[᭓᭗37A]
᭓᭗
ᬧᬯᬘᬦᬦ᭄᭞ᬳᬶᬤᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭟ᬩᬾᬜ᭄ᬚᬂᬩᬳᬸᬢᬢᬲ᭄ᬍᬫᬄ᭞ᬩᬢᬸᬩᬧᬋᬓᬦ᭄ᬦ᭠ᬧᬓ᭄ᬲᬫᬶ᭞ᬅᬦᬓ᭄ᬅᬕᬸᬂᬓᬮᬶᬄᬲᬫ᭄ᬧᬸᬦ᭄᭞ᬲᬫᬶᬫᬸᬗ᭄ᬕᬄᬭᬶᬂᬥᬫ᭄ᬧᬵ᭞ᬢᬜ᭄ᬘᬭᬶᬢᬤᬶᬫᬃᬕ᭄ᬕᬶᬭᬯᬸᬳᬾᬗ᭄ᬭᬦ᭄ᬢᬸᬦ᭄᭞ᬭᬶᬂ
ᬦᬕᬭᬓᭀᬢᬘᬓᬺ᭞ᬫᬗ᭄ᬭᬭᬶᬲ᭄ᬗ᭄ᬭᬜ᭄ᬚᬶᬂᬓᬧᬸᬭᬶ᭟ᬢᬦ᭄ᬧᬗᬦ᭄ᬢᬶᬤᬶᬦᬮᬶᬬᬦ᭄᭞ᬅᬦᬓ᭄ᬅᬕᬸᬂ᭠ᬗᬸᬭᬄᬗᬸᬢᬸᬲᬂᬕᭂᬮᬶᬲ᭄᭞ᬫᬳᬧᬶᬦᬦ᭄ᬓᬸᬤᬮᬚᬸ᭞ᬫᬗᬶᬦ᭄ᬳᬶᬳᬦᬓ᭄᭞ᬲᬦᬾᬲᬓᬶᬂᬩᬮᬶᬦᬾᬫᬗ᭄ᬓᬶᬦ᭄ᬫᬮᬸᬗ᭄ᬕᬸᬄ
ᬭᬶᬓᬢᬭᬮᭀᬤ᭄ᬧ᭄ᬭᬬ᭞ᬳᬶᬭᬶᬓᬕᭂᬦᬄᬗᬸᬓᬸᬳᬶᬦ᭄᭟ᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬢᬦ᭄ᬳᬸᬘᬧᬦ᭄ᬍᬫᭂᬂᬍᬫᬳᬾᬭᬭᬶᬲ᭄᭞ᬘᬭᬶᬢᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬯᬶᬃᬬ᭄ᬬᬚᬮᬦᬧᬓ᭄᭞ᬭᬶᬂᬦᬕᬭᬓᭀᬢᬘᬓᬺᬓᬮᬶᬄ
ᬲᬫ᭄ᬧᬸᬦ᭄᭞ᬳᬶᬳᬚᬶᬧᬸᬧᬸᬢ᭄ᬯᬘᬦ᭞ᬫᬶᬢᭂᬮᬲ᭄ᬭᬯᭀᬲᬾᬲᬫᬶ᭟ᬭᬶᬂᬧᬮᬶᬗ᭄ᬕᬶᬄᬳᬶᬤᬳᬶᬳᬦᬓ᭄ᬅᬦᬓ᭄ᬅᬕᬸᬂᬕᭂᬥᬾᬚ᭄ᬮᬦ᭄ᬝᬶᬓ᭄ᬓᭂᬦᬶ᭞ᬳᬶᬳᬭᬶᬓᬮᬶᬄᬲᬢᬸᬭᬸᬢ᭄᭞ᬳᬸᬦ᭄ᬢᬢ᭄ᬅᬫ᭄ᬮᬦᬕᬭ᭞ᬰᬹᬭᬅᬫ᭄ᬮ᭠
[᭓᭘38A]
