[᭒᭒22B]
᭒᭒
ᬫᭂᬮᬃ᭞ᬓᬘᬭᬶᬢᬳᬶᬰᬓᬺᬓᬭᬶᬗᬭᬦ᭄ᬢᬸᬦ᭄᭞ᬧᬚᬮᬦᬾᬤᬾᬦᬶᬂᬓᬢᬄ᭞ᬗᬺᬫ᭄ᬩᬢ᭄ᬦᬾᬫᬢᬢᬸᬫᬢᬶ᭟ᬓᬮᬶᬄᬩᬗ᭄ᬓᬾᬦ᭄ᬜᬳᬶᬢᬸᬯ᭞ᬅᬚᬶᬅᬮᬶᬫᬮᬶᬄᬯᬗᬸᬦ᭄ᬳᬸᬭᬶᬧ᭄᭞ᬓᬧᬸᬕᭂᬄᬓᬕᬶᬲᬶᬓᬸᬓᬸᬄ᭞ᬦᭂ
ᬕᬓ᭄ᬤᬶᬢᬸᬦ᭄ᬤᬸᬦ᭄ᬚᬭᬦ᭄᭞ᬢᬸᬯᬶᬚᬢᬶᬲᭂᬗ᭄ᬕᬸᬗᬧᬘᬂᬳᬶᬤᬸᬧ᭄᭞ᬤᬾᬦᬶᬂᬯᬲ᭄ᬢᬸᬧᬹᬃᬯ᭄ᬯᬧᬶᬲᬦ᭄᭞ᬩᬗ᭄ᬓᬾᬦᬾᬢᬦ᭄ᬯᬾᬦ᭄ᬢᭂᬦ᭄ᬓᬦᬶᬦ᭄᭟ᬓᬮᬶᬄᬲᬦ᭄ᬢᬸᬓᬦᬾᬮ᭄ᬮᬸᬫ᭄ᬩ᭄ᬭᬄ᭞ᬳᬶᬳᬚᬶᬅᬮᬶᬯᬮᬶᬳᬧᬸᬢᬸᬲ᭄ᬫᬗᬚᬶ᭞ᬲᬤ
ᬗᬶᬦ᭄ᬳᬸᬭᬶᬂᬫᬶᬦ᭄ᬢᬸᬳᬸ᭞ᬲᬤᬸᬓᬾᬓᬭᬶᬮᬧᬂ᭞ᬩᬶᬮᬂᬤᬾᬰᬫᬦᭂᬓᬬᬂᬫᬸᬭᬶᬤ᭄ᬮᬶᬬᬸ᭞ᬳᭂᬦᭂᬂ᭠ᬢᬦ᭄ᬓᭀᬘᬧ᭄ᬤᬶᬚᬮᬦ᭄᭞ᬲᭀᬭᭀᬄᬲᭂᬮᬫ᭄ᬢᬦ᭄ᬯ᭄ᬭᬄᬲᬫᬶ᭟ᬲᬢᭂᬓᬦ᭄ᬜᬦᬾᬤᬶᬤᬾᬰ᭞ᬰᬓᬺᬮ᭠
ᬯᬸᬢ᭄ᬲᭀᬭᭀᬄᬳᬮᬶᬫᬾᬢᬭᬶᬓ᭄᭞ᬧᬲᬭᭀᬢ᭄ᬲᭀᬢ᭄ᬧᬥᬗ᭄ᬭᬸᬜ᭄ᬘᬂ᭞ᬜᭂ᭞ᬳᬓ᭄ᬩᬗ᭄ᬓᬾᬫᬲᬮᬫ᭄᭞ᬢᬸᬯᬶᬓᬓᬸᬮᬶᬫᬦᬾᬢᬸᬳᬭᬫᬩᬬᬸ᭞ᬳᬶᬅᬮᬶᬲᭂᬗ᭄ᬕᬸᬳ᭞ᬗ᭄ᬕᬯᬾᬳᬯᬾᬳᬯᬓ᭄
[᭒᭓23A]
