[᭔4B]
ᬫ᭄ᬓᬗ᭄ᬕᭀᬗ᭄ᬭᬯᭀᬲᬶᬦ᭄᭞ᬳᬾᬤᬶᬚᬕᬢ᭄ᬲᬲᬓ᭄᭞ᬫᬸᬧᬸᬢᬂᬲᬧᬺᬳᬾᬮᬦ᭄᭞ᬳᬮᬳᬬᬸ᭠ᬚᬕᬢ᭄ᬲᬫᬶ᭞ᬗᬶᬓᬸᬢ᭄ᬲᭀᬪᬬ᭞ᬭᬯᬸᬳᬾᬓᬪᬝᬵᬯᬶ᭟ᬦᬾᬧᬗᬚᭂᬂᬅᬕᬸᬂᬓᭂᬢᬸᬢ᭄ᬓᬭᬂ
ᬳᬲᭂᬫ᭄ᬫᬭᬹᬧᬫᬭᬶ᭞ᬯᬶᬳᬓ᭄ᬢᬶᬓᭂᬤᭂᬂᬢᬶᬢᬄ᭞ᬧᬗ᭄ᬭᬯᭀᬲ᭄ᬯᭂᬢᬸᬳᬓᬲ᭄᭞ᬰᬹᬭᬅ᭠ᬫ᭄ᬮᬧᬸᬭᬵᬤᬤᬶ᭞ᬗᭂᬩᬸᬲᬶᬦ᭄ᬚᬕᬢ᭄᭞ᬭᬯᭀᬲᬾᬮᬶᬦ᭄ᬢᬂᬧᬶᬤᬶᬓ᭄᭟ᬧᬳᬶᬗᬦᬦ᭄ᬓᬮᬶᬬᬸᬕᬦᬾᬫᬫᭂᬭ᭠
ᬢ᭄᭞ᬳᭂᬦ᭄ᬢᭀᬓᬭᬡᬤᬤᬶ᭞ᬲᬲᭀᬭᭀᬳᬦ᭄ᬲᭂᬮᬫ᭄᭞ᬫᬹᬃᬓ᭄ᬓᬳᬶᬥᭂᬧ᭄ᬫᬫᬦ᭄ᬤᬮ᭄᭞ᬤᬾ᭠ᬰᬧᬭᬬᬫᬹᬃᬯ᭄ᬯᬦᬶᬦ᭄᭞ᬦᬶᬗ᭄ᬕᬮ᭄ᬫ᭄ᬩᬓᬢᬂ᭞ᬘᭀᬗᬄᬭᬶᬂᬭᬵᬚᬩᬮᬶ᭟ᬤᬸᬓ᭄ᬭᬶᬂᬤᬶᬦᬰᬸᬓᬺᬧᭀᬦ᭄ᬯᬭ
ᬧ᭄ᬭᬗ᭄ᬩᬓᬢ᭄᭞ᬢᬗ᭄ᬕᬮ᭄ᬧᬶᬂᬢᬶᬕᬰᬰᬶᬄ᭞ᬓᬭᭀᬫᬦᬸᬚᬸᬭᬄ᭞ᬢᬶᬕᬢᬹᬃᬢᭂᬗ᭄ᬕᭂᬓ᭄ᬢᬸᬗ᭄ᬕ᭠ᬮ᭄᭞ᬗᬰᬓᬜᬲᬶᬬᬩᬗ᭄ᬲᬶᬢ᭄᭞ᬦᬗ᭄ᬕᬸᬢᭂᬮᬸᬮᬲ᭄᭞ᬲᭂᬫᭂᬂᬩᬳᬸᬦ᭄ᬤᬕ᭄ᬳᬳᬶ᭟ᬓᬯᬶᬢ᭄ᬓᬢᬹᬃᬓᬦ᭠
[᭕5A]
ᬕᬭᬬᬳᬶᬧ᭄ᬭᬬ᭞ᬲᬶᬓᭂᬧ᭄ᬜᬦᬾᬤᬶᬫᬃᬕ᭄ᬕᬶ᭞ᬤᬯᬸᬂᬧᬸᬬᬸᬂᬗᭂᬦ᭄ᬢᬲ᭄᭞ᬧᬘᬂᬫᬦᬶᬜ᭄ᬘᬧ᭄ᬤᬾᬰ᭞ᬲᬸᬓᬭᬭᬤᬶᬢᬸᬭᬭᬶᬲ᭄᭞ᬰᬹᬭᬵᬫ᭄ᬮᬧᬸᬭᬵ᭞ᬳᬾᬕᬃᬳᬕᬾᬫᬧᬫᬶᬢ᭄᭟ᬭᬶᬂᬳᬶᬅᬚᬶᬧᬘᬂᬫᭂᬦ᭄ᬤᬓ᭄ᬳᬦ᭄ᬢᬸᬓ᭄ᬬᬸᬤ᭞ᬓᬸᬮ᭄ᬓᬸ
