[᭓᭔34B]
᭓᭔
ᬧᬮ᭄᭞ᬲᬹᬭᬵᬥᬥᬹᬗᬶᬭᬶᬂ᭟ᬧᬸᬧᬸᬢ᭄ᬲᬺᬕᭂᬧ᭄ᬲᬧᬓᬓᬲ᭄ᬭᬶᬂᬧᬧ᭄ᬭᬗᬦ᭄᭞ᬮᬾᬢ᭄ᬦᬦ᭄ᬉᬩ᭄ᬭᬸᬲ᭄ᬗᬾᬦ᭄ᬢᭂ᭠ᬭᬶᬦ᭄᭞ᬓᬧ᭄ᬢᬾᬦ᭄ᬮᬦ᭄ᬓᬸᬫᭂᬦ᭄ᬤᬦ᭄᭞ᬫᬧᭀᬳᭀᬲ᭄ᬧᭀᬳᭀᬲ᭄ᬦᬧᬓ᭄᭞ᬢᭂᬤᬸᬦ᭄ᬭᬶᬂᬅᬫ᭄ᬧᭂᬦᬦ᭄ᬢᬶᬢᬄ᭞ᬯᬶᬳᬓ᭄ᬢᬶᬲᬯ
ᬗᬂ᭞ᬓᬤᬶᬳᬮᬸᬦ᭄ᬗᬺᬱ᭄ᬋᬱᬶᬦ᭄᭟ᬧ᭄ᬧᬗ᭄ᬭᬯᬸᬳᬾᬫᬶᬲᬤ᭄ᬬᬧᬘᬂᬜᬧ᭄ᬲᬧᬂ᭞ᬬᬸᬤᬦᬾᬫᬋᬧ᭄ᬓᬗᬶᬦ᭄᭞ᬫᬓᬤᬶᬬᬦ᭄ᬢᬸᬮᬓ᭄᭞ᬳᬶᬤᬗᬶᬦ᭄ᬚᬸᬭᬶᬂᬩᬾᬩᬲ᭄᭞ᬰ᭄ᬭᬶᬧᬵᬤᬸᬓᬫᬗᬦ᭄ᬢᬶᬦᬶᬦ᭄᭞ᬦᬓ᭄ᬅᬕᬸᬂᬗᬸᬭᬄ᭞ᬗᬺᬚᭂᬓ᭄᭠
ᬳᬶᬤᬗᬶᬦ᭄ᬳᬸᬭᬶᬂ᭟ᬫᬳᬯᬶᬦᬦ᭄ᬤᬶᬧᬫ᭄ᬩᭂᬓᭂᬮ᭄ᬭᬶᬂᬅᬫ᭄ᬧᭂᬦᬦ᭄᭞ᬳᬶᬅᬲᬃᬳᬶᬤᬸᬮᬢᬶᬧ᭄᭞ᬢᬶᬕᬳᬶᬓᬺᬢ᭄ᬢᬦᬄ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬜᬫ᭄ᬩ᭄ᬭᬫ᭞ᬰ᭄ᬭᬶᬧᬤᬸᬓᬋᬱᬶᬤᬾᬦ᭄ᬓᬮᬶᬄ᭞ᬳᬶᬢᬸᬯᬦ᭄ᬚᬾᬦ᭄ᬤ᭄ᬭᬮ᭄᭞ᬓᬤᬶᬲᭀᬮ᭠
ᬳᬾᬗᬹᬦᬶ᭟ᬰ᭄ᬭᬶᬧᬤᬸᬓᬢᬸᬳᬦ᭄ᬋᬱᬶᬤᬾᬦ᭄ᬫᬫᬸᬧᬸᬢᬂ᭞ᬧᬶᬯᭂᬓᬲ᭄ᬫᬗ᭄ᬤᬕᭂᬮᬶᬲ᭄᭞ᬅ᭠ᬕᬸᬂᬗᬸᬭᬄ᭞ᬫᬢᭂᬫᬸᬫᬫᬸᬧᬸᬢᬂ᭞ᬭᬯᭀᬲᬾᬓᬮᬶᬦ᭄ᬢᬂᬩᭂᬘᬶᬓ᭄᭞ᬧᬫ᭄ᬩᭂᬓᭂᬮ᭄ᬢᬶᬕ᭟ᬲᬓᬶᬂᬳᬭᬶᬲ᭄ᬫᬦᬫ᭄ᬧᬶ᭟
