[᭓᭘38B]
᭓᭘
ᬲᬶᬧ᭄ᬓᬭᬸᬲᬓ᭄ᬱᬫ᭄ᬧᬸᬦ᭄᭞ᬕᭂᬮᬶᬲ᭄ᬤᬤᬶᬓᬮᬸᬫ᭄ᬩ᭄ᬭᬄ᭞ᬓᬅᬫ᭄ᬧᭂᬦ᭄ᬳᭀᬃᬢ᭄ᬢᬦᬾᬓᬳᬢᬹᬃᬮᬚᬸ᭞ᬭᬶᬂᬧᬮᬶᬗ᭄ᬕᬶᬄᬰ᭄ᬭᬶᬧᬤᬸᬓ᭞ᬢᬸᬳᬦ᭄ᬋᬱᬶᬤᬾᬦ᭄ᬩᬸᬢᬸᬲ᭄ᬭᬭᬶᬲ᭄᭟ᬢᬸᬳᬦ᭄ᬓᭀᬢ᭄ᬮᬶᬃᬓᬧᬃᬘ᭄ᬙᬬ᭞ᬲᬫ᭄ᬧᬸᬦ᭄ᬩᬶᬬᬰᬭᬯᬸᬄ
ᬓᬲᬲᬓ᭄ᬗᬹᬦᬶ᭞ᬫᬳᬯᬦᬦ᭄ᬓᬸᬤᬮᬚᬸ᭞ᬧᬫᬃᬕ᭄ᬕᬶᬦᬾᬓᬘᬓᬺ᭞ᬧᬘᬂᬫ᭄ᬭᬾᬓ᭄ᬱᬮᬮᭀᬦ᭄ᬳᬶᬤᬅᬦᬓ᭄ᬅᬕᬸᬂ᭞ᬰᬹᬭᬅᬫ᭄ᬮᬲᬶᬲᬶᬧ᭄ᬕᬫᬶᬳ᭞ᬢᬜ᭄ᬘᬭᬶᬢᬦᬾᬂᬫᬃᬕ᭄ᬕᬶ᭟ᬕᭂᬮᬶᬲ᭄ᬭᬯᬸᬳᬾᬭᬶᬂᬘᬓᬺ᭞ᬢᬹᬃᬓ᭠
ᬧᭂᬦ᭄ᬤᬓ᭄ᬮᬬᭀᬦᬾᬩᬳᬸᬫᬶᬚᬶᬮ᭄᭞ᬭᬶᬂᬧᭂᬫ᭄ᬧᬢᬦ᭄ᬫᬃᬕ᭄ᬕᬶᬳᬕᬸᬂ᭞ᬳᬶᬭᬶᬓᬧ᭄ᬭᬶᬓ᭄ᬱ᭞ᬲᬫ᭄ᬧᬸᬦ᭄ᬲᬶᬦᬄ᭞ᬳᬶᬢᬸᬳᬦ᭄ᬓᭀᬢ᭄ᬮᬶᬃᬫᬶᬢᬸᬳᬸ᭞ᬅᬦᬓ᭄ᬅᬕᬸᬂᬫᬤᬾᬓᬭᬂ᭞ᬭᬸᬲᬓᬾᬫᬯᬦᬦ᭄ᬓᭂᬭᬶᬲ᭄᭟ᬮᬬᭀᬦᬾᬭ᭠
ᬓᬋᬫ᭄ᬩᬢ᭄᭞ᬓᬲᬕᬭᬓᬩᬸᬯᬂᬫᬓᬓᬮᬶᬄ᭞ᬅᬦᬓ᭄ᬅᬕᬸᬂᬳᬶᬲ᭄ᬢ᭄ᬭᬶᬓᬓᬸᬂ᭞ᬫᬲᬶᬄᬢᬸᬢᬸᬕᬂᬳᬸᬘᬧ᭄᭞ᬤᬶᬚ᭄ᬭᭀᬅᬕᬸᬂᬢᬗᬶᬲᬾᬫᬯᬦ᭄ᬢᬸᬦ᭄᭞ᬓᬤᬶᬳᭀᬫ᭄ᬩᬓ᭄ᬫᬢᬶᬫ᭄ᬩᬮᬦ᭄᭞ᬢᬦ᭄ᬲᭀᬯᬂᬧ᭠
[᭓᭙39A]
