[᭒᭔24B]
᭒᭔
ᬓᬲᬾᬧ᭄ᬗᭂᬤᭂᬗᬂᬭᭀᬯᬂ᭞ᬫᬢᬶᬓᬩᭂᬤᬶᬮᬶᬦ᭄ᬲᬫᬶ᭞ᬳᬢᬸᬢ᭄ᬫᬩᬳᬦ᭄᭞ᬫᬮᬳᬶᬩ᭄ᬲᬶᬓᬶᬓᬮᬶᬄ᭟ᬤᬤᬶᬕᬾᬯᬃᬲᬶᬓᭂᬧ᭄ᬜᬦᬾᬦᬾᬤᬶᬢᭂᬗᬄ᭞ᬩᬸᬓᬧᭂᬓᭂᬦᬾᬳᬸᬦ᭄ᬢᬶᬢ᭄᭞ᬧᬓ᭄ᬱᬫᬗᬸᬮᬳᬂ᭞ᬳᬲᬶᬂᬦᭀᬜ᭄ᬚᭀ
ᬓ᭄ᬫᬜ᭄ᬚᭂᬫ᭄ᬧᬂ᭞ᬤᬾᬦᬶᬂᬓᬕᭂᬮᬭᬦ᭄ᬓᬶᬗᬶᬦ᭄᭞ᬫᬮᬶᬄᬧᬸᬦᬶᬓ᭞ᬲᬶᬓᭂᬧ᭄ᬲᬓᬶᬂᬦᬕᬭᬶ᭟ᬲᬓᬶᬂᬢᭂᬗᭂᬦ᭄ᬗᬸᬮᬄᬲᬳᬲᬦᬺᬚᬓ᭄᭞ᬕᭂᬮᬃᬳᬶᬧᬸᬦ᭄ᬭᬶᬂᬢᬶᬢᬶᬂ᭞ᬢᬸᬓᬤ᭄ᬫᬲᬶᬄᬲᭂᬗ᭄ᬓᬵ᭞ᬭᬶᬂᬩᭀᬗ᭄ᬓᭀᬮ᭄ᬕᬸᬦᬸᬂᬲᬲᬓ᭄᭞ᬢ
ᬍᬃᬧᬲᬓᬶᬢᬂᬓᬶᬗᬶᬦ᭄᭞ᬫᬗᬼᬦ᭄ᬢᬂᬢᬸᬓᬤ᭄᭞ᬳᬶᬧ᭄ᬭᬾᬱᬫᬦᬗ᭄ᬕᬮᬶᬦ᭄᭟ᬦᬗ᭄ᬳᬶᬂᬓᬶᬤᬶᬓ᭄ᬭᭀᬯᬂᬳᬶᬧᬸᬦ᭄ᬲᬫ᭄ᬧᬸᬦ᭄ᬧᬲ᭄ᬧᬲ᭄᭞ᬫᬢᬸᬫ᭄ᬩᬓ᭄ᬧᬥᬩᬦᬶ᭞ᬫ᭄ᬩᭂᬤᬶᬮ᭄ᬓᬩᭂᬤᬶᬮᬶᬦ᭄᭞ᬳᬚᬳᬦ᭄ᬭᬭᬶᬲ᭄ᬩᬸᬦ᭄ᬢᬲ᭄᭞ᬲᬓ᭠
ᬓᬭᬾᬦ᭄ᬩᬦᬶᬫᬢᬶ᭞ᬲᬶᬓᭂᬧ᭄ᬦᬕᬭ᭞ᬗᭂᬢᬸᬢ᭄ᬩᬸᬭᬶᬫ᭄ᬩᭂᬤᬶᬮᬶᬦ᭄᭟ᬤᬤᬶᬘᬓᬸᬧ᭄ᬢᭂᬓᬾᬦ᭄ᬓᬫ᭄ᬧᬶᬤᬾᬤᬶᬓᬶᬯ᭞ᬤᬶᬧᬲᬭᬾᬓᬕᬶᬲᬶ᭞ᬤᬾᬦᬶᬂᬲᬸᬩᬩᬸᬦ᭄ᬢᬲ᭄᭞ᬧᬗᬯᬓ᭄ᬲᬶᬓᭂᬧ᭄ᬧ᭄ᬭᬾᬱ᭞ᬦᬾᬗᬋᬧᬶᬦ᭄ᬭᬵᬚᬵ᭠
[᭒᭕25A]
