[᭔᭕45B]
᭔᭕
ᬲᭂᬦ᭄ᬤᬶᬢᬸᬫᭂᬦ᭄ᬤᬓ᭄᭞ᬳᬯᬦᬦ᭄ᬩᬾᬩᬲ᭄ᬮᬭᬶᬲ᭄᭞ᬧᬚᬮᬦᬾᬢᭂᬓᬵ᭞ᬤᬶᬤᬚᬦ᭄ᬧ᭄ᬭᬦᬕᬭ᭞ᬫᬸ᭠ᬜᬶᬦ᭄ᬧ᭄ᬭᬾᬭᬾᬢ᭄ᬜᬗᭂᬫ᭄ᬩᬢᬶᬦ᭄᭞ᬧᬶᬮᬶᬄᬗ᭄ᬯᬗ᭄ᬲᬶᬢᬂ᭞ᬗᬚᬓᬶᬦ᭄ᬓᬓᬶᬲᬶᬓ᭄᭟ᬲᬓᭀᬫ᭄ᬧᭂᬦᬶᬲᬦᬾᬓᬭᬶᬚ᭄ᬭᭀᬦᬶᬂ
ᬘᬓᬺ᭞ᬓᬭᬂᬚᬦ᭄ᬓᭀᬂᬲᬫᬮᬶᬄ᭞ᬯᬶᬳᬓ᭄ᬢᬶᬲᬦᬕᬭ᭄᭞ᬲᬓᬶᬤᬸᬮ᭄ᬓᬧᬸᬳᬦ᭄ᬧᬸᬭ᭞ᬧᬥᬗᭂᬓᭂᬲ᭄ᬮᬸ᭠ᬬᬸᬲᬫᬶ᭞ᬢᬸᬳᬭᬜ᭄ᬚᬕ᭄ᬭᬚᬕ᭄᭞ᬲᬧᬫᬃᬕ᭄ᬕᬶᬦ᭄ᬓᬸᬫ᭄ᬧᭂᬦᬶ᭟ᬩᬾᬜ᭄ᬚᬂᬩᬳᬸᬦᬧᬓ᭄ᬦᬫᬶᬤᬯᬸᬄᬯᬶᬕ᭞ᬳᬸᬘᬧᬂᬳᬶ
ᬓᬸᬫ᭄ᬧᭂᬦᬶ᭞ᬦᬾᬧᭂᬘᬓ᭄ᬫᬫᬃᬕ᭄ᬕ᭞ᬓᬤᬾᬰᬩᬢᬸᬓ᭄ᬮᬶᬬᬂ᭞ᬭᬯᬸᬄᬧᬘᬂᬓᬦᬕᬭᬶ᭞ᬓᬸᬝᬵᬦᬾᬧᬹᬃᬯ᭄ᬬ᭞ᬳᬶᬭᬶᬓᬓᬫᬃᬕ᭄ᬕᬶᬦᬶᬦ᭄᭟ᬦᬾᬤᬶᬰ᭄ᬯᬾᬢᬢᬸᬯᬶᬲᬸᬩᬓᬲᬗ᭄ᬕ᭄ᬭᬳ᭞ᬳᬦ᭄ᬢᬸᬓ᭄ᬯᬢᭂᬓ᭄ᬩᬩᭂᬘᬶᬓ᭄᭞ᬧᬺᬧᬸᬢᬺᬫᬮᬶᬗ᭄ᬕ᭞
ᬦᬓ᭄ᬅᬕᬸᬂᬩᬕᬸᬲ᭄ᬓᬃᬣ᭞ᬢᬾᬫ᭄ᬩᭀᬓ᭄ᬲᬫ᭄ᬧᬸᬦ᭄ᬓᬘ᭄ᬭᭀᬜ᭄ᬘᭀᬗᬶᬦ᭄᭞ᬲᬮᬦ᭄ᬢᬂᬫᬃᬕ᭄ᬕ᭞ᬧᬸᬗ᭄ᬕᬯᬫᬗᬾᬦ᭄ᬢᭂᬭᬶᬦ᭄᭟ᬩᬳᬸᬦᬧᬓ᭄ᬳᬶᬓᬸᬫ᭄ᬧᭂᬦᬶᬚ᭄ᬭᭀᬦᬶᬂᬓᬸᬝᬵ᭞ᬓᬭᬶᬳᬶᬦᬶᬦ᭄ᬓᬩᭂᬤᬶᬮ᭄᭞ᬲᬓᬶᬂᬓᬸᬚ᭄ᬭᭀᬦᬶᬂᬓᬭᬂ᭞ᬳᬶᬲᬹᬭᬤ
[᭔᭖46A]
