[᭒᭑21B]
᭒᭑
ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬦᬶᬂᬕᭂᬮᬃ᭞ᬤᬗᬶᬦ᭄ᬢᬸᬓᬤ᭄ᬓᬓᬸᬓᬸᬳᬶᬦ᭄᭟ᬲᬶᬓᭂᬧ᭄ᬦᬕᬭᬦᬾᬗᬸᬮᬄ᭞ᬲᬓᬶᬂᬓᭂᬮᭀᬤ᭄ᬓᬫ᭄ᬧᬶᬤᬾᬫᬜᬫ᭄ᬧᬶᬗᬶᬦ᭄᭞ᬤᬾᬦᬶᬂᬢᭀᬲ᭄ᬩᬩᭂᬘᭂᬓ᭄ᬤᬶᬢᬸ᭞ᬧᬾᬦ᭄ᬢᭂᬗᬤᬸᬯᬂᬭᬾᬜ᭄ᬘᬂ᭞ᬢ᭄ᬯᬶᬲ᭠
ᬫ᭄ᬧᬸᬦ᭄ᬫᬗ᭄ᬮᬶᬦ᭄ᬢᬂᬢᬸᬓᬤ᭄ᬫᬘᬸᬦ᭄ᬤᬸᬓ᭄᭞ᬲᬢ᭄ᬭᬸᬦᬾᬫᬓᭂᬚᬂᬩᬸᬦ᭄ᬢᬲ᭄᭞ᬮᬶᬮᬶᬄᬧᬥᬦᭂᬓᭂᬧ᭄ᬳᭂᬢ᭄᭟ᬳᬶᬅᬚᬶᬅᬮᬶᬰᬓ᭄ᬭᬫᭂᬦ᭄ᬤᬓ᭄᭞ᬫᬦᭂᬕᬓᬶᬦ᭄ᬚᬭᬦ᭄ᬫᬳᬸᬍᬲ᭄ᬓᬸᬦᬶᬂ᭞ᬲᭀᬭᭀᬄᬩᬸᬕᬶᬲ᭄ᬫᬤ᭄ᬤᬃᬤᬶ
ᬢᬸ᭞ᬫᬲᬶᬓᭂᬧ᭄ᬩᬦ᭄ᬩᬦ᭄ᬤ᭄ᬭᬗᬦ᭄᭞ᬫᬶᬯᬄᬩᭂᬤᬶᬮ᭄ᬳᬤᬢᬶᬕᬗᬢᬸᬲ᭄ᬫᬸᬘᬸᬓ᭄᭞ᬳᬶᬅᬚᬶᬅᬮᬶᬗᬤᬸ᭠ᬳᬂ᭞ᬲᬸᬭᬓ᭄ᬲᬶᬦᬸᬭᬓ᭄ᬓᬮᬶᬄ᭟ᬲᬶᬓᭂᬧ᭄ᬦᬕᬭᬦᬾᬫᬦᬺᬚᬓ᭄᭞ᬫᬫ᭄ᬩᭂᬤᬶᬮᬦ᭄ᬮᬩᬸᬄᬫᬶᬫᬶᬲᬾᬓᬤᬶ᭞ᬧᬦᭂᬤᭂᬂ᭠
ᬲᬩᭂᬄᬓᬧᬶᬢᬸ᭞ᬳᬶᬩᬸᬕᬶᬲ᭄ᬫᬦ᭄ᬤᬃᬩᬸᬦ᭄ᬢᬲ᭄᭞ᬧᬗᭂᬘᬕᬂᬩᬗ᭄ᬓᬾᬳᬤᬧᬶᬢᬸᬂᬳᬸᬓᬸᬤ᭄᭞ᬳᬶᬅᬚᬶᬅᬮᬶᬢᬦ᭄ᬓᬶᬍᬲᬦ᭄᭞ᬗᬚᬓ᭄ᬧᬦᬓ᭄ᬢᬸᬳᬄᬳᬤᬶᬭᬶ᭟ᬳᬓᬺᬲᭂᬓᬦ᭄ᬫᬜᬸᬕᬾᬕᬓ᭄᭞ᬳᬶᬳᬚᬶᬅᬮᬶ
[᭒᭒22A]
