[᭓᭕35B]
᭓᭕
ᬤᬾᬓᬭᬂ᭞ᬫᬗ᭄ᬓᬶᬦ᭄ᬕᬶᬦ᭄ᬢᬶᬃᬦ᭄ᬤᬯᬸᬳᬶᬦ᭄ᬭᭀᬩᬦ᭄ᬲᬫᬶ᭞ᬓᬮᬶᬄᬚᬸᬭᬸᬬᭀᬤᬲᬫ᭄ᬧᬸᬦ᭄᭞ᬬᬢ᭄ᬦᬕᬫᭂᬮ᭄ᬲᬜ᭄ᬚᬢ᭞ᬓᬸᬤᬂᬢᬮᬶᬤᬶᬫᬢᬭᬫ᭄ᬫᬢᬢᬸᬗ᭄ᬕᬸ᭞ᬓᬮᬶᬄᬳᬶᬤᬓᬳᬶᬭᬶᬗᬂ᭞ᬫᬗ᭄ᬕᬫᭂᬮ᭄ᬓᬸᬝᬵᬦᬾᬢᬶᬢᬶᬩ᭄᭟
ᬲᭀᬭᭀᬓ᭄ᬦᬾᬓᬗᬶᬦ᭄ᬓᬮᭀᬗ᭄ᬕᬭᬂ᭞ᬧ᭄ᬭᬬᬦ᭄ᬳᬶᬤᬬᬦ᭄ᬯᬦ᭄ᬢᬄᬧᬶᬦ᭄ᬥᬚᬢᬶ᭞ᬳᬶᬢᬸᬯᬦ᭄ᬋᬱᬶᬤᬾᬦᬭᬚᬸ᭞ᬧᬘᬂᬦᬶᬜ᭄ᬘᬧ᭄ᬦᬕᬭ᭞ᬫᬳᬶᬭᬶᬗᬦ᭄ᬲᬹᬭᬥᬤᬸᬤᬶᬢᬸᬮᬳᬸᬢ᭄᭞ᬳᬶᬤᬧᬘᬂᬫᬧᬸᬧᬸᬢᬦ᭄᭞ᬲᬤᬕᬶᬂᬦᬕᬭ
ᬗᬶᬭᬶᬂ᭟ᬭᬾᬄᬭᬯᬸᬳᬾᬰ᭄ᬭᬶᬧᬤᬸᬓ᭞ᬢᬸᬯᬦ᭄ᬋᬱᬶᬤᬾᬦ᭄ᬫ᭄ᬩᬯᭀᬲᬂᬳᬶᬤᬲᬶᬲᬶᬧ᭄᭞ᬢᬦ᭄ᬫᬦᬹᬢ᭄ᬓ᭄ᬭᬫ᭠ᬦᬶᬂᬤᬗᬹ᭞ᬚᭀᬕ᭄ᬢᭂᬤᬸᬦᬾᬫᬦᬭᬫ᭄᭞ᬫᬳᬶᬭᬶᬗᬦ᭄ᬲᬹᬭᬥᬤᬹᬓᬸᬤᬂᬮᬶᬬᬸ᭞ᬫᬾᬄᬢᬦ᭄ᬮᬶᬦ᭄ᬢᬂᬭᬶᬂᬮᬓ᭄ᬱᬬᬦ᭄᭞
ᬫᬗ᭄ᬤᬾᬲᬗᬢᬶᬳᬶᬂᬦᬕᬭᬶ᭟ᬦᬗ᭄ᬳᬶᬂᬳᬶᬤᬰᬹᬭᬅᬫ᭄ᬮ᭞ᬮᬶᬦ᭄ᬢᬂᬢᬦ᭄ᬤ᭄ᬭᬸᬄᬭᬶᬂᬓᬬᬸᬦ᭄ᬧᬤᬸᬓᬰ᭄ᬭᬶ᭞ᬢᬸᬯᬦ᭄᭠ᬕᬸᬧᭂᬦᬸᬃᬚᬾᬦ᭄ᬤ᭄ᬭᬮ᭄ᬢᬸᬳᬸ᭞ᬥᬃᬫ᭄ᬫᬗᭂᬢᬶᬲᬶᬦ᭄ᬚᬕᬢ᭄᭞ᬫᬳᬯᬶᬦᬦ᭄ᬫᬧᬸᬢᬸᬲᬦ᭄ᬕᭂᬮᬶᬲ᭄ᬭᬯᬸᬄ᭞ᬓᬲᬲᬓ᭄ᬧᬘᬂᬗᬲ᭠
[᭓᭖36A]
