[᭒᭓23B]
᭒᭓
ᬮᬦ᭄᭞ᬫᬗᬗᬶᬦᬜᬦ᭄ᬤᬂᬢᬸᬢ᭄ᬩᬸᬭᬶᬢᬺᬫ᭄ᬩᬸᬤᬸᬄ᭞ᬳᬧᬗᬲᬸᬫᬗ᭄ᬓᬶᬦ᭄ᬕᬾᬯᬃ᭞ᬫᬫᬗ᭄ᬕᬶᬄᬤᬹᬃᬫ᭄ᬫᬮᬫᬮᬳᬶᬩ᭄᭟᭚᭜᭚ᬧᬸᬧᬸᬄ᭞᭔᭞ᬤᬹᬃᬫ᭄ᬫ᭚ᬩᬳ᭄ᬓᬗᬶᬦ᭄ᬫᬸᬜᬶᬦ᭄ᬢᬫ᭄ᬩᬸᬭᬾᬫᬗᬃᬓ᭄ᬓᬃ᭞ᬭᬶᬂᬭᬹᬫᬵ
ᬫᬸᬯᬸᬄᬓᬤᬶᬭᬶ᭞ᬯᬶᬳᬓ᭄ᬢᬶᬫᬗ᭄ᬤᬾᬕᬶᬭᬲ᭄᭞ᬧᬫᬢᬶᬗᬾᬫᬤᬩ᭄ᬤᬩ᭄᭞ᬩᬸᬗᬄᬫᬶᬚᬶᬮ᭄ᬗᬗ᭄ᬕᭀᬩᭂᬘᬶᬓ᭄᭞ᬭᬶᬂᬧᬲᬃᬗᬫ᭄ᬩᬶᬳᬃ᭞ᬲᬳᬧᬗᬾᬦ᭄ᬢᭂᬃᬗ᭄ᬕᬶᬮᬶᬄ᭟ᬪᬳᬸᬥᬦ᭄ᬥᬲᬫᬶᬓᬳᭀᬢ᭄ᬲᬫ᭄ᬧᬸᬦ᭄ᬦᬧᬓ᭄᭞
ᬫᬩᬭᬶᬲᬸᬭᬓ᭄ᬢᬶᬢᬶᬃ᭞ᬯᬃᬡ᭄ᬦᬵᬲᬫᬶᬳᬾᬕᬃ᭞ᬤᬾᬦᬵᬳᬶᬂᬫᬯᬸᬯᬸᬄᬭᬾᬜ᭄ᬘᬂ᭞ᬲᭀᬢᬦᬶᬂᬚᬬᬭᬶᬂᬚᬸᬭᬶ᭠ᬢ᭄᭞ᬕᭂᬮᬶᬲ᭄ᬓᬚᬩ᭞ᬅᬕᬸᬂᬓᬮᬶᬄ᭟ᬦᬾᬭᬶᬂᬭᬸᬫᬵᬓᬤᬶᬭᬶᬲᬫ᭄ᬧᬸᬦ᭄ᬫᬮᬶᬗ᭄ᬕ᭞ᬭᬶᬂᬥᬫ᭄ᬧᬵᬢᬹᬃᬓᬳ
ᬩᬶᬦ᭄᭞ᬳᬦ᭄ᬢᬸᬓ᭄ᬧᬭᬫᬾᬦᬓ᭄᭞ᬢᬸᬳᬲ᭄ᬢᬸᬲ᭄ᬢᬸᬲ᭄ᬓᬸᬮᬵᬕᭀᬢ᭄ᬭ᭞ᬩ᭄ᬭᬳ᭄ᬫᬵᬦᬓ᭄ᬱᬢ᭄ᬭᬶᬬᬓᬮᬶᬄᬯᬢᭂᬧᬵᬡ᭄ᬥᬶᬢ᭞ᬰᬶᬯ᭄ᬯᬩᬸᬥ᭄ᬤᬫᬗᬶᬭᬶᬂ᭟ᬦᬾᬫᬸᬘᬸᬓᬶᬦ᭄ᬳᬶᬤᬧᬸᬗ᭄ᬕᬯᬩ᭄ᬭᬳ᭄ᬫᬵᬦ᭞ᬯᬮᬵᬲᬹᬳᬾᬘ᭄ᬙᬧᬧ᭠
[᭒᭔24A]