ᬓᭂᬦᬫᬶᬫᬶᬲ᭄ᬫᬜᬸᬫ᭄ᬧ᭄ᬭᬶᬢ᭄᭞ᬫᬶᬭᬶᬩ᭄ᬫᬲᬫᬬᬂᬤᬶᬢᬸ᭞ᬤᬾᬦᬶᬂᬳᬯᬓᬾᬓᭀᬘᬧ᭄᭞ᬢᬶᬍᬄᬢᬸᬳᬭᬳᬗᬦ᭄ᬢᬫ᭄ᬧᬓ᭄ᬫᬕᬢ᭄ᬭᬢᬢᬸ᭞ᬧᬦᬓ᭄ᬜᬦᬾᬤᬶᬢᬸᬩᬾᬮ᭞ᬫᬢᬶᬓᭂᬦᬩᬳᬦ᭄ᬫᬶᬫᬶᬲ᭄᭟ᬦ
ᬗ᭄ᬳᬶᬂᬳᬾᬗ᭄ᬕᬮ᭄ᬓᬧ᭄ᬮᬳᬶᬩᬂ᭞ᬩᬗ᭄ᬓᬾᬦ᭄ᬜᬦᬾᬳᬶᬳᬚᬶᬅᬮᬶᬭᬭᬶᬲ᭄᭞ᬲᭀᬭᭀᬄᬲᬶᬓᭂᬧ᭄᭠ᬧ᭄ᬭᬬᬲᬫ᭄ᬧᬸᬦ᭄᭞ᬰᬓᬺᬲᬓᬦ᭄ᬢᬶᬢᭂᬮᬲ᭄᭞ᬫᬗᬸᬤᬶᬤᬶᬂᬲᬫ᭄ᬧᭀᬚᬫᬲ᭄ᬭᬄᬳᬸᬓᬸᬫ᭄᭞ᬩᬾᬩᬲ᭄ᬓᬶᬘᬾ᭠
ᬦ᭄ᬓᬳᬸᬭᬶᬧᬦ᭄᭞ᬳᬶᬤᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭟ᬫᬮᬶᬄᬗᬸᬮᬄᬫᬗ᭄ᬭᬶᬲ᭄ᬢ᭞ᬢᬦᬄᬩᬾᬬᬳᬦᬯᬸᬄᬩᬾᬩᬲ᭄ᬭᬤᬶᬦ᭄᭞ᬘᬸᬗ᭄ᬓᬸᬩ᭄ᬜᬦᬾᬢᭂᬮᬲ᭄ᬧᬸᬳᬸᬦ᭄᭞ᬳᬓᬸᬤᬂᬓᭂᬩᭀᬚᬭᬦ᭄᭞ᬫᬶᬯᬄᬩᬦ᭄ᬢᬾᬂᬓᬚᬭᬄᬬ᭠
ᬦ᭄ᬓᬸᬤᬂᬗᬢᬸᬲ᭄᭞ᬚᬦ᭄ᬫᬦ᭄ᬜᬦᬾᬧᬥᬳᬶᬮᬂ᭞ᬲᬰᬾᬱᬦᬶᬂᬩᬦᬶᬫᬢᬶ᭟ᬮᭀᬮᭀᬲ᭄ᬗᬸᬗ᭄ᬲᬶᬤᬾᬰᬢᭂᬗᬄ᭞ᬅᬦᬓ᭄ᬅᬕᬸᬂᬢᬸᬮᬓ᭄ᬓᬭᬸᬫᬵᬫᬮᬶᬄ᭞ᬫᬶᬯᬄᬓᬓᭂᬤᬶᬭᬶᬲᬫ᭄ᬧᬸᬦ᭄᭞ᬲᬫᬶᬧᬕᭂᬄᬗ᭄ᬕ
Page:Bali-lontar-gaguritan-rusak-sasak-01-300ppi.pdf/22
This page has been proofread.