ᬮᬾᬫᬗᭂᬫ᭄ᬩᬸᬢᬶᬦ᭄᭞ᬩᬶᬮᬂᬤᬾᬰᬩᬜ᭄ᬚᬃ᭞ᬧᬸᬗ᭄ᬕᬯᬫᬭᬦ᭄ᬢᬳᬦ᭄᭞ᬲᬺᬕᭂᬧ᭄ᬗᬗ᭄ᬕᬾᬲᬃᬯ᭄ᬯᬩᭂᬘᬶ᭠ᬓ᭄᭞ᬲᭀᬭᬶᬂᬩᬜ᭄ᬘᬶᬗᬄ᭞ᬫᬫᭀᬳᭀᬲ᭄ᬭᬾᬜ᭄ᬘᬂᬢᬶᬢᬶᬩ᭄᭟ᬢᬸᬫ᭄ᬩᬓ᭄ᬩᭂᬤᬶᬮ᭄ᬫᬲᭀᬭᭀᬄᬲᭀᬭᭀᬳᬦ᭄
ᬦᬧᬓ᭄᭞ᬲᬶᬓᭂᬧᬾᬭᬶᬂᬦᬕᬭᬶ᭞ᬗᭂᬦᬄᬧᬥᬩᬸᬯᬸᬗᬄ᭞ᬲᬲᭂᬩᭂᬂᬧᬥᬳᬾᬕᬃ᭞ᬩᬸᬓᬢᬸᬳᬭᬩᬶᬲᬩᬶᬳᬶᬤ᭄᭞ᬫᬓᬢᬓᭂᬭᬦ᭄᭞ᬫᬢᬸᬫ᭄ᬩᬓ᭄ᬢᭂᬩᭂᬓ᭄ᬳᬶᬲᬶ᭟ᬰᬹᬭᬅᬫ᭄ᬮᬧᬸᬭᬵᬓᭀᬤᬮ᭄ᬓᬩᬜ᭄ᬘᬶᬗᬄ
ᬧᬗᬗ᭄ᬕᭀᬦᬾᬫᬗᭂᬦ᭄ᬤᬶᬄ᭞ᬯᬶᬳᬓ᭄ᬢᬶᬭᬵᬚᬧᬸᬢᬺ᭞ᬢᬸᬲ᭄ᬢᬸᬲ᭄ᬧᬸᬭᬸᬱᬭᬶᬂᬧᭂᬭᬂ᭞ᬗᭂᬲᬾᬗᬶᬦ᭄ᬧᬸᬗ᭄ᬕᬯᬲᬫᬶ᭞ᬦᬾᬗᬶᬭᬶᬂᬫᬗ᭄ᬓᬢ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬲᬶᬦᭂᬮᬶᬃ᭟ᬧᬓᬬᬸᬤᬦ᭄ᬳᬶᬤᬧᬘᬂᬫᬗ᭄ᬕᬫᭂᬮᬂ᭞ᬤᬾᬰᬓ᭠
Page:Bali-lontar-gaguritan-rusak-sasak-01-300ppi.pdf/5
This page has been proofread.
