[᭓3B]
᭓
ᬫᬸᬄᬮᬦ᭄ᬤᬸᬄᬲᬸᬓᬯᬶᬃᬬ᭄ᬬ᭞ᬲᬓᬸᬯᬸᬫ᭄ᬧ᭄ᬭᬾᬦ᭄ᬢᬄᬲᬫᬶ᭞ᬯᬶᬪᬹᬄᬢᬦ᭄ᬓᬢᬸᬦᬦ᭄ᬪᬭᬡᬲᬃᬯ᭄ᬯᬫᬸᬮ᭄ᬬ᭞ᬭᬾᬄᬗᬰᬰᬶᬄᬲᬩᭂᬄᬭᬶᬗ᭄ᬕᬶᬢ᭄᭞ᬲᬓᬶᬂᬧᬳᬶᬘᬦ᭄᭞ᬰ᭄ᬭᬶᬫᬳᬵᬭᬵᬚᬧᬸᬢ᭄ᬭᬶ᭞ᬤᬸᬳᬦᬶᬂᬚᭂᬚᭂᬓᬳ
ᬓᬸᬗᬦᬾᬓᬵᬲ᭄ᬢᬯ᭞ᬢᭀᬂᬳᬤᬗᬶᬧᬶᬓᬶᬧᬶᬓ᭄᭞ᬬᬾᬦ᭄ᬳᬓᬸᬤᬂᬤᬾᬰ᭞ᬦᬕᬭᬦᬾᬓᬘ᭠ᬬ᭞ᬢᬦ᭄ᬳᭀᬧᭂᬦ᭄ᬧᬺᬭᬢᬸᬩᬮᬶ᭞ᬦᬸᬭᬸᬢ᭄ᬲᬸᬧ᭄ᬭᬾᬦ᭄ᬢᬄ᭞ᬭᬶᬂᬮᭀᬫ᭄ᬩᭀᬓ᭄ᬫᬶᬦᬓᬤᬶ᭟ᬓᬾᬦᬾᬋᬓᭀᬧᬹᬃ
ᬯ᭄ᬯᬓᬦ᭄ᬤᬜᬤᬃᬢ᭄ᬢᬬᬂ᭞ᬫᬓ᭄ᬭᬡᬵᬩᬾᬩᬲ᭄ᬮᬭᬶᬲ᭄᭞ᬚᬕᬢᬾᬤᬶᬲᬲᬓ᭄᭞ᬓᬳᬫ᭄ᬩᬶᬮ᭄ᬳᬦ᭄ᬢᬸᬓ᭄ᬳᬶᬤ᭞ᬰ᭄ᬭᬶᬩᬕᬾᬦ᭄ᬥᬭᬵᬚᬧᬸᬢ᭄ᬭᬶ᭞ᬩᬸᬓᬤᬤᬓᬂ᭞ᬧᬳᬶᬗᬦᬦᬾᬍᬫ᭄ᬧᬶᬃ᭟ᬳᬶᬤᬅᬦᬓ᭄ᬅᬕᬸᬂᬕ᭄ᬥᬾᬗᬸ
ᬭᬄᬓᬭᬂ᭞ᬳᬲᭂᬫ᭄ᬗ᭄ᬯᬶᬰᬾᬱᬲᬫᬶ᭞ᬦᬾᬭᬶᬂᬚᬕᬢ᭄ᬲᬲᬓ᭄᭞ᬫᬶᬯᬄᬤᬶᬩᬮᬶᬓᬭᬂ᭞ᬳᬲᭂᬫ᭄ᬧᬧ᭄ᬭᬾᬦ᭄ᬢᬳᬦ᭄ᬢᬸᬗ᭄ᬕᬶᬮ᭄᭞ᬧᬸᬗ᭄ᬕᬯ᭄ᬯᬳᬶᬤ᭞ᬯᬢᭂᬓ᭄ᬯᬕ᭄ᬫᬶᬫᬗᬩᬶᬄ᭟ᬫᬳᬯᬶᬦᬦ᭄ᬲᬶᬤᬓᬺᬢ᭄ᬢᬲᬃᬯ᭄ᬯᬫᬸᬤᬄ
[᭔4A]
