[᭒2B]
᭒
ᬫᬜᭂᬮᬶᬃ᭟ᬭᬶᬂᬓᬧᬶᬂᬦᭂᬫ᭄ᬓᬸᬯᬾᬭᬭᬩ᭄ᬭᬢ᭄ᬢᬓᬾᬰ᭄ᬯᬃᬬ᭄ᬬ᭞ᬳᬾᬦᬓ᭄ᬫ᭄ᬪᬸᬓ᭄ᬢᬶᬲᬓᬧ᭄ᬢᬶ᭞ᬗ᭄ᬳᬶᬂᬢᬦ᭄ᬗᬢᭂᬍᬩᬂ᭞ᬩᬪᬹᬓ᭄ᬢ᭄ᬬᬦ᭄ᬫᬸᬯᬄᬳᬶᬦᬸᬫᬦ᭄᭞ᬬᬤᬶᬦ᭄ᬗᬗ᭄ᬕᬾᬦᬾᬍᬯᬶᬄ᭞ᬢᬦ᭄ᬓᬭᬓᭂᬢᬦ᭄᭞
ᬲᬫ᭄ᬧᬸᬦ᭄ᬗ᭄ᬮᬸᬕᬲ᭄ᬳᬮᬭᬶᬲ᭄᭟ᬮᬧᬶᬢᬸᬧᬰᬩ᭄ᬭᬢ᭄ᬢᬳ᭄ᬬᬂᬩᬭᬸᬡᬵ᭞ᬫᬲᬜ᭄ᬚᬢᬫᬳᬶᬗᬶᬤ᭄᭞ᬓ᭄ᬭᬸᬭᬦᬕᬧᬰ᭞ᬦᬮᬶᬦᬶᬦ᭄ᬳᬶᬤᬹᬃᬚ᭄ᬚᬦ᭞ᬦᬾᬧᬂᬧᬂᬗᬼᬢᬶᬳᬶᬦ᭄ᬕᬸᬫᬶ᭞ᬯᬶᬱ᭄ᬬᬦᬾᬫᬯᬓ᭄᭞ᬳᬸ᭠
ᬳᬸᬓᬸᬫ᭄ᬕᬦ᭄ᬢᬸᬂᬦᬶᬩᬾᬦᬶᬦ᭄᭟ᬓᬧᬶᬂᬳᬸᬮᬸᬅᬕ᭄ᬦᬶᬩ᭄ᬭᬢ᭄ᬢᬢᬸᬯᬭᬧᭂᬕᬢ᭄᭞ᬗ᭄ᬕᭂᬲᭂᬂᬳᬶᬲᬢ᭄ᬭᬸᬩᬺᬲᬶᬄ᭞ᬳᬲᬶᬂᬧᬭᬕ᭄ᬋᬩᬄ᭞ᬢᬸᬳᬭᬩᬦᬶᬫᬢᬗᬄ᭞ᬕᬮᬓᬾᬧᬺᬱᬶᬤ᭄ᬤᬳᬧᬶ᭞ᬫᬸᬭᬸᬩ᭄ᬤᬸᬫᬶᬮᬄ᭞ᬰᬹ
ᬭᬥᬶᬭᬗᬸᬧᬶᬦᬶᬦ᭄᭟ᬭᬾᬄᬯᬮᬸᬂᬳ᭄ᬬᬂᬧᬸᬧᬸᬮ᭄ᬭᬶᬂᬳᬗ᭄ᬕᬦ᭄ᬳᬶᬤ᭞ᬰ᭄ᬭᬶᬫᬳᬵᬭᬵᬚᬧᬸᬢ᭄ᬭᬶ᭞ᬤᬸᬯᬦᬶᬂᬓᬪᬶᬦᬯ᭞ᬍᬯᬶᬄᬢᬦ᭄ᬧᬢᬦ᭄ᬤᬶᬗᬦ᭄᭞ᬳᬦᬹᬢ᭄ᬭᬶᬂᬯᬃᬡ᭄ᬦᬶᬦᬾᬓᬤᬶ᭞ᬭᬢᬶᬄᬯᬮᬸᬬ᭞ᬲᬗ᭄ᬳ᭄ᬬᬂᬖᬶ
[᭓3A]
ᬭᬶᬦ᭄ᬤ᭄ᬭᬧᬸᬢ᭄ᬭᬶ᭟ᬫᬗ᭄ᬮᬶᬕᬦᬶᬦ᭄ᬳᬫ᭄ᬩᭂᬓ᭄ᬚᬕᬢᬾᬲᬢᬢ᭞ᬮ᭄ᬯᬶᬃᬢᬶᬃᬢ᭄ᬢᬫᬺᬢ᭄ᬢᬲᬸᬘᬶ᭞ᬦᬶᬃᬫ᭄ᬫᬮᬫᬮᬶᬮᬂ᭞ᬓᬭᬢᭀᬦᬾᬉᬢ᭄ᬢᬫ᭞ᬫᬗᭂᬩᭂᬓᬶᬦ᭄ᬕᬸᬫᬶᬮᬗᬶᬢ᭄᭞ᬬᬾᬦ᭄ᬢᭂᬓᬧᬃᬡ᭄ᬦ᭞ᬢᬸᬦᬩᬸᬥ᭄ᬤᬶᬦᬶᬂᬓᬯᬶ᭟ᬫᬗ᭄ᬓᬶᬦ᭄