ᬢᬂ᭞ᬫᬗ᭄ᬤᬾᬓᬺᬢ᭄ᬢᬦᬶᬂᬦᬕᬭᬶ᭟ᬅᬦᬓ᭄ᬅᬕᬸᬂᬫᬤᬾᬓᬭᬂ᭞ᬳᬲᭂᬫ᭄ᬫᬗ᭄ᬓᬶᬦ᭄ᬲᬶᬯᬄᬦᬫ᭄ᬧᬶ᭞ᬲ᭠ᬦ᭄ᬤᬾᬬᬦ᭄ᬓᬬᬸᬦᬾᬢᬸᬳᬸᬢ᭄᭞ᬦᬗ᭄ᬳᬶᬂᬢᬰ᭄ᬭᬶᬧᬤᬸᬓ᭞ᬢᬸᬯᬦ᭄ᬋᬱᬶᬤᬾᬦ᭄ᬢᬦ᭄ᬫᬭᭀᬩᬄᬲᬶᬢᬤᬗᬹ᭞ᬚᭂᬚᭂᬃᬗ᭠
ᬦ᭄ᬢᭀᬲ᭄ᬧᬦᬸᬕ᭄ᬭᬳ᭞ᬧᬗᬯ᭄ᬭᬸᬳᬾᬓᬦᬕᬭᬶ᭟ᬳᬧᬦ᭄ᬚᬢᬶᬦᬾᬓᬧᬶᬦ᭄ᬢ᭞ᬧᬓᬬᬸᬦᬦ᭄ᬢᬸᬯ᭠ᬲᬶᬤᬾᬦ᭄ᬫᬗ᭄ᬤᬓᬦᬶ᭞ᬰᬹᬭᬅᬫ᭄ᬮᬧᬸᬭᬵᬓᬢᬹᬃ᭞ᬓᬚᬯᬶᬭᬶᬂᬚᭂᬂᬳᬶᬤ᭞ᬰ᭄ᬭᬶᬧᬤᬸᬓᬢᬸᬯᬦ᭄ᬕᬸᬧᭂᬦᬸᬃᬚᬾᬦ᭄ᬤ᭄ᬭ᭠
ᬮ᭄ᬓᬬᬸᬦ᭄᭞ᬜᬓᭀᬮᬳᬂᬰᬹᬭᬅᬫ᭄ᬮ᭞ᬭᬶᬂᬩᭀᬕᭀᬃᬢᬦᬄᬪᬭᬯᬶ᭟ᬓᭂᬦᬶᬳᬶᬤᬰᬹᬭᬅᬫ᭄ᬮ᭞ᬫᬜᬾᬗᭂᬳᬂᬲᭀᬮᬳᬾᬗ᭄ᬕᬫᭂᬮ᭄ᬕᬸᬫᬶ᭞ᬤᬾᬦᬶᬂᬳᬶᬤᬚᬢᬶᬓᬢᬹᬃ᭞ᬓᬚᬯᬶᬫᬗᬭᬸᬲᬓ᭄᭞ᬧᬧ᭄ᬭᬾᬦ᭄ᬢᬳᬦ᭄᭠
ᬭᬶᬂᬲᬲᬓ᭄ᬚᬦ᭄ᬫᬦᬾᬗᬤᬸᬄ᭞ᬲᬓ᭄ᬱᬢ᭄ᬓᬩᬸᬲᬦ᭄ᬲᬹᬃᬬ᭄ᬬ᭞ᬢᭂᬗᬳᬶᬢᭂᬧᭂᬢᬾᬲᬳᬶ᭟ᬢᬹᬃᬫᬯᬦᬦ᭄ᬫᬓᭂᬩᬶᬤᬂ᭞ᬚᬤ᭄ᬫᬲᭂᬮᬫ᭄ᬤᬶᬤᬗᬶᬦ᭄ᬚᬸᬭᬶᬂᬕᬶᬦ᭄ᬢᬶᬂ᭞ᬘᭀᬗᬄᬭᬶᬂᬅᬦᬓ᭄ᬅᬕᬸᬂᬮᬶᬗ᭄ᬲᬶᬃᬓᬮᬶᬦ᭄ᬢᬂᬥᬃᬫ᭄ᬫᬵ᭞ᬗ᭄ᬳᬶᬂ
Page:Bali-lontar-gaguritan-rusak-sasak-01-300ppi.pdf/36
This page has been proofread.