ᬥᬹᬩᬸᬬᬃ᭞ᬢᬗ᭄ᬓᭂᬚᬸᬢ᭄ᬳᬓᬾᬄᬫᬮᬳᬶᬩ᭄᭞ᬳᬤᬗᬗᬶᬦᬂ᭞ᬳᬤᬗᬯᬸᬳᬂᬘ᭄ᬭᬶᬦᬶᬓ᭄᭟ᬭᬄᬢᬦ᭄ᬫᬳᬲᬶ᭠ᬳᬢ᭄ᬤᬶᬦᬕᬭ᭞ᬳᬤᬦᬾᬩᬦᬶᬫᬢᬶ᭞ᬫᬢᬓᭂᬃᬫᬸᬲᬸᬗᬦ᭄᭞ᬫᬗ᭄ᬮᬯᬦ᭄ᬚ᭄ᬭᭀᬦᬶᬂᬓᬭᬂ᭞ᬓᬾᬭᬶᬓᬦᬦ᭄ᬫᬫ᭄ᬩᭂᬤᬶ
ᬮᬶᬦ᭄᭞ᬲᬶᬓᭂᬧ᭄ᬦᬕᬭ᭞ᬩᭂᬤᬶᬮᬾᬫᬗᬸᬫᬳᬶᬦ᭄᭟ᬳᬓᬾᬄᬫᬢᬶᬳᬶᬲᬹᬭᬤᬥᬹᬓᬾᬫᭂᬗᬦ᭄᭞ᬲᬫ᭄ᬩᭂᬄᬩᬸᬬᬃᬫᬓᬶᬦ᭄ᬓᬶᬦ᭄᭞ᬫᬗ᭄ᬯᬍᬲ᭄ᬫᬗ᭄ᬭᬸᬲᬓ᭄᭞ᬲᬶᬂᬢᬶᬗ᭄ᬓᬄᬓᬳᬩᬦᬦ᭄᭞ᬯᬾᬦ᭄ᬢᭂᬦ᭄ᬧ᭄ᬭᬬᬫᬗᬸᬗ᭄ᬕᬳᬶᬦ᭄᭞ᬓᬶᬓᬶᬲ᭄
ᬳᬾᬗ᭄ᬕᬮᬦ᭄᭞ᬓᬢᬸᬫ᭄ᬩᬓ᭄ᬓᬓ᭄ᬮᬾᬯᬗᬶᬦ᭄᭟ᬓᬪᬶᬦᬯᬲᬶᬳᬢᬾᬩᬸᬓᬤᬶᬲᬸᬭᬢ᭄᭞ᬳᬶᬲᬹᬭᬤᬥᬹ᭠ᬓᬶᬗᬶᬦ᭄᭞ᬫᬗ᭄ᬭᬱᬓᭀᬘᬶᬯ᭞ᬳᬤᬕᭂᬮᬶᬲ᭄ᬜᭂᬗᬳᬂ᭞ᬓᬭᬂᬲᬸᬯᬸᬂᬲᬶᬲᬶᬦ᭄ᬫᬃᬕ᭄ᬕᬶ᭞ᬤᬶᬢᬸᬫᬲ᭄ᬭᬶᬬᬓ᭄᭞ᬳᬶᬲᬹᬭᬤ
ᬥᬹᬗ᭄ᬭᬜ᭄ᬚᬶᬂ᭞ᬢᬸᬯᬶᬬᬢ᭄ᬦᬲᬶᬓᭂᬧ᭄ᬦᬕᬭᬦᬾᬳᬾᬗ᭄ᬕᬮ᭄᭞ᬫᬗᬶᬢᭂᬃᬢᬸᬳᬭᬧᬶᬳᬶᬦ᭄᭞ᬚᬕᬺᬓ᭠ᬳᬾᬦ᭄ᬢᭂᬭᬦ᭄᭞ᬲᬶᬂᬕᬜ᭄ᬚᬶᬄᬓᬲᬗ᭄ᬓᬺᬩᬩ᭄᭞ᬤᬾᬦᬶᬂᬲᬤᬯᬾᬦ᭄ᬢᭂᬦ᭄ᬓᬭᬶ᭞ᬧᬶᬮᬶᬄᬳᬢᬸᬲᬦ᭄᭞ᬳᬶᬲᬹᬭᬤᬥᬹᬦᭂ
Page:Bali-lontar-gaguritan-rusak-sasak-01-300ppi.pdf/46
This page has been proofread.