ᬫᬶᬯᬄᬪᬳᬸᬥᬡ᭄ᬥᬧᬸᬧᬸᬢ᭄᭞ᬢᬦ᭄ᬧᬶᬯᬮ᭄ᬗᬶᬭᬶᬂᬯᬘᬦᬦ᭄᭞ᬳᬶᬤᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭟ᬢᬹᬃᬓᬤᬳᬸᬄᬭᬶᬂᬦᬕᬭ᭞ᬅᬦᬓ᭄ᬅᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄ᬫᬗ᭄ᬓᬶᬦ᭄᭞ᬭᬶᬂᬲᬲᬓ᭄ᬫᬓᬧᬦᬸᬭᬸᬢ᭄᭞ᬭᬶᬂᬩᬯᬄᬓᬭᬚᬳᬦ᭄
ᬫᬓᬤᬶᬜᬗᬋᬧᬶᬦ᭄ᬭᬯᭀᬲᬾᬓᬯᬸᬄ᭞ᬭᬶᬂᬓᬸᬫ᭄ᬧᭂᬦᬶᬭᬚᭀᬢ᭄ᬢᬫ᭞ᬳᬤᬶᬳᬧᬶᬦ᭄ᬫᬗ᭄ᬕᬶᬄᬯᬶᬲ᭄ᬢᬶ᭟ᬕᬗ᭄ᬲᬭᬦ᭄ᬩᬦ᭄ᬜᬢᬸᬳᬬᬂ᭞ᬩᬸᬓᬤᬤᬓ᭄ᬲᭂᬗ᭄ᬓᬮᬵᬕᬸᬂᬓᬧᬗ᭄ᬕᬶᬄ᭞ᬤᬾᬦ᭄ᬤᬦᬯᬂᬰᬰᬶᬄᬫᬢᬹᬃ᭞ᬭᬶᬂᬅᬦᬓ᭄
ᬅᬕᬸᬂᬗᬸᬭᬄ᭞ᬳᬦ᭄ᬢᬸᬓ᭄ᬳᬶᬤᬭᬵᬚᬧᬸᬢ᭄ᬭᬶᬧᬺᬦᬄᬧᬸᬢᬸ᭞ᬢᬭᬸᬡᬷᬚᬢᬶᬓᬧᬸᬢᬺ᭞ᬳᬦ᭄ᬢᬸᬓ᭄ᬤᬾᬯᬢᬦᬾᬭᬶᬳᬶᬦ᭄᭟ᬭᬶᬂᬫᬳᬶᬲ᭄ᬧᬢᬶᬧᬸᬦᬶᬓ᭞ᬅᬦᬓ᭄ᬅᬕᬸᬂᬧᬸᬢᬸᬦᬾᬗᬗ᭄ᬓᭂᬦ᭄ᬲᬶᬲᬶᬧ᭄᭞ᬕᬫᬶᬬᬫᬢᭂᬫᬸᬲᬮᬸᬮᬸᬢ᭄᭞ᬭᬶᬂ
ᬳᬶᬤᬰᬹᬭᬅᬫ᭄ᬮ᭞ᬅᬦᬓ᭄ᬅᬕᬸᬂᬗᬸᬭᬄᬓᬮᬶᬦ᭄ᬢᬂᬓᬾᬯᬸᬄ᭞ᬧᬸᬧᬸᬢ᭄ᬲᬫ᭄ᬧᬸᬦ᭄ᬓᬧᬭᬾᬓ᭄ᬱ᭞ᬩᬩᬯᭀᬲᬾᬲᬶᬦᬄᬕᭂᬮᬶᬲ᭄᭟ᬅᬦᬓ᭄ᬅᬕᬸᬂᬫᬤᬾᬓᬭᬂ᭞ᬓᬮᬶᬄᬳᬶᬤᬅᬦᬓᬾᬳᬶᬲ᭄ᬢ᭄ᬭᬶ᭞ᬦᬾᬲᬶ᭠
Page:Bali-lontar-gaguritan-rusak-sasak-01-300ppi.pdf/38
This page has been proofread.