ᬲᬶᬄ᭞ᬫᬶᬯᬄᬳᬸᬦ᭄ᬢᬢ᭄ᬲᬹᬳᬾᬘ᭄ᬙ᭞ᬭᬸᬯᬲᬦᬓ᭄ᬧᬥᬯᬶᬭ᭞ᬰᬹᬭᬢᬸᬳᬭᬧᬧᬓᬾᬭᬶᬂ᭞ᬍᬯᬶᬄᬮᬕᬯ᭞ᬮᭀᬕᬲ᭄ᬗᬋᬧᬶᬜ᭄ᬚᬸᬭᬶᬢ᭄᭟ᬲᬓᬶᬂᬕᭂᬮᬶᬲ᭄ᬚᬦᬶᬩᬳᬦ᭄ᬜᬭᬶᬢᬬᬂ᭞ᬧᬫᬃᬕ᭄ᬕᬶᬦ᭄ᬳᬶᬤᬓ
ᬮᬶᬄ᭞ᬫᬧᬗ᭄ᬕᬶᬄᬭᬶᬂᬫᬃᬕ᭄ᬕ᭞ᬭᬶᬂᬤᬯᬸᬄᬤᬾᬰᬧ᭄ᬭᬾᬱ᭞ᬫᬦᬫ᭄ᬧᭂᬓᬶᬦ᭄ᬦ᭄ᬓᬸᬝᬵᬕᭂᬮᬶᬲ᭄᭞ᬗᬗ᭄ᬓᬩᬂᬲᬸᬭ᭠ᬓ᭄᭞ᬩ᭄ᬩᭂᬤᬶᬮ᭄ᬓᬩᭂᬤᬶᬮ᭄ᬢᬶᬢᬶᬃ᭟ᬤᬤᬶᬗ᭄ᬕᭂᬮᬄᬲᬶᬓᭂᬧᬾᬲᬓᬶᬂᬦᬕᬭ᭞ᬓᬸᬘᬶᬯᬓᭂᬳᬩᬦᬶᬦ᭄᭞ᬦᬾᬤᬶᬤᬯᬸᬄ
ᬢᬸᬓᬤ᭄᭞ᬗ᭄ᬕᬮ᭄ᬕᬮ᭄ᬧᬶᬲᬦ᭄ᬗ᭄ᬕ᭄ᬭᬕᬄ᭞ᬩᬾᬘᬾᬓ᭄ᬫᬢᬢᬸᬮᬾᬦ᭄ᬫᬢᬶ᭞ᬳᬧᬦ᭄ᬓᬸᬝᬵᬜ᭞ᬳᬶᬧ᭄ᬭᬾᬱᬤᬶᬢᬸᬭᬶᬫ᭄ᬩᬶᬢ᭄᭟ᬦᬗ᭄ᬳᬶᬂᬲᬸᬩᬳᬤᬧᬦᬗ᭄ᬕ᭄ᬭᬳᬦ᭄ᬳᬶᬤ᭞ᬅᬦᬓᬾᬅᬕᬸᬂᬓᬮᬶᬄ᭞ᬓᬫ᭄ᬧᬶᬤᬾᬤᬶᬓᬶ
ᬯ᭞ᬗᬸᬮᬄᬢᬸᬳᬭᬓᬶᬍᬲᬦ᭄᭞ᬲᬓᬶᬂᬓᬮᬾᬃᬫ᭄ᬩᬦᭂᬲᭂᬓᬶᬦ᭄᭞ᬲᬲᭂᬧᬾᬦ᭄ᬦ᭄ᬭᬸᬚᬓ᭄᭞ᬫᬗᬺ᭠ᬕᬄᬓᬸᬝᬵᬭᬤᬶᬦ᭄᭟ᬤᬾᬦᬶᬂᬤᬶᬢᬸᬓᬳᬫ᭄ᬧᭂᬳᬂᬩᬦ᭄ᬳᬶᬧ᭄ᬭᬾᬱ᭞ᬓᬾᬯᬮᬳᬤᬗᬶᬲᬶ᭞ᬤᬤᬶᬫᬩᬶᬬᬸᬳᬦ᭄᭞
Page:Bali-lontar-gaguritan-rusak-sasak-01-300ppi.pdf/24
This page has been proofread.
