᭄ᬅᬕᬸᬂᬩᬕᬸᬲ᭄ᬓᬃᬣ᭞ᬧᬸᬢ᭄ᬭᬦ᭄ᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭞ᬩᬳᬸᬢᬭᬸᬡᬵ᭞ᬯᬶᬚᬶᬮᬶᬂᬲᬓᬶᬂᬦᬯᬶᬂ᭟ᬳᬸᬮᬶᬤᬶᬢᬸᬧᬕᬫᭂᬮᬾᬤᬶᬚ᭄ᬭᭀᬧᬸᬭ᭞
ᬕᬗ᭄ᬲᬃᬫᬗ᭄ᬭᬍᬲ᭄ᬫ᭄ᬩᭂᬤᬶᬮ᭄᭞ᬫ᭄ᬩᭂᬤᬶᬮ᭄ᬓᬩᭂᬤᬶᬮᬦ᭄᭞ᬳᬶᬲᬹᬭᬥᬹᬲᬸᬩ᭞ᬓᬓᬩᬼᬢᬂᬓᬳᬶᬤᭂ᭠ᬭᬶᬦ᭄᭞ᬢᬸᬳᬭᬓᬶᬍᬲᬦ᭄᭞ᬕᬕᬸᬧᭂᬓᬜᬢᬶᬢᬶᬃ᭟ᬮᭀᬂᬮᬶᬦᭀᬗᬦ᭄ᬫᬸᬲᬸᬄᬭᭀᬯᬂᬧᬚᬸᬮᬾᬫ᭄ᬧᬂ᭞ᬳᬤᬫᬦ
Page:Bali-lontar-gaguritan-rusak-sasak-01-300ppi.pdf/43
This page has been proofread.