ᬩᬮᬶ᭞ᬭᬾᬄᬓᬲᬫ᭄ᬧᬶᬗᬦ᭄᭞ᬓᬶᬯᬢᭂᬗᭂᬦ᭄ᬦᬸᬫ᭄ᬩᬓᬶᬦ᭄᭟ᬢᬸᬯᬶᬲᬸᬩᬧᬥᬦᭀᬗᭀᬲ᭄ᬤᬗᬶᬦ᭄ᬧᬲᬃ᭞ᬳᬶᬧ᭄ᬭᬾᬱᬤᬶᬢᬸᬫᬮᬶᬄ᭞ᬓᬋᬧ᭄ᬜᬫᬢᬗ᭄ᬕᬮ᭄᭞ᬲᬶᬓᭂᬧ᭄ᬲᬓᬶᬂᬦᬕᬭ᭞ᬢᬸᬳᬭᬧᭂᬕᬢ᭄ᬫᬗᬸᬚᬦᬶᬦ᭄᭞
ᬩᬦ᭄ᬫᬶᬫᬶᬲ᭄ᬚᬃᬫ᭄ᬫᬦ᭄᭞ᬫᬲ᭄ᬭᬶᬬᬓ᭄ᬲ᭄ᬭᬶᬬᬓ᭄ᬢᬶᬢᬶᬃ᭟ᬫᬾᬄᬮᬓ᭄ᬱᬬᬦ᭄ᬫᬸᬲᬸᬳᬾᬗᭂᬦᬄᬫᬦᬪ᭄ᬭᬂ᭞ᬫᬮᬳᬶᬩᭂᬦᭂᬄᬓᬗᬶᬦ᭄᭞ᬫᬗ᭄ᬮᬶᬦ᭄ᬢᬂᬤᬶᬢᬸᬓᬤ᭄᭞ᬢᬸᬳᬭᬤᬦᭀᬮᬶᬄᬳᬧ᭞ᬳᬸᬫᬄᬜᬦᬾᬧᬺᬢᬓ᭄ᬩᬺᬲᬶᬄ᭞᭠
ᬫᬲᭂᬤᬸᬢ᭄᭞ᬩᬾᬩᬲ᭄᭞ᬢᬸᬳᬭᬳᬤᬗᬮᬗᬶᬦ᭄᭟ᬫᬗ᭄ᬓᬶᬦ᭄ᬭᬤᬶᬦ᭄ᬫ᭄ᬲᬲᭀᬭᭀᬳᬦ᭄ᬤᬯᬸᬄᬧ᭄ᬭᬾᬱ᭞ᬅᬦᬓᬾᬅᬕᬸᬂᬓᬮᬶᬄ᭞ᬲᬫ᭄ᬧᬸᬦ᭄ᬲᬫᬶᬩᬸᬤᬮ᭄᭞ᬓᬓᭂᬤᬶᬭᬶᬳᬶᬭᬶᬓ᭞ᬳᭂᬦᭂᬂᬢᬦ᭄ᬓᭀᬘᬧ᭄ᬭᬶᬂᬯᭂᬗᬶ᭞ᬩᬾᬜ᭄ᬚᬂ
ᬘᬭᬶᬢ᭞ᬦᬾᬓᬗ᭄ᬕᬾᬗᬧᬮᬳᬶᬦ᭄᭟ᬩᬢᬸᬚᬳᬶᬯᬶᬤᬶᬳᬥᬭᬾᬓᬮᬶᬄᬉᬗ᭄ᬕᬵ᭞ᬭᬯᬸᬄᬗᬢᬸᬭᬂᬪᬓ᭄ᬢᬶ᭞ᬳᬢᬹᬭᬾᬧᬺᬦᬫᬶᬬ᭞ᬭᬵᬢᬸᬤᬾᬯ᭄ᬯᬵᬕᬸᬂᬢᬶᬢ᭄ᬬᬂ᭞ᬓᬮᬶᬦ᭄ᬢᬂᬮᬶᬦ᭄ᬢᬂᬲᬶᬲᬶᬧ᭄᭞ᬧᬸᬭᬸᬦ᭄ᬧ᭄ᬭᬲᬗ᭄ᬕ᭞ᬧᬂᬧᬂᬲᬓ᭠
Page:Bali-lontar-gaguritan-rusak-sasak-01-300ppi.pdf/25
This page has been proofread.
