[᭓᭖36B]
᭓᭖
ᬓᬧᬯᬩᬦ᭄ᬫᬗ᭄ᬮᬸᬫ᭄ᬩᬃᬧᬸᬢ᭄ᬭᬢᬸᬳᬸ᭞ᬭᬾᬄᬲᭀᬢᬦᬶᬂᬭᬵᬚᬢᬸᬯ᭞ᬮᬮᬶᬭᬶᬂᬩᬩᬯᭀᬲ᭄ᬳᬤᬶᬮ᭄᭞᭟ᬢᬹᬃᬕᭂᬂᬢᬺᬱ᭄ᬡᬭᬶᬂᬳᬶᬳᬦᬓ᭄᭞ᬫᬳᬯᬶᬦᬦ᭄ᬲᬤᬯᭂᬕᬾᬦᬾᬗᬯᬶᬢ᭄᭞ᬢᬸᬯᬦ᭄ᬋᬲᬶᬤᬾᬦ᭄ᬧᭀᬮᬶᬄᬭᬯᬸᬄ᭞ᬓ
ᬲᬲᬓ᭄ᬤᬸᬓ᭄ᬫᬶᬂᬢᭂᬗᬄ᭞ᬫᬬᬸᬤᬦᬾᬓᬤᬗᬶᬦ᭄ᬚᬸᬭᬶᬂᬢᭀᬤᬶᬢᬸ᭞ᬲᬓᬶᬂᬫᬫ᭄ᬩᬸᬯᬢ᭄ᬧᬯᬘᬦ᭠ᬦ᭄᭞ᬰ᭄ᬭᬶᬧᬤᬸᬓᬭᬶᬂᬢᬯᬶ᭟ᬭᬶᬂᬅᬦᬓ᭄ᬅᬕᬸᬂᬗᬸᬭᬄ᭞ᬧᬘᬂᬫᬶᬦ᭄ᬢᬭᬯᭀᬲᬾᬫᬗ᭄ᬤᬾᬭᬳᬶᬦ᭄᭞ᬰᬹᬭᬅᬫ᭄ᬮ
ᬫᬗ᭄ᬤᬓᬢᬹᬃ᭞ᬓᬚᬯᬶᬲᬓᭀᬮᬄ᭞ᬩᬾᬜ᭄ᬚᬂᬩᬾᬲᬸᬓ᭄ᬫᬮᬶᬄᬢᬸᬮᬓᬤᬶᬲᬫ᭄ᬧᬸᬦ᭄᭞ᬬᬦ᭄ᬲᬫ᭄ᬧᬸᬦ᭄ᬩᬶᬳᬲᬭᬶᬂᬲᭀᬮᬄ᭞ᬢᬢᬢᬶᬢᬶᬦᬶᬂᬲᬂᬲᬂᬦ᭄ᬤᬶᬭᬶ᭟ᬅᬦᬓ᭄ᬅᬕᬸᬂᬗᬸᬭᬄᬳᬶᬤ᭞ᬢᭂᬓᭂᬘᭂᬦ᭄ᬤᭂᬓ᭄ᬢᬦ᭄ᬯᬾᬦ᭄ᬢᭂ
ᬦ᭄ᬫᬦ᭄ᬤᬕᬶᬗᬶᬦ᭄᭞ᬩᬩᬯᭀᬲ᭄ᬳᬶᬤᬲᬂᬦᬸᬮᬸᬲ᭄᭞ᬥᬃᬫ᭄ᬫᬘᬢ᭄ᬭᬦᬶᬂᬚᬕᬢ᭄᭞ᬰ᭄ᬭᬶᬧᬤᬸᬓᬢᬸᬯᬦ᭄ᬕᬸᬧᭂᬦᬸᬃᬚᬾᬦ᭄ᬤ᭄ᬭᬮ᭄ᬢᬸᬳᬸ᭞ᬭᬵᬚᬥᬶᬭᬵᬚᬓᬸᬳᬲ᭞ᬫᬭᬾᬦ᭄ᬢᬄᬭᬶᬂᬩᬯᬄᬳᬗᬶᬦ᭄᭟ᬲᬓᬶᬂᬕᭂᬮᬶᬲ᭄ᬩᬦ᭄ᬜᬭᬶᬢ᭞
[᭓᭗37A]