ᬫᬢᬶ᭟ᬤᬾᬦᬶᬂᬳᬶᬬᬫᬯᬶᬰᬾᬱ᭄᭞ᬓᭀᬘᬧ᭄ᬩᬶᬲᬫᬶᬮᬶᬄᬫᬲᭀᬮᬄᬫᬢᬶ᭞ᬫᭂᬥᭂᬫ᭄ᬳᬗᬦ᭄ᬫᬓᬢᭂ᭠ᬮᬸᬦ᭄᭞ᬢᬸᬳᬄᬳᭂᬦ᭄ᬢᭀᬓᬓᭂᬦ᭄ᬚᭂᬮᬂ᭞ᬩᬦ᭄ᬯ᭄ᬯᬂᬰᬓᬺᬓ᭄ᬭᬡᬢᭀᬦ᭄ᬤᬾᬦ᭄ᬧᬢᬶᬮᬚᬸ᭞ᬓᬓᬸᬩᬸᬃᬧᬘᬂᬦᬦᭂᬫᬂ᭞
ᬓᬢᭂᬳᭂᬭᬂᬢᬶᬕᬂᬯᭂᬗᬶ᭟ᬩᬗ᭄ᬓᬾᬦᬾᬓᬕᭂᬩᬕ᭄ᬜᬩ᭄ᬭᬦ᭄᭞ᬓᬤᬶᬲᭀᬮᬄᬧᬫᭂᬤᭂᬫ᭄ᬜᬦᬾᬭᬶᬳᬶᬦ᭄ᬩᬳᬸᬢᬶᬕᬂᬤᬶᬦᬤᬶᬢᬸ᭞ᬩᬗ᭄ᬓᬾᬦᬾᬓᬧᭂᬤᬲᬂ᭞ᬫᬫ᭄ᬩᭂᬲᭂᬳᬶᬦ᭄ᬳᭂᬜᬾᬦᬾᬩᬗᭂᬲ᭄ᬫᬢᭂᬓᬸᬕ᭄᭞ᬤᬶᬢᬸᬮᬯᬸᬢ᭄
ᬲᬲᭂᬧᬾᬦᬦ᭄᭞ᬓᬢᬦᭂᬫ᭄ᬓᬓᬸᬩᬸᬃᬕᭂᬮᬶᬲ᭄᭟ᬓᭀᬘᬧ᭄ᬓᬾᬢᭀᬧᬓᬩᬭᬦ᭄᭞ᬓᬸᬤᬶᬬᬂᬳᬦ᭄ᬢᬸᬓ᭄ᬧᬘᬂᬦᭂᬓᭂᬧᬶᬦ᭄ᬳᬗᬶᬦ᭄᭞ᬦᬕᬶᬄᬫᬗᬶᬯᬗᬶᬦ᭄ᬢᬸᬤᬸᬄ᭞ᬢᬦ᭄ᬓᭀᬘᬧ᭄ᬦᬾᬤᬶᬰᬓᬺ᭞ᬅᬦᬓ᭄ᬅᬕᬸᬂᬗᬸᬭᬄ᭠
ᬫᬩᬩᬯᭀᬲ᭄ᬧᬸᬧᬸᬢ᭄᭞ᬭᬶᬂᬅᬦᬓ᭄ᬅᬕᬸᬂᬓᭂᬢᬸᬢ᭄ᬓᬭᬂ᭞ᬳᬲᭂᬫ᭄ᬭᬶᬂᬓᬤᬶᬭᬶ᭟ᬧᬘᬂᬫᬗ᭄ᬭᬶᬲ᭄ᬢᬳᬶᬧ᭄ᬭᬾᬱ᭞ᬲᬦᬾᬩᬾᬜ᭄ᬚᬂᬫᬗ᭄ᬤᬲᬶᬤᬓᭂᬦᬶ᭞ᬓᬤᬸᬂᬫᬫᬃᬕ᭄ᬕᬶᬦᬾᬭᬸᬭᬸᬲ᭄᭞ᬲᬢ᭄ᬭᬸᬦᬾᬫᬧᬾᬮ᭄ᬧᬾ᭠
Page:Bali-lontar-gaguritan-rusak-sasak-01-300ppi.pdf/23
This page has been proofread.