ᬕᭂᬫᬸᬄᬮᬦ᭄ᬤᬸᬄᬲᬶᬂᬳᬮᬶᬄ᭞ᬯᬶᬬᬓ᭄ᬢᬶᬯᬦ᭄ᬢᬄᬳᬶᬤ᭞ᬧᬕᭂᬄᬧᬶᬲᬦ᭄ᬗᬃᬬ᭄ᬬᬦᬂ᭞ᬫᬗ᭄ᬤᬾᬢᬺᬧ᭄ᬢᬶᬦᬶᬂᬦᬕᬭᬶ᭞ᬤᬸᬯᬦᬶᬂᬢᬦ᭄ᬧᭂᬕᬢ᭄᭞ᬫᬯᬗᬸᬦ᭄ᬬᬚ᭄ᬜᬵᬓᬾᬃᬢᬶ᭟ᬢᬹᬃᬢᬦ᭄ᬫᬋᬦ᭄ᬜᬮᬦᬂᬪᬯ᭄ᬯᬮᬓ᭄ᬱᬡ
᭞ᬥᬃᬫ᭄ᬫᬲᬹᬩ᭄ᬭᬢ᭄ᬢᬕᭂᬦᬶᬂ᭞ᬥᬭᬡᬵᬲᬦ᭄ᬢᭀᬱ᭞ᬳᬋᬧ᭄ᬭᬶᬂᬧᬳᬘᬶᬳᬦ᭄᭞ᬭᬶᬂᬰ᭄ᬭᬶᬭᬵᬚᬭᬶᬂᬪᬝᬵᬯᬶ᭞ᬢᭂᬢᭂᬧ᭄ᬗ᭄ᬕᬯᬾᬦᬂᬩᬩᬯᭀᬲ᭄ᬢᬺᬱ᭄ᬡᬳᬲᬶᬄ᭟ᬯᬶᬭᬾᬄᬯᬾᬦᬵᬢᭂᬦ᭄ᬧᬦᬫᬬᬫᬸᬗ᭄ᬕᬸᬳᬶᬂᬓᭀᬦ᭄ᬢ᭄ᬭᬓ᭄᭞
ᬢᭂᬭᬂᬫᬕᬸᬭᬶᬢ᭄ᬯᭂᬲᬶ᭞ᬲᭀᬮᬄᬫᬳᬲᬶᬳᬦ᭄᭞ᬳᬧᬂᬢᬸᬳᬭᬤᬳᭀᬩᬄ᭞ᬦᬸᬭᬸᬢ᭄ᬲᬧᬺᬳᬾᬮᬦ᭄ᬲᬫᬶ᭞ᬳᬩᭀᬢ᭄ᬧᬸᬳᬭᬜ᭞ᬬᬦ᭄ᬢᬸᬳᬭᬫᬫᬶᬢᬶᬦ᭄ᬥᬶᬄ᭟ᬗᬸᬂᬓᬩᬢᭂᬓ᭄ᬳᬦ᭄ᬢᬸᬓ᭄ᬬᬸᬕᬦᬾᬗᬲᭀᬭᬂ᭞
ᬅᬦᬓᬾᬅᬕᬸᬂᬮᬶᬗ᭄ᬲᬶᬃ᭞ᬓᬶᬭᬂᬧᬜᬸᬧᬾᬓ᭄ᬱ᭞ᬢᭂᬓᬯᭂᬓᬲ᭄ᬧᬃᬡᬘ᭄ᬮᬬ᭞ᬭᬶᬂᬩᬩᬯᭀᬲ᭄ᬳᬶᬳᬦᬓ᭄ᬯᬶᬬᬓ᭄ᬢᬶ᭞ᬲᬦᬾᬤᬸᬳᬸᬭᬦ᭄᭞ᬦᬗ᭄ᬳᬶᬂᬯᭂᬢᬸᬦᬾᬦᬯᬶᬂ᭟ᬦᬾᬫᬧᬭᬩ᭄ᬅᬦᬓ᭄ᬅᬕᬸᬗ᭄ᬫᬤᬾᬓᬭᬂ᭞ᬳᬲᭂ
Page:Bali-lontar-gaguritan-rusak-sasak-01-300ppi.pdf/4
This page has been proofread.