ᬳᬸᬘᬧ᭄ᬦᬸᬫᬸᬂᬲᬢᬸᬩᬯᬄᬭᬵᬚ᭞ᬲᬓ᭄ᬱᬢ᭄ᬳ᭄ᬬᬂᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬳᬶᬤᬰ᭄ᬭᬶᬧᬵᬤᬸᬓ᭞ᬢᬸᬯᬦ᭄᭠ᬩᭂᬲᬃᬖ᭄ᬬᬹᬧᭂᬃᬦᬸᬃᬚᬾᬦ᭄ᬤ᭄ᬭᬮ᭄᭞ᬭᬵᬚᬩᬡᬯᬶᬗ᭄ᬕᬦ᭄ᬢᬶᬕᬦᬶᬦ᭄᭞ᬩᬸᬯᬢ᭄ᬓᬳᭀᬃᬫ᭄ᬫᬢᬦ᭄᭞ᬫ᭄ᬭᬾᬦ᭄ᬢᬄᬲᬩᬯᬄᬳ
ᬗᬶᬦ᭄᭟ᬧ᭄ᬭᬚ᭄ᬜᬦ᭄ᬭᬶᬭᬶᬄᬯᬶᬯᬾᬓᬚᬦᬦᬸᬭᬕ᭄ᬕ᭞ᬋᬭᬸᬱᬍᬯᬶᬄᬫᬶᬲ᭄ᬢᬶ᭞ᬢᬦ᭄ᬓᬳᬦᬦ᭄ᬳᭀᬩᬄ᭞ᬢᭂ᭠ᬧᭂᬢ᭄ᬯᬦ᭄ᬢᬄᬗᬃᬬᬦᬂ᭞ᬓᬫᭂᬮᬳᬦ᭄ᬚᬳᬕᬢ᭄ᬲᬫᬶ᭞ᬦᬾᬫᬫ᭄ᬩᭂᬓ᭄ᬥᬃᬫ᭄ᬫ᭞ᬢᬦ᭄ᬫᬋᬦ᭄ᬓᬲᬸᬓᬦᬶᬦ᭄᭟ᬫᬧᬺ᭠
ᬧᬜ᭄ᬘᬢᬸᬳᬲ᭄ᬢᬸᬲ᭄ᬢᬸᬲ᭄ᬤᬶᬲ᭄ᬯᬶᬭᬕᭀᬢᬺ᭞ᬲᬶᬦᭂᬮᬶᬃᬤᬶᬧᬵᬢᬶ᭞ᬩᬶᬮᬂᬧᬸᬮᭀᬤᬾᬰ᭞ᬦᬾᬲ᭠ᬫ᭄ᬧᬸᬦ᭄ᬓᬯᬶᬦᬬ᭞ᬫᭂᬜ᭄ᬘᬭᬂᬭᬯᭀᬲ᭄ᬭᬥᬶᬦ᭄᭞ᬦᬾᬫᬳᬯᬶᬦᬦ᭄᭞ᬢᬺᬢ᭄ᬢᬲᬮᬫᬶᬮᬫᬶ᭟ᬫᬗ᭄ᬭᬦᬬᬂᬕᭂ
Page:Bali-lontar-gaguritan-rusak-sasak-01-300ppi.pdf/3
This page has been proofread.