[᭓᭕35A]
ᬕᭂᬮ᭄ᬮᬶᬲ᭄ᬢᬸᬮᬓ᭄ᬫᬗᬢᬸᬭᬂᬓᬦᬕᬭ᭞ᬢᬦ᭄ᬲᬾᬬᭀᬲ᭄ᬦᬾᬓᬢᬗ᭄ᬓᬶᬮ᭄᭞ᬳᬶᬤᬦᬾᬫᬧᬭᬩ᭄᭞ᬅᬦᬓ᭄ᬤᬰᬹᬭᬅᬫ᭄ᬮ᭞ᬧᬸᬭᬵᬓᬧᬶᬤᬃᬢ᭄ᬢᬲᬫᬶ᭞ᬭᬯᭀᬲ᭄ᬳᬶᬢᬸᬯᬦ᭄᭞ᬭᬯᬸᬳᬾᬲᬓᬶᬂᬭᬤᬶᬦ᭄᭟ᬦᬗ᭄ᬳᬶᬂᬳᬶᬤ
ᬰᬹᬭᬅᬫ᭄ᬮᬫᬫᬶᬦᭂᬳᬂ᭞ᬢᭀᬂᬤᬸᬕᬧᬘᬂᬭᬤᬶᬦ᭄᭞ᬭᬯᬸᬳᬾᬳᬶᬢᬸᬯᬦ᭄᭞ᬤᬾᬦᬶᬂᬦᬾᬲᬫ᭄ᬧᬸᬦ᭄ᬮᬶ᭠ᬦ᭄ᬢᬂ᭞ᬢᬸᬳᬭᬢᬳᬾᬦ᭄ᬓᬤᬕᬶᬦ᭄᭞ᬭᬯᭀᬲᬂᬓᬸᬯᬰ᭞ᬫᬭᬾᬦ᭄ᬢᬄᬭᬶᬂᬪᬢᬯᬶ᭟ᬗᬫᬃᬕ᭄ᬕᬶᬬᬂᬲᬶᬧᬢ᭄ᬩᭂᬦᬃᬫ᭠
ᬦᬧᬓᬂ᭞ᬤᬕᬶᬂᬓᭀᬦ᭄ᬢ᭄ᬭᬓ᭄ᬲᬫᬶ᭞ᬗᬦᬸᬢᬂᬧᬲᬶᬳᬦ᭄᭞ᬦᬓ᭄ᬅᬕᬸᬂᬫᬤᬾᬳᬶᬳᬶᬤ᭞ᬳᬓᬾᬄᬓᬳᬗ᭄ᬕᬾᬜᬗ᭄ᬓᬶᬢᬶᬦ᭄᭞ᬭᬯᭀᬲ᭄ᬭᬶᬂᬓᭀᬦ᭄ᬢᬓ᭄᭞ᬫᬗ᭄ᬤᬾᬓᬦ᭄ᬢᭂᬦ᭄ᬫᬦ᭄ᬤᬶᬭᬶ᭟ᬓᬭᬚᬳᬦᬾᬭᬶᬂᬲᬲᬓ᭄ᬳᭂᬦ᭄ᬢᭀᬓ᭄ᬭ
ᬡᬵ᭞ᬲᬦ᭄ᬤᬾᬬᬢᬦ᭄ᬲᬶᬦᬶᬧᬶ᭞ᬧᬓᬬᬸᬦᬦ᭄ᬳᬶᬤ᭞ᬦᬓ᭄ᬅᬕᬸᬂᬫᬤᬾᬓᬭᬂ᭞ᬫ᭄ᬩᬯᭀᬲᬂᬭᬕᬦᬾᬭᬶᬫ᭄ᬩᬶᬢ᭄᭞ᬦᬧᬶᬧᬸᬳᬭᬜ᭞ᬧᬸᬗ᭄ᬓᬸᬃᬧᬘᬂᬢᬦ᭄ᬤᬶᬗᬶᬦ᭄᭚᭜᭚ᬧᬸᬧᬸᬄ᭞᭕᭞ᬧᬗ᭄ᬓᬸᬃ᭚ᬅᬦᬓ᭄ᬅᬕᬸᬂᬫ᭠
Page:Bali-lontar-gaguritan-rusak-sasak-01-300ppi.pdf/35
This page has been proofread.