ᬭᬦᬶᬂᬯᬶᬱ᭄ᬝᬶ᭟ᬅᬫ᭄ᬩᭂᬓ᭄ᬚᬦᬓᬢᬦ᭄ᬤ᭄ᬭᬳᬦ᭄᭞ᬭᬸᬧᬓᬤᬶᬓᬳᬸᬭᬸᬕᬦ᭄ᬩᬦ᭄ᬮᬗᬶᬢ᭄᭞ᬧᬋᬫ᭄ᬩ᭄ᬭᬫᬲᬓ᭄ᬱᬢ᭄ᬭᬯᬸᬄ᭞ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄᬢᭂᬓᬵ᭞ᬓᬓᭀᬩᭂᬢᬦ᭄ᬲᬦᬕᬭᬲᬫ᭄ᬧᬸᬦ᭄ᬮᬸᬬᬸ᭞ᬢᬶᬕᬂᬢᬶᬩ
ᬦ᭄ᬢᬦ᭄ᬭᬾᬭᬾᬦᬦ᭄᭞ᬧᬬᬸᬤᬦᬾᬫᬋᬧ᭄ᬓᬗᬶᬦ᭄᭟ᬳᭂᬦᭂᬂᬧᭀᬮᬄᬓᬢᬦ᭄ᬤ᭄ᬭᬸᬳᬦ᭄᭞ᬅᬦᬓ᭄ᬅᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄ᬫᬗ᭄ᬓᬶᬦ᭄᭞ᬓᭀᬘᬧᬂᬲᬫ᭄ᬧᬸᬦ᭄ᬫᬋᬫ᭄ᬩᬸᬓ᭄᭞ᬭᬶᬂᬳᬸᬦ᭄ᬢᬓ᭄ᬅᬫ᭄ᬮᬧᬸᬭᬵ᭞ᬢᬹᬃᬳᬶᬅᬚᬶᬅᬦ
ᬓ᭄ᬅᬕᬸᬂᬗᬸᬭᬄᬫᬢᬸᬢ᭄᭞ᬕᭂᬮᬶᬲ᭄ᬗᬸᬢᬸᬲ᭄ᬓᬅᬫ᭄ᬧᭂᬦᬦ᭄᭞ᬭᬶᬂᬳᬶᬢᬸᬳᬦ᭄ᬋᬱᬶᬤᬾᬦ᭄ᬓᭂᬦᬶ᭟ᬅᬕᬾᬭᬯᬸᬄᬓᬦᬕᬭ᭞ᬕᭀᬂᬩᬭᬶᬲ᭄ᬧᬗᭀᬃᬫ᭄ᬫᬢ᭄ᬭᬵᬚᬩᬮᬶ᭞ᬲᬫ᭄ᬧᬸᬦ᭄ᬫᬫᬃᬕ᭄ᬕᬶᬗ᭄ᬕᬭᬸᬤᬸᬕ᭄᭞ᬓᭂ᭠
ᬦ᭄ᬤᬗᬾᬫᬢᬶᬫ᭄ᬩᬮᬦ᭄᭞ᬢᬸᬯᬶᬳᬦᬹᬢ᭄ᬧᬺᬩᭂᬓᭂᬮ᭄ᬜ᭄ᬚᬶᬦᬳᬶᬦ᭄ᬤᬶᬢᬸ᭞ᬢᬦ᭄ᬓᭀᬘᬧᬂᬦᬾᬤᬶ᭠ᬫᬃᬕ᭄ᬕ᭞ᬲᬫ᭄ᬩᬸᬢᬂᬲᬢᬸᬯᬦᬾᬫᬗ᭄ᬓᬶᬦ᭄᭟ᬢᬸᬯᬦ᭄ᬋᬱᬶᬤᬾᬦ᭄ᬲᬫ᭄ᬧᬸᬦ᭄ᬦᬧᬓ᭄᭞ᬓᬮᬶᬄᬚᬾᬦ᭄ᬤ᭄ᬭᬮ᭄ᬭᬶᬂ᭠
Page:Bali-lontar-gaguritan-rusak-sasak-01-300ppi.pdf/39
This page has been proofread.