ᬰᬹᬭᬅᬫ᭄ᬮᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬗᬃᬤ᭄ᬤᬶ᭞ᬲᬸᬭᬢ᭄ᬧᬫᬶᬳᬸᬦᬶᬂᬳᬢᬹᬃᬭᬶᬂᬳᬚᬶᬫᬫᬧᬶᬤᬃᬢ᭄ᬢ᭞ᬲᬧᬫᬃᬕ᭄ᬕᬶᬦ᭄ᬰ᭄ᬭᬶᬧᬤᬸᬓᬋᬱᬶᬤᬾᬦ᭄ᬭᬯᬸᬄ᭞ᬳᬸᬢᬲᬦ᭄ᬲᬫ᭄ᬧᬸᬦ᭄ᬫᬚᬮᬦ᭄᭞ᬫᬳᬯᬦᬦ᭄ᬓᬸᬤᬕᭂᬮᬶᬲ᭄᭟ᬢᬦ᭄ᬓᭀ
ᬘᬧᬦ᭄ᬤᬶᬦᬕᬭ᭞ᬳᬶᬳᬸᬢᬸᬲᬦ᭄ᬫᬫ᭄ᬩᭂᬤᬮ᭄ᬓᬸᬤᬗᬶᬚᬶᬓ᭄᭞ᬳᬲᭂᬮᬶᬤ᭄ᬓᬲᬶᬤᬦ᭄ᬭᬯᬸᬄ᭞ᬭᬶᬂᬤᬾᬰᬓᬸᬝᬵᬭᬵᬚ᭞ᬫᬦᬭᭀᬚᭀᬕ᭄ᬧᬋᬓ᭄ᬭᬶᬂᬳᬦᬓᬾᬅᬕᬸᬂ᭞ᬲᬸᬭᬢᬾᬲᬫ᭄ᬧᬸᬦ᭄ᬓᬫ᭄ᬩᬶᬮᬦ᭄᭞ᬓᬧᬯᭀᬲᬤ᭠
ᬕᬶᬂᬲᬫᬶ᭟ᬓᬮᬶᬄᬲᬫ᭄ᬧᬸᬦ᭄ᬓᬧᬳᬶᬘ᭞ᬭᬶᬂᬳᬶᬳᬦᬓ᭄ᬳᬸᬦ᭄ᬢᬢ᭄ᬅᬫ᭄ᬮᬦᬕᬭᬶ᭞ᬫᬶᬯᬄᬪᬳᬸᬥᬡ᭄ᬥᬧᬸᬧᬸᬢ᭄᭞ᬲᬯᬢᬺᬲᬫᬶᬯᬶᬓᬦ᭄᭞ᬅᬦᬓ᭄ᬅᬕᬸᬂᬗᬸᬭᬄᬫᬯᬘᬦᬳᬭᬹᬫ᭄᭞ᬧᬲᬂᬢᭂᬤᬸᬦ᭄ᬓᬦᬕᬭ᭞᭠
ᬩᬾᬜ᭄ᬚᬂᬯᬳᬸᬳᭂᬦ᭄ᬤᬕ᭄ᬳᬳᬶ᭟ᬳᬸᬦ᭄ᬢᬢ᭄ᬅᬫ᭄ᬮᬫᬗᬶᬭᬶᬗᬂ᭞ᬲᬦᬾᬓᬭᬶᬳᬶᬭᬶᬓᬜᬾᬦᬧᬢᬶ᭞ᬓ᭄ᬱᬢ᭄ᬭᬶᬬᬯᬶᬬᭀᬲᬶᬂᬭᬢᬸ᭞ᬓᬧᬃᬘ᭄ᬙᬬᬢᬹᬃᬫᬸᬮ᭞ᬫᬗᬫᭂᬮᬂᬤᬾᬰᬓᬸᬝᬵᬭᬵᬚᬲᬫ᭄ᬧᬸᬦ᭄᭞ᬧᬸᬧᬸᬢ᭄ᬦᬫ᭄ᬧᬶ᭠
Page:Bali-lontar-gaguritan-rusak-sasak-01-300ppi.pdf/37
This page has been proofread.
